Ашық сабақ "Аралас құжаты құру" 3-сынып

Ұзақ мерзімді жоспарда қарастырылған бөлім:

3.3А Шығармашылық және компьютер

Мектеп:

Мұғалімнің аты-жөні: Наукебаева Сайлаугул

Күні:

Қатысқан оқушылар саны:

СЫНЫП: 3 «А»

Қатыспағандар:

Сабақтың тақырыбы

Аралас құжат құру

Осы сабақ арқылы жүзеге асатың оқу мақсаттары (оқу бағдарламасына сілтеме)

3.2.1.3 – құжаттағы ерекшеленген мәтінді қиып алу, көшіру, қою.

3.2.4.2 - арнайы тақырыпқа сай фотосуреттерді қолдану.

Сабақтың мақсаттары

Барлық оқушылар мәтіндік редакторда суреттерді қою, аралас құжаттар ұғымдарымен танысады.

Көпшілік оқушылар құжаттағы ерекшеленген мәтінді қиып алу, көшіру, қою батырмаларын біледі. Суреттермен жұмыс жасауды, алмасу буфері ұғымын біледі.

Кейбір оқушылар мәтіндік редакторда мәтіндер теру барысында мәтіндерді қиып, көшірмесін алу, тақырыпқа сай суреттерді практика жүзінде қолданады.

Бағалау критерийлері

Мәтіндік редакторда суреттерді қою, аралас құжаттар ұғымдарымен танысады, алмастыру буфері, анықтамасын біледі.

Графикалық редактор мен мәтіндік редактор арасында байланыс жасай алады.

Мәтіндік редакторда мәтіндер теру барысында мәтіндерді қиып, көшірмесін ала алады, тақырыпқа сай суреттерді практика жүзінде қолдана алады.

Тілдік мақсаттар

Оқушылар...

Графикалық нысандардың сырт келбетін өзгертеді(нысанды қиып алу, айналдыру, өлшемін өзгерту);

Нысандармен жұмыс жасау кезінде іс әрекеттерінің ретін сипаттайды.

Пәндік лексика және терминалогия:

графикалық элемент, айналдыру, палитра, фотосурет, қиып алу, қою, көшіру.

Диалог/жазуға арналған пайдалы сөз тіркестер:

Суретті айналдыру үшін …

Суретті көрсету үшін...

Үзіндіні бөліп алу үшін...

Өрнектер ... тұрады

Мен ... фигураларын қолдандым

Мен бояу үшін ... түс тандадым

Құндылықтарды дарыту

Өздеріне және басқаларға құрметпен қарау және жұптасып, топта жұмыс істеу, академиялық адалдық - өздігінен зерттеу, ашықтық - оқушылар өздерінің сабақ мақсаттарын айқындауы және жағдайды шеше алуы.

Пәнаралық байланыс

Қазақ тілі, сурет, ағылшын.

АКТ қолдану дағдылары

Вilimland интерактивті визуалды сабақтарын қолдану.

Осыған дейін меңгерілген білім

Өткен тақырып бойынша сұрақтар беріп, осы сабақпен логикалық көпір құру.

Құжатты қандай құрылғының көмегімен басып шығарамыз? Құжатты қалай баспаға шығаруға болады?

Жоспар

Сабақ кезеңдері мен жоспарланатын уақыт

Жоспар бойынша орындалуы тиіс іс-әрекеттер

Дереккөздер

Сабақтың басы

1-5 мин

6-7 мин

Ұйымдастыру:Сәлемдесу,түгендеу. Сыныпта жағымды ахуал орнату үшін тұрғызып, «Бес саусақ» әдісін қолданамын.

• Бас бармақ – Бүгінгі

• Балаң үйрек – сабақта

• Ортан терек – көтеріңкі

• Шылдыр шүмек – көңіл күй

• Кішкентай шүмек – тілеймін!

Топқа бөлу. «Мозайка» әдісі арқылы топтастыру.

1 – топ: Раіnt

2 – топ: WordPad

Өткен сабақты пысықтау:

Тж.

Себетке жеміс жинау

1-топ: Сұрақтары.

1. Құжатты қандай құрылғының көмегімен басып шығарамыз?

2. Құжатты қалай басып шығаруға болады?

3. Салынған суретті басып шығаруға бола ма?

2-топ: Сұрақтар.

1. Не себепті принтерді жүйелік блоктың портына жалғау қажет?

2. Құжатты немесе суретті басып шығарар алдында не үшін алдын ала көру керек?

3. Суретті алдын ала қалай көруге болады?

Тақырыпты ашу мақсатында «Мюнстерберг» әдісін қолдану. Ол үшін оқушыларға қағаз қиындыларын ұсынылады. Көптеген әріптердің арасында тұтас сөздерді тауып, астын сызуы керек. Сабақтың тақырыбы шығады «Аралас құжат құру» . Жұмыс уақыты-2 минут

А4 парағы

Интернет материалдары

Информатика 3 сынып оқулығы

Дәптермен жұмыс

Білу

Мақсатты тұжырымдау

• Сіздің ойыңызша, бүгінгі сабақтың тақырыбы қандай? (оқушылар өз жауаптарын береді).

Сабақтын тақырыбы мен сабақ мақсатын оқушылар мұғаліммен біріге отырып тұжырымдайды.

• Дәптерлеріңді ашып, сабақтың тақырыбын жазып алыңыз.

Барлық оқушылар «түрлі-түсті стикерлер» әдісімен бағаланады.

Сабақтың ортасы

17-18 минут

Түсіну

Тапсырма №1

Компьютердегі тәжірибелік тапсырма

Көктем болды алақай,

Қуанар барлық балақай.

Көктемде жаңбыр болады,

Бақшаға гүлдер толады.

Дескриптірлер

• сурет салуда әртүрлі құралдарды пайдаланады.

• суретті түстер палитрасын пайдаланып бояйды;

• мәтін теру ережесін сақтай отырып мәтін тереді;

• мәтін терген кезде арнайы батырмаларды қолданады;

• құжатты сақтайды;

Оқушылар интерактивті тақтадағы бейнероликтен көз жаттығуларын қайталайды.

Тапсырма№2

Оқушылар практикалық жұмысты орындауға кіріседі.

Саралау мақсатында тапсырмалар өсу ретімен күрделенеді.

Дескрипторлар арқылы өзара бағалау.

Дескрипторлар арқылы оқушылар жұптасып бір бірінің жұмыстарын бағалайды

Тапсырма №3

Оқушыларға «Ой шақыру» стратегиясы бойынша ребустар ешу /топтық жұмыс/.

Жауабы.

Білекті бірді жығады,

Білімді мыңды жығады.

Оқушыларға бірнеше сыни сұрақтар беріледі. «Көршіме айтамын» әдіс арқылы жұптар өзара ой бөліседі /жұптық жұмыс/.

1. Неліктен аралас құжаттар құрамыз?

2. Не үшін суреттерді Раіnt графикалық редакторда саламыз?

3. Аралас құжат дегеніміз не?

4. Суретті құжатқа қалай кірістіреміз?

Оқушылар бірін – бірі смайлик арқылы бағалайды.

Ғаламтор https://www.youtube.com/watch?v=J846twhH8PA

Диск.

(31-32 Слайд)

Тапсырманы орындаған оқушшыны мадақтау, толықтыру жасау.

Сабақтың соңы

38-40 минут

Бағалау

Кері байланыс

Кері байланыс: «Желкенді кеме»

• Егер саған сабақ ұнаса және тапсырманың барлығын сәтті орындаған болсаң, желкенді

• жасыл түспен бояу;

• Егер сен сабақта белгілі бір қиындықты кездестірген болсаң, желкенді сары түске бояу;

• Егер саған сабақ барысында тапсырмаларды орындау қиын болып, мұғалімнің көмегі қажет болса желкенді қызыл түспен бояу;

Үйге тапсырма: Оқулық (74-76-суреттер).

§20. Аралас құжаттар құру. Оқулықтағы «Үйде орындайық» тапсырмасын орындау.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс
Құндылықтармен байланыс (тәрбиелік элемент)

Практикалық тапсырма орындау кезіңде саралау шығармашылықтың кезеңі бойынша іске асады: тапсырмалар өсу ретінде берілген. Тапсырманы орындаған жағдайда мұғалім сұрақтар арқылы немесе нұсқау картасында қадам бойынша алгоритм қолданып қолдау көрсетеді.

Оқушылардың барлығы:

• Графикалық нысанның сырт келбетін өзгертеді(нысанды қию, айналдыру және көлемін өзгерту);

Оқушылардың көбісі:

• Насандармен жұмыс жасаған кезде іс әрекеттерін сипаттайды.

Кейбір оқушылар:

Үйдің суретін салады

Бағалау сабақтың әр кезеңіңде жүзеге асырылады:

- қиындықтарды анықтап қолдау мақсатында оқушылардың жауптарын қадағалау (жұптық жұмыс).

- теориалық материалды түсіну кезеңінде интерактивті тапсырмаларды бағалау үшін қолдану;

- практикалық жұмысты орындау кезіңде бағалау дескрипторлар арқылы жұптасып орындалады.

- өз-өзінің жұмысын бағалау мақсатында, кері байланыс түрінде сабақтың соңында, оқушылар өз жұмыстарын бағалайды, жетістіктері мен қиындықтарын талдайды.

Оқушылардың белсенділігін арттыру үшін сабақ барысында топтық жұмыс, сергіту сәті қарастырылған.

Компьютермен жұмыс жасап отырған кезде оқушылар дене мүсіні дұрыс болуына, көзбен монитор экранының ара қашықтығына көңіл аударып, жағымсыз ситуациялар пайда болған жағдайда мұғалімге хабарлайды.

Практикалық жұмыс орындаған кезде «Дүниетану» пәнімен байланысады.