Пәні: математика Сыныбы: 4 «Г»

Пән мұғалімі: Тургумбаева Г.Е.

Сабақтың тақырыбы: Арифметикалық амалдар және олардың қасиеттері.

Сабақтың мақсаты: 

Арифметикалық амалдардың қасиеттерін қазақ және орыс тілдерінде меңгерту, оларды әріппен жазуды, есептеулер жүргізуде қолдануды дамыту. Оқушылардың арифметикалық тілді екі тілде сөйлеу дағдыларын қалыптастыру.

Күтілетін нәтиже: 

Арифметикалық амалдардың қасиеттерін біледі, есептеулер жүргізуде осы қасиеттерді қолданады. Арифметикалық тілі мен ойы арта түседі.

Сабақтың көрнекілігі: слайдтар, кестелер, суреттер, сызбалар, смайликтер, қоржын.

Сабақтың түрі:  бекіту сабағы

Пәнаралық байланыс: орыс тілі, дүниетану

Сабақтың әдістері: «Математикалық бәйге», «Фишбоун»(топтық жұмыс), «Поляна вопросов» (топтық жұмыс), «Сандар сөйлейді» әдістері, «Теңге ілу» бағалау техникасы, «Басбармақ» бағалау техникасы

Сабақтың барысы:

І. Ұйымдастыру кезеңі. 3мин.

1.Психологиялық дайындық. - Сәлеметсіңдер ме, балалар! Көңіл-күйлерің жақсы ма? Сабақта барлығы түгел ма? Бүгінгі математика сабағымыз ерекше болмақ, өйткені бізде қонақтар бар. Тағы бір себебі, елбасымыз сендерге үлкен сенімін арта отырып, үш тілді меңгеру міндетін қойып отыр. Сол себепті біз бүгінгі сабағымызды екі тілде: қазақ және орыс тілдерінде өтуге тырысамыз. Ал ол үшін бізге үлкен зейін, байқағыштық, тапқырлық және жылдамдық керек болады. Дайынсыңдар ма? Олай болса бір-бірімізге жақсы көңіл-күй сыйлайық.

Ұзақ тосқан қоңырау,

Соғылды сыңғырлап,

Сабақ та басталды,

Басылды дабырлақ.

Қосамын да азайтам,

Көбейтем де бөлем.

Математиканы білем,

Сондықтан оны сүйем.

2.Топтастыру. Балалар, енді тақтадағы гүл шоғынан бір-біреу алып, ішінде жазылған тапсырманы орындау арқылы кіші топтарға бірігейік. Бірақ бұл тапсырма жай тапсырма емес, мұнда өрнек жазылғанымен, амалдың белгісі қойылмаған. Оқушыларды қима қағаздағы есептерді шығару арқылы кіші топтарға біріктіру.

І топ-«Қосу» (+) ІІ топ-«Азайту»(-) ІІІ топ-«Көбейту»(*) ІV топ- «Бөлу» (/)

40+ 20=60 80 -30=50 4 * 7=28 36 / 6=6

50+30=80 70- 40=30 5 * 7=35 35 / 5=7

17+ 6=23 26 - 3=23 2 * 6=12 16 / 2=8

15+ 2=17 100 -30=70 3 * 7=21 45 / 9=5

80+2=82 90 -30=60 9 * 5=45 28 / 7=4

90+ 20=110 80-40=40 3 * 9=27 18 / 6=3

-Неліктен сен осы топқа отырдыңдар?

Оқушылар топтардың аттары мен компонеттерін екі тілде атайды.

ІІ.Өткенді қайталау. 8 мин. Балалар, қазір біз жалпы қайталау сабақтарын өтіп жатырмыз. Енді өткен сабақтарда алған білімімізді қаншалықты меңгергенімізді анықтау үшін тест тапсырмасын орындаймыз.

4-1 тест. І тарау. Миллион көлеміндегі сандар және арифметикалық амалдар.

Көп таңбалы сандар.

А блок

1. Бірлік мыңдар, ондық мыңдар және жүздік мыңдар ... класты құрайды.

А) екінші В) бірінші С) үшінші D) ешқайсысы

2. Көбейткіштердің орнын ауыстырғанда көбейтіндінің мәні.....

А) ұлғаяды В) өзгермейді С) азаяды D) өзгереді

Б блок

3. Есептеңіз: 35 • 5 + 26 • 4 =

4. Өрнек құр және оның мәнін тап: 200 бен 300 сандарының қосындысын 5 есе кеміту.

____________________________________________________________

С блок

5. Сәйкестендір: 1) S=a*b А) периметрдің формуласы

2) P=(a+b)*2 В) қашықтықтың формуласы

3) S=v*t С) ауданның формуласы

6. Сәйкестендір: 1) Мыңдар класы А) бірінші класс

2) Бірліктер класы В) үшінші класс

3) Миллиондар класы С) екінші класс

Д блок

7. Үстелдің үстінде 5 пиала таңқұрай тұрды. Арсен 3 пиала танқұрайды жеді. Неше пиала қалды?

Орындап болған соң, оқушылар сағат тілімен орындарымен ауысып слайдтағы дұрыс жауапқа қарап бір-бірін тексереді, бағалайды. Барлығы дұрыс болса- «5», бір қатесі болса- «4» , екі қатеден көп болса - «3» деген бағаларды білдіретін смайлик қоясыңдар. Әр топта неше дұрыс жауап барын санап, жалпы санын айтады.

«Теңге ілу» туралы не білесіңдер? Жақсы, балалар, топтарды сабақ барысында «Теңге ілу» бағалау техникасы арқылы бағалаймын. Тапсырма дұрыс орындалса- , тапсырма жартылай орындалса- ілген боласыңдар. Теңгені ілу оңай емес, ол үшін өте епшіл болу керек. Әр оқушы жеке жұмысы үшін сабақ соңында бағаланады.

ІІІ.Сабақтың тақырыбын ашу. Екінші асу. Оқулықпен жұмыс.

1. Келесі тапсырманы «Математикалық бәйге» ойыны бойынша 93- беттегі № 13,№14,№15 тапсырмаларды орындаймыз. Дайынбыз ғой? Дәптерлерімізді ашамыз, күн ретін жазамыз. Онда тапсырманы мұқият тыңдаймыз. Тақтаға бір-бір оқушыдан шығып, жылдам орындаймыз.

Тапсырманы орындап болған соң бір -бірімізді критерийлер бойынша «Басбармақ» бағалау техникасы арқылы бағалаймыз.

Балалар, тапсырманы орындау кезінде не байқадыңдар?

Қандай амалдар орындалған?

Үшінші асу. 2. «Фишбоун» әдісі бойынша оқулықтағы 94-беттегі №16 тапсырманы орындаймыз.

Осы амалдарға қатысты қандай заңдылықтарды білеміз?

(Балалар қазақ және орыс тілінде заңдарды атап өтеді:

Ауыстырымдылық-«переместительный»

Терімділік-«сочетательный»

Үлестірімділік-«распределительный»)

ІV. Төртінші асу. Итак, ребята мы с вами находимся на «Поляне вопросов». На цветочках сидят бабочки, а на бабочках написаны задания для каждой группы.

Каждой группе предстоит составить задачу для соседней группы на русском языке.

І топ-«Қосу» (+) ІІ топ-«Азайту»(-) ІІІ топ-«Көбейту»(*) ІV топ- «Бөлу» (/)

Объем Площадь Периметр Задача на движение

Каждая группа получает задачу от соседней группы и начинает решать ее. Закончив работу ученики читают ответы задач, объясняют решение, оценивают

друг друга.

-Скажите, ребята, вам нравится урок математики?

Математику, друзья,
Не любить никак нельзя:
Очень строгая наука,
Очень точная наука,
Интересная наука -
Это математика.

V. Сергіту сәті. «Фиксики - Помогатор» биі.

VІ.Төртінші асу. «Сандар сөйлейді» әдісі бойынша логикалық тапсырмаларды орындау.

1. Бөренені  4 рет бөлді. Сонда қанша кесінді жасалды?

2. Алдымен әр түрлі үш санды қосып, одан соң көбейтті. Шыққан сан мен көбейтінді бірдей болып шықты. Бұл қандай сандар?

3. Бабушка  связала восемь рукавичек. Сколько внучат сможет их надеть?

4. Қай кезде 2 санына қарап, біз «он» дейміз?

5. Сколько ножек у стула и стола вместе?

V І. Сабақты бекіту. 95-беттегі №17 тапсырма (ауызша). Оқушылар қорытынды жасайды.

1. Қосылғыштарды кез келген ретпен қоса беруге болады.

2. Көбейткіштерді кез келген ретпен көбейте беруге болады.

VІІ. Үй тапсырмасын беру: 95 бет № 18 тапсырма, тест тапсырмалары.

VІІІ.  Бағалау. Оқұшыларды бағалау, мадақтау.

ІХ. Кері байланыс. Смайликтер арқылы сабақтан алған әсерлерін көрсету.

Жүктеу

ЖИ арқылы жасау

ЖИ арқылы жасау

Бөлісу