400 000+ дайын материалды
1 жыл бойы шексіз жүктеңіз
ҚМЖ, БЖБ, ТЖБ, презентациялар және авторлық материалдар
4 990₸/ 1 жыл
🔥Арнайы баға ·10.12.2026 дейін
Одан кейін - 29 990 ₸
Бір рет төлейсіз · Автотөлем жоқ
Тақырып бойынша 12 материал табылды

Ашық сабақ Ата – анаң – алтын тұғырың 11-сынып

Материал туралы қысқаша түсінік
Оқушыларға ата – анаң алтын тұғыры екендігін түсіндіре отырып, сүйіспеншілік құндылығының мәнін ашу.
Материалдың қысқаша нұсқасы

Авторы: Нургалиева Гулмира Владимировна

Ақтөбе облысы Қобда ауданы Егіндібұлақ ауылы И.Құрманов атындағы орта мектебі әлеуметтік педагог және өзін-өзі тану пәнінің мұғалімі

6-сынып, Өзін – өзі тану пәні

Сабақтың тақырыбы: Ата – анаң – алтын тұғырың.

Құндылығы: Сүйіспеншілік

Қасиеттер: Ізгілік, жомарттық, кішіпейілділік.


Сабақтың мақсаты: Оқушыларға ата – анаң алтын тұғыры екендігін түсіндіре отырып, сүйіспеншілік құндылығының мәнін ашу.

Міндеттері:

- Оқушыларды ата – анаға ізгілік көрсете білуді түсіндіру.

- Оқушыларды жомарттық таныта алуын дамыту.

- Оқушыларды кішіпейілділікке тәрбиелеу.

  1. Ұйымдастыру кезеңі. 5Т

2.Тыныштық сәті «Нұрға бөлену» (баяу әуен)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздіңәр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздіңқауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда қолымыз тек жақсы істер істейді. Нұр аяқтарыңызға тарады. Аяқтарыңыз нұр сәулесін шашуда, олар жақсы жерлерге апарады.

Одан әрі нұр сіздің тіліңізге тарады, шындықты және жақсы, ізгі сөздер ғана айтады. Нұрды құлақтарыңызға бағыттаңыз, жақсы сөз,әсем әуенді ғана естиді.Нұрды уақытша түсініспей жүрген адамдарға да бағыттаңыз, олардың да жүрегі нұрға толсын.Ойша айтыңыз: «Мен нұрлымын… Нұр менің ішімде… Мен Нұрмын».

Осындай Нұр, Махаббат және Тыныштық күйінде отыра тұрыңыз…Енді осы Нұрды жүрегіңізге орналастырыңыз. Нұрға толыәлем сіздің жүрегіңізде.Оны осындай әсем қалыпта сақтаңыз.Жаймен көзіңізді ашуға болады.Рахмет.

3.Үй тапсырмасын тексеру.

№19 – сабақ. 91-беттегі. Б.Соқпақаевтың «Менің атым - Қожа» шығармасынан үзінді оқу. 


1. Басқа балалардың әке туралы сөздері Қожаны қандай ойға баурады? 

2. Бала Қожа анасын неге аяйтын еді? 

3. Қожаның әкесі қандай адам болған? 

4. Жылы сөздің адамдарға әсері қандай ? 

5. Айналамыздан жылы сөздерді жиі естіп жүрміз бе? 

6. Өзің жылы сөзді қаншалықты жиі айтасын?


Ресурстар:

оқулық, дәптер


Сабақ барысын талқылау:




Ескерту

Сиқырлы әуен

«Хрустальная грусть»



  1. Дәйексөз

Сүйіспеншілік адам жанына қуаныш, ерік пен еркіндік сыйлайды... М.Лютер

1.Дәйексөздің мағынасын қалай түсінесіздер?

2 рет қыздар,2 рет ұлдар, 1 рет бәрі қайталап оқиды. Дәйек сөзді дәптерге жазу

.

  1. Мұғалімнің сыйы

Ғаламат  
Сегіз жасар Салли ауруханаға жатқызылған інісі Жорж үшін қатты уайымдайтын. Ата-ана қолдарынан келгеннің бәрін жасап, Жоржды тек қана қымбат операция құтқара алатынын түсінеді. Алайда, ондай қымбат операцияға ақшалары жоқ еді. Салли әкесінің үмітсіз дауыспен анасына: «Оны тек бір ғаламат қана құтқара алады» дегенін естіп қалады. Мұны құлағы шалған Салли тыныш қана өзінің бөлмесіне барып, жинақтауышқа салған ақшаларын шығарып санайды. Қателесіп қалмау үшін тиындарын бір емес, екі рет санап шығады. Бәрін қалтасына салып, үйден шығады да, тіп-тіке үйдің жанындағы дәріханаға барады. Дәрігердің көңілін өзіне аудару үшін сабырмен күтеді. Дәрігер бір кісіге дәрінің қалай қолдану керектігін түсіндіріп жатыр екен. Кішкентай баланың сұрақтарына жауап беріп тұратындай оның уақыты жоқ еді. Саллидың жалықпай күтіп тұрғанын көріп: «Иә, қызым, не алайын деп едің, айта бер. Тездет, мына кісімен сөйлесіп тұрғанымды көріп тұрсыңғой», - деп, қасындағы қымбат бағалы киімдер киген бір кісіні көрсетеді. Салли: «Інім қатты ауырып қалды, бір ғаламат алғым келеді», - деді. Дәрігер Саллиге қарап: «Түсінбедім», - дегенде: «Былайғой, әкем: «Оған тек қана бір ғаламат көмектесе алады» дегенеді, бір ғаламат қанша тұрады?», - деп түсіндірмек болады. Дәрігер бұл жолы Саллиге жаны ашып қамқорлықпен қарады: «Өте өкінішті, қызым, бірақ біз мұнда ғаламат сатпаймыз, саған көмектесе алмаймын», - деді. Салли де мақсатынан тез қайта салғысы келмейтіндерден еді. Дәрігердің көздеріне тура қарап: «Оны сатып алатын ақшам да бар. Тек қана бағасын айтсаңыз болды», - деді. Дәрігер мен Саллидің осы сұхбатын тыңдап тұрған адам Саллиге бұрылып: «Інің үшін қандай бір ғаламат керек, қызым?» деп сұрайды. «Білмеймін», - деді Салли. Сосын көздерінен тамшылап аққан көз жасын сүрте беріп: 
«Тек білгенім – інім ауруханада. Және анам оған операция жасалмаса, ауруханадан аман шыға алмайтынын айтады және олардың ондай операцияға ақшасы жоқ. Бірақ әкем: 
«Оны тек қана бір ғаламат құтқара алады» дегенін естіп осында келдім», - дейді. Әлгі адамның: «Қанша ақшаң бар?» деген сұрағына: «Бір доллар мен он бір цент. Бар жинаған ақшам осы!», - деді Салли. 
«Бұл өте жақсы, өйткені ініңді құтқаруға керек болған ғаламатқа бұл ақшаң тура жетіп тұр», - деді жаңағы кісі. Сөйтіп бір қолымен ақшаны алды да, бірқолымен Саллидың қолынан ұстап: «Кішкентай ініңмен, ата-анаңмен танысқым келеді» деп, Салли тұрған үйге апаруын сұрайды. 
Жақсы киінген адам Карлтон Армстронг есімді дәрігер еді. Жорж үшін қажет операцияны жасай алатын атақты хирург. Операция сәтті өтті. Отбасы бұл операция үшін ешқандай төлем жасамады. Сол күні үйлеріне қайтып бара жатқанда, барлық нәрсенің қандай сәтті болғанына әлі де сене алмай қуанышы ішіне симай тұрған анасы: 
«Әлі де сене алмай тұрмын. Бұл операция бір ғаламат! Кім біледі қандай қымбат болғанын» деді. Салли күлімдеді. Бұл ғаламаттың қанша тұрғанын ол жақсы біледі. 
Тура бір доллар мен он бір цент!...


1.Салли інісі Жорж үшін неге уайымдады?

2.Салли дәріханада кіммен кездесті?

3.Саллидің күлімдеуіне қандай ғаламат әсер етті?

4. Ғаламаттың күші неде?

5.Күнделікті өмірде жомарттық жасау барлық адамның қолынан келе ме?

6. Өмірде кішіпейіл адамдарды көре аласың ба?

7. Өзіңнің бойыңда ғаламат күш бар ма? 

Әңгіме

  1. Шығармашылық жұмыс, жеке жұмыс.

«Ата – анаң тірегің» тақырыбы бойынша ата-анаға хат жазғызу


  1. Топпен ән айту

«Ана туралы жыр»

Сөзі: Ғ.Қайырбеков

Әні: Ш.Қалдаяқов (караоке қолдану)

1.Әлемнің жарығын,

Сыйладың сен маған.

Даланың әр гүлін,

Жинадың сен маған.

Сен берген құстардың,

Қанатын самғаған.

Балалық құштарым,

Өзіңе арнаған

Қайырмасы:

Әлдилеп аялап,

Өсірген жемісің.

Самал жел, сая бақ,

Құшағың мен үшін.

Есейіп кетсем де

Мен саған сәбимін

Көңіліңді көктемдей,

Көзіңнен танимын

2.Өтеуге борышым,

Анашым, жан сырым

Іздедім сен үшін,

Әлемнің асылын.

Әлемнің байлығын,

Сыйлар ем кеш мені.

Сыйлар ем ай, күнін

Қолыма түспеді.

Қайырмасы:

3.Ете гөр қанағат

Әзірге берерім

Балалық махаббат

Балалық жүрегім

Бол риза, анашым

Қолдағы осы бар

Өзіңе арнаған

Әнімді қосып ал

Қайырмасы:



  1. Үйге тапсырма: № 20 сабақ. Ғ.Мүсірепов «Ақлима» әңгімесін оқып келу.

«Отбасы – жылы ұямыз, тірегі – ата анамыз » тақырыбында эссе жазу.



  1. Сабақтың қорытынды минуты. Көзімізді жұмып еркін жайғасайық.Сіздер Нұрлы жансыздар! Мен сіздерге ризамын. Күндеріңіз сәттілікке толы болсын.Жайлап, көздеріңізді ашыңыз. Сау болыңыздар.

«Хрустальная

композиция»

бейнежазба




Материалды Word форматында жүктеп аласыз
Тарифке кіреді
0 ұстаз жүктеп алған
29 сәуір
1144
Бұл материалды қолданушы жариялаған. UstazTilegi материалдың мазмұны мен авторлық құқықтарына жауап бермейді. Авторлық құқық бұзылған жағдайда шағым қалдыра аласыз
"Ұстаз" платформасында тіркелген пәндік олимпиадалар
Аттестацияға жарамды екенін көру үшін "Ұстаз" платформасында "Жарыстар, олимпиадалар тізімінен "Ustaz tilegi" деп іздесеңіз шығады
Қазақстандағы ең үлкен материалдар базасынан іздеу
Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде керек материалды іздеп, жүктеп алып сабағыңызға қолдана аласыз
Осы тақырыпта
көрнекілік керек па?
10 000 астам көрнекіліктерді жинап қойдық.
Көрнекілік бөліміне өтіп тақырыбын жазып жүктеп алыңыз!
Министірлікпен келісілген Аттестацияға жарамды курстар тізімі