Ашық сабақ Автобуста (Әңгіме) Мектепалды даярлық сынып

Білім беру саласы

Қатынас

ҰОҚ

Көркем әдебиет

Тақырыбы:

Автобуста (Әңгіме)

Бөлім

1.Тыңдалған материалдың мазмұнын түсіну

Бөлімше

1.3. Тыңдағанын мазмұндау

Оқу мақсаты:

0.1.3.1.Тыңдалған материалды иллюстрациялар бойынша оқиға жүйесін сақтап баяндау

ҰОҚ мақсаты:

Тыңдалғанын мазмұндайды. Шағын әдеби шығармаларды иллюстрацияға сүйеніп және оларсыз байланыстырып, қайталап айтады. Қатысушы тұлғалардың диалогтерін түрлі интонациямен береді, рөлде ойнайды.

Күтілетін нәтиже:

Шағын әңгімелердің мазмұнын иллюстрацияға сүйеніп және оларсыз байланыстырып,қайталап айта алады. Қатысушы тұлғалардың диалогтерін түрлі интонацияға салып, рөлде ойнай алады.

ҰОҚ жоспарын жүзеге асыру кезеңдері,уақыты

ҰОҚ жоспарлау

Ресурстар

3-5 минут

Негізгі бөлім 15-20 минут

Эмоционалдық көңіл- күй қалыптастыру:«Жарқыраған күндейміз» әдісі (коммуникациясы дамиды)

Біз қандаймыз,

Шұғылалы таңдаймыз.

Жарқыраған күндейміз,

Ренжуді білмейміз.

«Ашық сұрақ»әдісі (ұжымдық жұмыс,сыни ойлау)

-Қандай көлік түрлерін білесіңдер?

-Сен мектепке қандай көлік түрімен келесің?

-Автобуспен жүріп көрдің бе?

-Автобусты кім жүргізеді?

Әбді Шынбатыровтың «Автобуста» әңгімесімен таныстыру (Педагог жетекшілігімен)

Әңгімені педагог мәнерлеп оқиды.

Педагог «кішіпейілділік», «қамқорлық» , «үлкенді сыйлау», «орын беру» сөздеріне түсінік береді.

Кері байланыс: «Серпілмелі доп» әдісі

Шарты: Педагог оқушыға допты лақтыру арқылы сұрақ қояды. Оқушы жауап қайтара отырып, допты кері педагогқа ұсынады.

– Әңгіме ұнады ма?

• Әңгімеде не туралы айтылған?

• Автобуста үлкен кісіге кім орын береді?

• Сен болсаң қандай әрекет жасар едің?

Сергіту сәті: (Оқушылар іс- қимылмен,еркін орындайды)

Қызыл көзін ашқанда,

Сынақ сүйем баспа алға.

Сары көзін ашқанда,

Қарап қалма аспанға.

Жасыл көзін ашқанда,

Өте бергін, жасқанба!

Топқа бөлу: «Бағдаршам»әдісі Бағдаршамның түстері арқылы үш топқа бөлінеді.

І топ: «Қызыл» түс

ІІ топ: «Жасыл» түс

ІІІ топ: «Сары» түс

Сараланған тапсырмалар беріледі:

І топ: Жұптық жұмыс (Оқушының ептілігін, тілдік қарым- қатынасын тікелей бақылау, 4 К моделі)

Шарты: Сурет бойынша досыңмен бірге сұрақтар құрастырып, жауап беріңдер.

ІІ топ:Топтық жұмыс: (Бала үні, шығармашылығын дамыту )

Шарты: «Автобуста» әңгімесінің желісімен рөлде ойнау

ІІІ топ: Топтық жұмыс: (Құрылымдалған ойын,тілдік дағдыны қалыптастыру)

Шарты: Иллюстрацияланған суреттердің көмегімен әңгіменің қай сәті бейнеленгенін тауып, құрастыру және диалогпен көрсету.

Кері байланыс: «Ойланып,жауап бер»әдісі

-Көлік ішінде әдептілікті қалай сақтайсың?

-«Үлкенге құрмет» сөзін қалай түсінесің?

-Рөлде апаны сомдаған оңай болды ма?

-Жақсылық жасаған адамға қандай сөз айту керек?

-Автобуста сен өзіңді қалай ұстайсың?

Ұжымдық жұмыс:«Көңілді шофер» ойыны (Еркін ойын)

Шарты: Автобус жүргізушісі көңілді әуенмен әр аялдамаға келіп тоқтайды да, сан жазылған тақтайшаны көрсетеді. Сол санға байланысты жолаушылар автобусқа отырады. Осылай жалғаса береді.

https://images.app.goo.gl/UYCQqQNDjBzbj88TA

Доп

https://images.app.goo.gl/xn8LmQQfmt3275YW8

https://images.app.goo.gl/Kznf3w3P9jWKrAnG8

https://images.app.goo.gl/SJFJMP3q369srEr66

Рефлексия:

5 минут

«Көліктер жолағы » әдісі:

Шарты:Әр оқушының қолында бір көліктен болады.Сабақ қызықты өтті дегендер- жасыл түсті жолға, әлі де білгім келеді дегендер-сары түсті жолға, маған көмек қажет дегендер- қызыл түсті жолға көліктерін іледі.

Көлік бейнесіндегі стикер