Ұзақмерзімді жоспар бөлімі: Атақты тұлғалар

Каратаева Замзагуль Каламовна

Сабақ тақырыбы

Бала Абай

Сабақ мақсаттары

3.1.3.1.Тыңдаған мәтіннің мазмұны бойынша сұрақтарға жауап беру, сюжет желісі бойынша иллюстрацияларды орналастыру, сөздерді дұрыс сәйкестендіру, жіктік жалғауын дұрыс қолдану.

Бағалау критерийлері

Мәтінді оқып, сұрақтарға дұрыс жауап береді.

Батаны мәнерлеп оқиды.

Сөздерді дұрыс сәйкестендіреді

Жалғауларды дұрыс қолданады.

Лексикалық минимум

ақын, ұлы, тұлға

Грамматикалық минимум

жіктік жалғауының жалғануы:

мен ақын боламын, сен ақын боласың, сіз ақын боласыз, ол ақын болады.

Құндылықтарды дарыту

Абайдың балалық шағынан мағлұмат ала отырып, оның өмірін өздеріне үлгі етеді. Ақындық өнердің қалыптасуына әсер ететін өмірлік жағдаяттарды ұғынады.

Пәнаралық байланыстар

«Қазақ әдебиеті» пәні

АКТ қолдану дағдылары

аудиотаспа, интербелсенді тақта, таныстырылым

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 минут

Ой қозғау. Оқушыларды интербелсенді тақтадағы ребус арқылы сабақ тақырыбын болжатуға жетелеу. Сұрақтар қою арқылы коммуникативтік қарым-қатынас орнату.

Оқушылар «кітап» сөзінен алдыңғы үш әріп пен соңғы әріпті, «домбыра» сөзінен алдыңғы және соңғы үш әріпті сызып, «ай» сөзін қосады. Сол кезде «Абай» сөзі шығады. Оқушылар ребус арқылы жаңа сабақтың атауын табады.

Мұғалім: «Олай болса, бүгін біздің сабағымыздың тақырыбы «Бала Абай» – деп тұжырымдайды.

Сабақтың мақсатымен таныстыру:

Мәтін мазмұнын тыңдап, ақпарат алу.

Мәтінді негізге ала отырып, сұрақтарға жауап беру.

Сабақтың ортасы

30 минут

(МК, Ұ) Жаңа сөздерді анықтамаларға сүйене отырып меңгерту.

• Поэзиялық туындыларды (өлең, жыр-дастан, поэма) ауызша айтып не жазып шығаратын адамды ақын деп атаймыз.

• Өз істерімен аты тарихта қалған, асқан кемеңгер, озық ойлы адамдарды ұлы деп атаймыз.

• Халқына тірек, қамқор болған, жан-жақты қалыптасқан адамдарды тұлға деп атаймыз.

Тыңдалым. Оқушылардың тыңдау қабілетін, қазақша сөйлеуді қабылдау дағдысын дамыту мақсатында мәтін бірнеше рет тыңдалады.

Тыңдалым мәтіні:

Абайдың ауылына атақты Дулат ақын келді. Абай әжесінен Дулат ақын туралы сұрады. Дулат ақын Абайға бата берді. Абайдың әжесі – Зере өте мейірімді адам, ол Дулат ақынды құрметтеді.

Оқылым. Айтылым. «Дұрыс жауап» әдісі арқылы сұрақтардың дұрыс жауабын табады.

Оқылым. Дулат ақынның Абайға берген батасын оқы.

Мұғалімнің көмегімен өлеңнің мағынасын түсін. Батаны жаттап ал.

Мұғалім алдымен мәтіннің жанрына тоқталады. Батаның тілек, алғыс екендігі туралы айтады.

Шырағым, ержетерсің,

Ержетсең, сірә, не етерсің?

Алысқа шырқап кетерсің,

Шыдасаң, шыңға жетерсің.

Жазылым. Жақшаның ішіндегі сөздердің тиістісін тауып сәйкестендіреді..

Сабақтың соңы

5 минут

Үй тапсырмасы. Дулат ақынның берген батасын жаттау:

Шырағым, ержетерсің,

Ержетсең, сірә, не етерсің?

Алысқа шырқап кетерсің,

Шыдасаң, шыңға жетерсің.

 Рефлексия.

Сабақтан алған әсерлерін төмендегі түстер арқылы көрсету:

Жасыл түс – сабақта барлығын түсіндім.

Сары түс – енді түсініп келемін

Қызыл түс – түсінбедім

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушының материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушының жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез келген кезеңінде қолданыла алады.

Бұл бөлімде оқушының сабақ барысында үйренгенін бағалау үшін қолданатын әдіс-тәсілдеріңізді жазыңыз.

Денсаулық сақтау технологиялары.

Осы сабақта қолданылатын қауіпсіздік техникасы ережелерінің тармақтары.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушының барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушының жетістік/ қиындықтары туралы нені білдім, келесі сабақтарда неге көңіл бөлу қажет?