400 000+ дайын материалды
1 жыл бойы шексіз жүктеңіз
ҚМЖ, БЖБ, ТЖБ, презентациялар және авторлық материалдар
4 990₸/ 1 жыл
🔥Арнайы баға ·10.12.2026 дейін
Одан кейін - 29 990 ₸
Бір рет төлейсіз · Автотөлем жоқ
Тақырып бойынша 31 материал табылды

Ашық сабақ Батылдық пен табандылық 4-сынып

Материал туралы қысқаша түсінік
Ашық сабақта қосымша қолдауға болады.
Материалдың қысқаша нұсқасы

Пән: Өзін – өзі тану

Мектебі: № 62 мектеп - лицейі Күні: 27/01/2020 №: 19 сабақ

Тақырыбы: Батылдық пен табандылық

Құндылығы: Дұрыс әрекет

Қасиеттері: Батылдық, табандылық, ерлік

Мұғалімі: Сақтағанова Г. Сыныбы: 4 «А» Оқушылардың саны: 13


Мақсаты: оқушыларға батылдық пен табандылықтың маңыздылығын түсіндіру арқылы дұрыс әрекет құндылығының мәнін ашу.

Міндеттері:

  1. Білімділік: оқушыларға ерлік жасау ұғымын батылдық қасиетімен байланыстыра отырып ұғындыру.

  2. Дамытушылық: оқушылардың бойындағы батылдық пен табандылық қасиеттерін дамыту.

  3. Тәрбиелік: оқушыларды батыл, табанды болуға, ерлік жасауға тәрбиелеу.

Ресурстар:

(материалдар, дереккөздер)

1.bilim-all.kz

2.https://infourok.ru

https://angimeler.wordpress.com


Сабақтың барысы:

  1. Ұйымдастыру кезеңі

  1. Т – ережесі:

  1. Тәртіп

  2. Талап

  3. Тыныштық

  4. Тазалық

  5. Татулық (Еске түсіріп тақтаға ілу)

  • Балалар ережені есімізге түсірдік. Олай болса, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды күйге келу.

Тыныс алуға зейін қою.

Баяу музыка қойылады.

Мұғалім: сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Қане, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)немесе1..................2 [3]. Рахмет!

2. Үй тапсырмасы

№19 сабақ, «Өрт» мәтінін оқып келу.

  • Үй тапсырмасын пысықтау үшін, отырған орындықтарыныздың арқасына арнайы жабыстырылған, өрт сөндіру құралдарының суреттері ілінген. Әр суретте бір - бір сұрақтан жасырылған. Қане, тауып көрейік.

  1. Мақсұттың бұл іс-әрекетінің себебі неде?

  2. Батылдық қандай жағдайларда көрініс береді?

  3. Мақсұттың іс-әрекетінен қандай үлгі алуға болады?

  4. Батыл адамның бойында қандай қасиеттер болуы керек?

  5. Өзіңнің батылдық танытқан кезің немесе таныс адамының болды ма? Қалайша?

  • Қаңтар айының ортасында осы Арал қаласында тілсіз жаудың кесірінен өрт болды. Сол кезде Арал қаласының тұрғындары Мұрат Қазыбеков пен Сұлтанай Жүсіповтердің арқасында бір үйдің үш бірдей баласы құтқарылды. Міне, осы адамдардың және мәтіндегі кейіпкеріміз Мақсұттың бойында батылдықтары болмаса, табандылықпен шешім қабылдама, бұл балалардың өрттен аман қалуы екіталай еді. Сондықтан әр адамның бойында осындай қасиеттер болуы керек. Қиын сәттерде дұрыс шешім қабылдап, дұрыс әрекет етіп, өздерінің батылдығын көрсете білуі керек.












үнтаспа қосу













Оқушылардың жауаптары тыңдалады.

3. Сабақтың дәйексөзі

Бүгінгі сабағымыздың дәйексөзін қазыналы сандықшамыздан алайық.

«Батыл болмай, батыр болмайды» 
Халық даналығы 

Сұрақтар:

  1. Дәйексөзден қандай ой түйдіңіз?

Дәптерімізге жатқа жазып алайық.

Бойында батылдығы бар адам батыр бола алады. Ал батыл болу үшін өжет, төзімді,шыдамды,сабырлы,табанды, ата-анасын,елін,жерін сүйетін, қорқуды білмейтін адам болу керек. Ондай адам батыр бола алады. Сондықтан да халық «Батыл болмай, батыр болмайды» деп тегін айтпаған.

Ер балалар екі рет, қыз балалар екі рет айтады.

4. Оқиға айту (Мұғалім сыйы).

Тақырыпқа сай бейнематериал көрсету

«Торғай қолтырауынды қалай құтқарды?» мультфильмі

  1. Торғайдың батылдығын қандай іс – әрекетінен байқадыңыздар?

  2. Торғайдың бойында басқа қандай жақсы қасиеттерін көрдіңіздер?

  3. Батыл болу үшін не істеу керек деп ойлайсыздар?

  4. Өмірде батылдықты басқа қандай іс - әрекеттер арқылы көрсетуге болады?

  5. Осындай жағдаяттар сіздерде кездесті ме?

Бейнематериал арқылы көрсету

(Оқушылардың жауабын тыңдау)

5. Шығармашылық жұмыс, топпен жұмыс.

Оқушылар екі топқа бөлінеді.

І топ ІІ топ

Екі топтан бір оқушыдан келіп, бір тапсырманы таңдайды.

Тапсырма № 1. Сахналау

Жекпе-жек Мұқан Иманжанов

Ол кішкентай бала. Мұнда алыстан, қаладан келді. Жергілікті бала Кәрім есер, тентек. Әлі жеткенге тиісіп, зорлықсыз жүрмейді. Балалар одан қорқады. Қылығын айтпайды. Қорқақтық көрсетіп кетеді. Кішкентай бала оны қорықпай, батыл әшкереледі. Қалайша? Оны демеген күш-көпшілік. Мен қорықпадым. Көпшілік бір тентекке соққы бере алады ғой. Мені оған сабатып қоя ма?...-деді ол. Тентек жеңілді. Кішкентай бала дұрыс істеді. Досқа адал көмектеспей, оның кемшілігін батыл айтпай, адам дұрыс тәрбиеленбейді. «Ауыруын жасырған өледі» дейді халық. Сол бір тентек баланың шын досы да әлгі кішкентай болатынына мен күмәнданбаймын. Қауіпке тура қарай алған батыл адам достықты да қадірлей біледі.

Тапсырма № 2. Мәтінді аяқта.

Екі дос

Айбек мен Жантас жан достар. Бір күні үзіліс уақытында екі дос сыртта доппен ойнап жүріп, Айбек абайсызда мектеп жанында өскен жас өркенді сырдырып алды. Оны өтіп бара жатқан күзетші байқап қалады. Жандарына келіп:

  • Бұтақты кім сындырды? Қане, айтыңдар,- деді.

Айбек ойланбастан: - Бұны істеген мен емес, - дейді. Ал Жантас үндемей тұра берді. Күзетші Жантасқа қарап, үндемегеніңе қарағанда, сындырған сен болдың ғой,- деді. Жантас ...



  1. Топпен ән айту.

Батырлар ұраны («Алашұлы» тобының орындауындағы ән)

Өлеңін жазған: Б.Әлқожа, Б.Есенхан

Әнін жазған: Ж.Дәулет

1. Өзгелерден дара туған
Өр намыстан жаратылған о-о
Бабасының батырлығы
Қанмен бойға таратылған о-о
Алатаудай алашымның
Қаратаудай баласымын
.
Қ-сы: Қастерлі алашымның
Қорғаймын бар асылын
.
Намысын қолдан бермес
,
Қазақтың баласымын
,
2. Сұм білекпен, өр жүрекпен
Намыс туын желбіреткен о-о
Белдескеннің белін үзіп
,
Егескенді еңіреткен о-о
Алатаудай алашымның
Қаратаудай баласымын
.
Қ-сы: Қастерлі алашымның
Қорғаймын бар асылын
.
Намысын қолдан берме
с,
Қазақтың баласымын
.


7. Үй тапсырмасы

1. №19 – сабақ. 2- тапсырма. Жұмбақты шешіп, олардың батырлығы туралы шағын әңгіме жазу.

2. Келесі сабақ. №20, «Табанды бала» мәтінін оқып келу.


  1. Сабақтың қорытынды сәті

Тақтаға адам бейнесі ілінеді. «Батыл адамның бойында...» өз ойларын жазады.

Оқушылар бүгінгі сабақтан игерген жақсы қасиеттерді есімізге түсіріп, жүрегімізге сақтайтап, бойымызға дарытайық.

Постер,маркер



Материалды Word форматында жүктеп аласыз
Тарифке кіреді
1 ұстаз жүктеп алған
27 қаңтар
1598
Бұл материалды қолданушы жариялаған. UstazTilegi материалдың мазмұны мен авторлық құқықтарына жауап бермейді. Авторлық құқық бұзылған жағдайда шағым қалдыра аласыз
"Ұстаз" платформасында тіркелген пәндік олимпиадалар
Аттестацияға жарамды екенін көру үшін "Ұстаз" платформасында "Жарыстар, олимпиадалар тізімінен "Ustaz tilegi" деп іздесеңіз шығады
Қазақстандағы ең үлкен материалдар базасынан іздеу
Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде керек материалды іздеп, жүктеп алып сабағыңызға қолдана аласыз
Осы тақырыпта
көрнекілік керек па?
10 000 астам көрнекіліктерді жинап қойдық.
Көрнекілік бөліміне өтіп тақырыбын жазып жүктеп алыңыз!
Министірлікпен келісілген Аттестацияға жарамды курстар тізімі