Күні: 15.11.2024

Тақырыбы: «Бауырсақ» ертегісі.

Мақсаты: Балалардың ертегіге қызығушылығын ояту және ертегі кейіпкерлерін рөлдерге бөліп сахналауға үйрету. Балаларды кішіпейілдікке, бір-бірін құрметтеуге және ұйымшылдыққа тәрбиелеу.

Көрнекілігі: Ертегі кейіпкерлері бейнеленген суреттер және ертегі кейіпкерлерінің бет перделері, бояу, құлпынай мен сәбіз бейнеленген кескін суреттер.

Әдіс-тәсілдері: Көрсету,түсінік беру,сахналау, сұрақ-жауап.

Шаттық шеңбер

Кел балалар тұрайық, Достық шеңбер құрайық.

Күн шуағын жинайық,

Достарға біз силайық.

Тәрбиеші: Балалар, бүгін біз «Бауырсақ» ертегісін әңгімелейміз.

Тәрбиеші балаларға «Бауырсақ» ертегісі кейіпкерлерін көрсете отырып, мазмұндайды.

-Ал, балалар енді осы ертегіні өзіміз сахналап көрсетсек қайтеді?

(Балалар ертегі кейіпкерлерінің бет пернелерін киіп, сахналайды.)

-Ерте, ерте, ертеде апа мен ата болыпты. Бір күні ата ападан бауырсақ пісіруін өтінеді. Апа бауырсақты пісіріп тез суысын деп терезенің алдына қояды. Бірақ, терезенің алдында тұрған бауырсақ домалап түсіп, орманға қарай домалай жөнеледі. Домалап келе жатып, қоянды кездестіреді.

-Бауырсақ, бауырсақ мен сені жеймін,-дейді қоян.

-Жемеші, мен саған өлең айтып беремін,-дейді бауырсақ.

-Мен бауырсақпын, бауырсақпын, атамнан да құтылдым, әжемнен де құтылдым, енді сенен де құтыламын деп домалай жөнеледі.

-Қоян сен, мұңайма біз саған сәбіз теріп береміз!

Ойын: «Сәбіз жинау»

Бауырсақ домалап келе жатып ,аюды кездестіреді.

-Бауырсақ, бауырсақ мен сені жеймін,- дейді аю.

-Жемеші , мен саған өлең айтып беремін ,- дейді бауырсақ.

-Мен бауырсақпын, бауырсақпын, атамнан да құтылдым, әжемнен де құтылдым, қояннан да құтылдым, енді сенен де құтыламын ,- деп домалай жөнеледі

-Аю , сен мұңайма , біз саған құлпынай теріп береміз!

Қорбаңдаған аюдың ,

Құлпынайы көп екен.

Теріп, теріп алайық,

Қалтамызға салайық.

Ойын: «Құлпынай жинау»

Бауырсақ домалап келе жатып , түлкіні кездестіреді.

-Бауырсақ, бауырсақ мен сені жеймін,- дейді түлкі.

-Жемеші , мен саған өлең айтып беремін,- дейді бауырсақ.

-Мен бауырсақпын, бауырсақпын, атамнан да құтылдым, әжемнен де құтылдым, қояннан да құтылдым, аюдан да құтылдым, енді сенен де құтыламын,- дейді.

Осы кезде түлкі ендеше менің тапсырмамды орындашы,маған моншақ керек еді ,- дейді.

Тапсырма : Балалар саусақтың көмегімен моншақ бояйды.

Сергіту сәті

Ұзын құлақ ,сұр қоян.

Естіп қалып сыбдырды,

Ойлы-қырлы жерлермен,

Ытқып-ытқып жүгірді.

Қорытындылау: Сұрақ-жауап.

Тәрбиеші : Бүгінгі оқу іс-әрекетімізге балалардың барлығы жақсы қатысты. Мен сендерге риза болдым!

«Базылбек Ахметов атындағы орта мектебі» КММ

«Бекітемін» «Келісемін»

Мектеп директоры: Тәрбие ісі меңгерушісі

____________Н.М. Мергазина ____________ Ж.М. Раисова

Ашық оқу іс-әрекеті

«Көркем әдебиет»

Тақырыбы: «Бауырсақ» ертегісі

Тәрбиеші: Кусаинова У.С

Саратовка ауылы 2024-2025 оқу жылы