Ашық сабақ «Бүгінгі шәкірт- ертеңгі ел қорғаны»

«Бүгінгі шәкірт-

ертеңгі ел қорғаны»

атты- әскери спорттық сайыс.

Орындаған: Ермаганбетов Алпысбай Демесенович

2020-2021 оқу жылы

«Бүгінгі шәкірт-ертеңгі ел қорғаны» атты- әскери спорттық сайыс.

Тақырыбы: «Бүгінгі шәкірт-ертеңгі ел қорғаны»

Мақсаты: Оқушыларды сапта жүруге,пәрмендерді орындауға және әскери тәртіп сақтауға үйрету.Шеберліктерін шыңдай отырып, төзімділікке ,ептілікке адамгершілікке және Отан үшін күресте алдынғы қатарда болуға тәрбиелеу,патриоттық сезімдерін қалыптастыру.

а) Күштілік,ептілік,жылдамдық,білімділіктен жеңімпаздарды анықтау.

ә) Ұйымшылдыққа,бірге іс-қимыл,әрекет етуге жаттықтыру.

б) Отан сүйгіштік рухта өз елінің нағыз қорғаушысы болуға тәрбиелеу.

Жарыс болатын орын: Мектеп спорт залы.

Жарысқа қатысатындар: 10 сынып және «Айбын»клубының бөлімше мүшелері.5 оқушы әр бөлімшеден .

Безендірілуі: қанатты сөздер.

Жарыс шарты: Спорттық форма ;саптағы (саптық тұрыс,бұрылыс,қозғалыс) жүріс;

қатаң тәртіп; т.б.

Бағдарламада:

1. Саптық байқау

2. Эстафета

3. Үйге хат жазу

4. Қол күрес.

5. Жерден дене көтеру.

6. Автоматты толық емес бөлшектеу және жинақтау

7.Топтық жарыс

8. Арқан тартыс

9. Пневматикалық винтовкадан ату

Әділқазылар алқасы:

1.Нұрмағанбетов Қ.Р.

2.Аханов Қ.Б.

АӘД пәнін оқытушы-ұйымдастырушысы жарысқа қатысушыларды тұрғызады,жарыстың басталуын хабарлайды.Бөлімше командирлері дайындықтары туралы рапорт береді.

Мысалы «Аға оқытушы мырза ! Бірінші взвод командасы жарысқа дайын»-баяндап тұрған бірінші взвод командирі-оқушы... .Барлық взвод командирлерінен рапорт қабылданған соң,Әскери жетекші жарысқа қатысушылардың дайындығы туралы директорға баяндайды. Әнұран орындалады.

Жарыс барысы:

1.Саптық байқау.Сапта тұрып мына пәрмендерді орындайды:

«САПҚА ТҰР!», «ТҮЗЕЛ!», «ТІК ТҰР!», «ЕРКІН ТҰР!», «ЖИНАҚТАЛ!». «Бөлімше бірінші және екіншіге –САНАЛ!», «Бөлімше екі қатарға (бір қатарға)-САПТАН!», «Бөлімше ,бірінші,екінші, үшіншіге-САНАЛ!». «Бөлімше үш қатарға (бір қатакрға)-САПТАН!», «ОҢ-ҒА!», «СОЛ-ҒА!», «Артқа БҰРЫЛ!» «Бөлімше орнында адым-БАС!».

2.Эстафета.

1-кезең.Төрешінің пәрмені бойынша сөре сызығынан 5-6 метр жүгіріп келіп гимнастикалық төсенішке алға қарай домалайды.

2-кезең. АК-74 автоматын толық емес бөлшектейді.

3-кезең. Тест сұрақтарының біреуіне жауап беріп кері қайтады.

Келесі оқушы жалғастырып сөре сызығынан 5-6 метр жүгіріп келіп гимнастикалык төсенішке алға қарай домалап АК-74 автоматын жинақтап тест сұрақтарының біреуіне жауап беріп кері қайтады.Ойынды келесі оқушы жалғастыра береді.

3.Ұйге хат жазу.Отан алдындағы борышын өтеудегі сарбаз үйіне хат жазудағы мазмұнымен сайысқа түседі.

4.Қол күрес.Бұл сайыста оқушылар күштерін сынайды.Әр-бір топтан 2 оқушы шығады.

5.Жерден дене көтеру. Әр топтан бір оқушыдан шығады. жатып жерден дене көтеру сайысы.(уақыт есептелінеді)

6.АК-74 автоматын толық емес бөлшектеу және жинау.Әр топтан бір оқушыдан шығады.(уақыт есептелінеді)

7.Топтық жарыс.Жарты доптың астына тығылған конвертті тауып алып ішінде жазылған тапсырманы орындайды.Тапсырма қол добымен нысана көздеу.

8.Арқан тартыс.Екі топ бір-бірімен арқан тартып күш сынасады.

9.Пневматикалық винтовкадан ату. №8 нысанаға топ мүшелері үш оқтан атады.Ұпайы қосылып есептелінеді.

Қортынды бөлім. Жарыстың қортындысын шығару.Жеке нәтиже және топтың нәтижелері бойынша жеңімпаздарды марапаттау.