Ұйымдастырылған оқу - қызметі:

Білім беру саласы: «Шығармашылық»

Бөлімі: «Сурет салу»

Тақырыбы: «Бұлт күнді жапты»

Мақсаты: Балалардың байқағыштығын дамыту, түрлі – түсті бояулармен жұмыс істеу қабілеттерін дамыту. Ұқыпты жұмыс істеуге , еңбек ете білуге тәрбиелеу.

Педагогикалық технологиялар: Көкөністер арқылы, сұрақ – жауап, әңгімелесу.

Көрнекіліктер: слаид, бұлт және күн суреттері

Билингвалдық компонент: бұлт – облака – cloud , күн – солнце - sun

Ұйымдастырушылық кезеңі:

Шаттық шеңбері:

Арайлап таң атты,

Алтын сәуле таратты.

Қайырлы күн балалар,

Қайырлы күн апайлар!

Жақсы балалар орындарымызға отырайық . Балалар бүгінгі оқу – қызметімізге қонақ апайлар келіп отыр екен, олай болса балалар біз апайларға өзіміздің қандай білімді, ақылды, тәртіпті балалар екенімізді көрсетейік.

Тәрбиеші: Балалар тақтада не көріп тұрсыңдар ? ( бұлт және күн)

Олар қайда орналасқан? (аспанда)

Күн – сары түстес, шеңбер тәрізді. Бізге жарық береді, жылу береді, нұрын шашады.

Бұлт – көк түсті, пішіні әртүрлі сопақша тәріздес. Бұлтты күні күн суық, желді, жаңбырлы болады.

Тыныс алу жаттығуы:

( балалар мұрындарымен терең дем алып, ауыздарынан үрлеп жел шығарады).

Тәрбиеші: Ой , балалар қараңдаршы, сендер не байқадыңдар? Не өзгерді? (балалар өз ойларымен бөліседі) . Күн жел болғанда бұлт орнынан қозғалып,бұлт күнді жапты. Бүгінгі оқу - қызметіміздің тақырыбы – «Бұлт күнді жапты».

Дәптермен жұмыс:

Тақтада берілген суреттерді көкөністер көмегімен дәптерімізге түсіреміз. Күн суретін түсіру үшін – сәбіз пайдаланамыз, бұлт суретіне – картопты пайдаланамыз.

күн – солнце – sun

Бұлт – облака – cloud

( балалар көкөністер көмегімен бұлт, күн суреттерін дәптерлеріне түсіреді)

Қорытынды: балалар бүгін біз не өттік? Сендерге ұнадыма? Қандай ауа райы ұнайды сендерге ?