Ұзақ мерзімді жоспарлау бөлімі:

Мектеп: ШҚО ББ «№8 арнайы мектеп - интернаты» КММ

Күні : 15.01.2020

Мұғалімнің аты-жөні: Муханова Ж.С.

Сынып: 5 «б»

Қатысқаны:12

Қатыспағаны:

Сабақтың тақырыбы:

Дара және күрделі етістік

Бағдарлама бойынша оқу мақсаттары :

5.1.5.1 Дара және күрделі етістік туралы түсінік беру.

5.1.5.2 Етістіктің түрлерін ажырата білуге арналған тапсырмаларды орындау.

Сабақтың мақсаты:

Түзете оқыту: Етістіктің құрамына қарай түрлерін ажырата білуге үйрету.

Түзете дамыту: Сөйлеу тілдерін жетілдіру. Іздене білім алуға дағдыландыру, сауатты жазу дағдыларын жетілдіру.

Түзете тәрбиелік: Талдауға алынған мысалдар арқылы оқушыларды тазалыққа, еңбексүйгіштікке тәрбиелеу.

Тілдік мақсат:

Оқылым: мәтінді тыныс белгісіне сай оқиды

Айтылым: мұғалімнің көмегімен әңгімелейді, мазмұндайды.

Жазылым: берілген жаттығуларды қатесіз, сауатты жазады,орындайды

Тыңдалым: оқулықтағы жаңа ақпаратты тыңдайды, меңгереді

Күтілетін нәтиже

Заттардың қимылын, іс-әрекетін білдіретін сөздерді атайды, сұрақтар қоя біледі.

  Сөйлемдердің ішінен етістіктерді тауып жазады, етістіктің дара және күрделі түрлерін ажыратады.

Көптеген оқушылар:

 Дара етістікті күрделі етістікке, күрделі етістікті дара етістікке айналдырып өзгертеді, түрлендіреді.

Пәнаралық байланыс

Оқу және тіл дамыту, музыка, қазақ тілі

Бағалау критерийлері

«5» дұрыс жауап – керемет;

«4» дұрыс жауап – жақсы;

«3» және одан төмен жауап- қане көмектесейік!

Ресурстар

Интербелсенді тақта, слайд,

Қолданылатын әдіс-тәсілдер:

Түсіндіру, көрсету, әңгімелеу, сұрақ-жауап, ой қозғау,

Әрекеттің кезеңі

Мұғалім әрекеті

Оқушылар әрекеті

1. Мотивациялық-ынталандыру кезеңі

Оқушыларға психологиялық бағыт беру

Сынып оқушыларын түгендеу.

Сабақты бастау
Балалар, егер көңіл - күйлерің жабырқаулы болса, жұдырығымызды жұмып, бұлтты көрсетеміз, ал егер көтеріңкі болса, алақанымызды ашып, күнді көрсетеміз. Қане, әр кім өз көңіл-күйін білдірсінші. Көңіліміз бүгін бұлттай ма, әлде күндей ме?

Слайд 1

Жақсы балалар, көңіліміз күндей болып, жарқырап отыр екенбіз. Ендеше сабағымызды бастайық. Іске сәт!

Оқушылар көңіл –күйлерін алақандарын ашып, жұму арқылы білдіреді.

Үй тапсырмасын сұрау кезеңі

- Біз қолымызбен не істедік?
- Қолымызды жұмдық, аштық, яғни іс – қимыл жасадық.

- Іс - қимылды білдіретін қай сөз табы деп танысып едік?
- Етістік

-Дұрыс айтасыңдар, балалар, өткен сабақта етістік туралы өткен болатынбыз. Етістіктің ережесі мен сұрақтарын еске түсірейікші ?

Слайд 2

Оқушылардың жауаптарын аудиожазбамен тексеру

Оқушылар өз ойларын үй тапсырмасы бойынша сұраққа жауап беру арқылы береді.

Жаңа сабақ

Жаңа сабақты меңгерту

Слайд 3

1.Оқушыларға интербелсенді тақтадан мынадай мәлімет беріледі.

Жарайсыңдар балалар, ендеше сабағымызды жалғастырайық. Бүгінгі өтетін жаңа сабақ етістіктің дара және күрделі түрлері

Етістік құрамына қарай екіге бөлінеді: дара және күрделі етістік

Дара және күрделі етістіктің ережесі мен мысалдар келтіру, түсіндіру.

(Оқушыларға интербелсенді тақта арқылы жаңа сабақ түсіндіріледі)

Мұғалімнің түсіндірген жаңа тақырыбын назар салып тыңдайды.

Сергіту сәті

«Қыдырып қайтайық» видеокөрсетілім

Сергіту сәтін оқушылар мұғаліммен бірге жасайды.

Сабақтың ортасы.

Слайд 4

Келесі мәтінге назар аударайық.

Үйде өсетін гүлдер бөлме ішінің ауасын шаңнан тазартады, оған оттегі қосып тұрады. Өсімдік күндіз бөлмедегі адамның денсаулығына зиянды көмірқышқыл газын жұтады. Сол көмірқышқыл газы мен судан өсімдік органикалық зат құрап, оттегі бөліп шығарады. Сондықтан адам ұйықтайтын бөлмелерде көп гүлдердің тұрғаны дұрыс.

Мәтінмен таныстық, енді жаңа сөздерге назар аударайық.

Жаңа сөздер: көмірқышқыл газы, оттегі, органикалық зат.

Мәтінге байланысты тапсырма жұмыстарын орындайық.

Етістіктерді тауып, дара және күрделі етістіктерді бөліп жаз

Мәтін алдарыңызда берілді, сонымен бірге тапсырма.

Дара Күрделі

тазартады қосып тұрады

жұтады бөліп шығарады

Слайд 5

4-тапсырма

Дара етістіктіктерді күрделі етістіктерге айналдырып жаз.

Тікті, барды, келді, ұшты, жүзді

Тікті-тігіп жатыр, барды-бара жатыр, келді-келіп қалды, ұшты-ұшып барады, жүзді-жүзіп жүр.

Кітаппен жұмыс

Мәтінді оқиды, берілген тапсырмаларды орындайды.

3-тапсырма

116 - бет

Жаңа сөздермен танысады.

Дәптермен жұмыс

Оқушылар дара етістік пен күрделі етістіктерді ажыратып жазады.

Дара етістіктерді күрделі етістіктерге айналдырып жазады. ( кейбір оқушылар мұғалім көмегімен)

Сабақты қорытындылау

Слайд 6

Слайдтағы күлегештердің сұрақтары арқылы сабақты қорытындылау.

Барлық оқушылар ауызша жауап береді

Рефлексиялық бағалау кезеңі

Оқушыларды мадақтау

Әр оқушының жауабы күлегештер арқылы бағаланады

1. Бүгінгі сабақ маған___(ұнады)______(ұнамады)___ т/б________  

Тақырып бойынша алған білімдерін қорытындылайды. Әсіресе, соңғы сұрақ бойынша тұшымды әрі толық жауап алыну керек.

Үй тапсырмасы

Жұмыс дәптерлеріндегі 6-жаттығуды орындау.

І-ІІ деңгей Көшіру, дара етістікті бір сызықпен, күрделі етістікті екі сызықпен сызу.

ІІІ деңгей (педагог нұсқауымен орындау)