Ашық сабақ "Досыма арналған шарлар"

Білім беру саласы: Шығармашылық Ұйымдастырылған оқу қызметі: Мүсіндеу

Тақырыбы:Досыма арналған шарлар Мақсаты:Ермексазбен таныстыру,алақанның арасына салып домалатуды және дөңгелек пішінді мүсіндей білуге үйрету.Негізгі түстер туралы білімдерін бекіту.

Көрнекіліктер:Үлгі суреттер,ермексаз

Шаттық шеңбер

Балабақшам армысың!

Сені жақсы көремін.

Достарым менің бармысың,

Құшақтасып алайық.

-Балалар мына суреттен нені көріп тұрсыздар?

-Түлкіні,кірпіні,қоянды

-Қолдарында не бар екен?

-Шарлар

-Түлкі мен кірпінің қолындағы шарлардың түстері қандай?

-Қызыл,көк

Бүгін түлкі мен кірпі қоянның туған күніне арнап шарларды үрлепті. Жолда келе жатып шарларын жарып алыпты.

-Балалар ,енді,сендер түлкі мен кірпіге шарларын үрлеуге көмектесесіңдер ме?

-Иә

Жұмысымызды бастамастан бұрын сергіп алайық

Сергіту сәті

Қане балалар,тұрамыз,

Бойымызды жазамыз.

Балықтарға ұқсап біз,

Жүзіп-жүзіп аламыз.

Үлестірмелі материалдармен жұмыс

-Балалар, алдарыңа ермексаз таратылып берілді. Енді, осы ермексаздың кішкене бөлігін үзіп аламыз. Алақанымызға салып, ырғақпен домалатып қызыл және көк шарлар жасаймыз.

-Балалар,шарларымыз дайын болды ма?

-Иә

-Жарайсыңдар балалар!

Енді,кірпі мен түлкі қоянға сыйлық апаратын болды. Олар сіздерге алғысын білдіріп жатыр.

Тыныс алу жаттығулары

Гүлдерді иіскеу

Жарайсыңдар балалар!

Қорытынды

Топтық талқылау жүргізеді. Балаларды марапаттайды.

Күтілетін нәтиже: Біледі: Шарлардың түстерін; Игереді:Алақанға салып домалатуды ;

Меңгереді: Ермексазды әр түрлі пішіндерге келтіруге;