Ашық сабақ "Дүниежүзілік мұхит" 6 сынып

Күні:18.12

Сабақтың тақырыбы: Дүниежүзілік мұхит

Сабақтың мақсаттары:

А) Білімділік: Оқушыларға дүниежүзілік мұхит, материк, арал, түбек, теңіз, шығанақ, бұғаз, ұғымардарын түсіндіру.

Б) Дамытушылық: картадан мұхиттарды, теңіздерді, материктерді көрсете білу және сипаттай білуге дағдыландыру.

В) Тарбиелік: қоршаған ортаны қорғауға, таза ұстауға тәрбиелеу.

Сабақтың типі: Жаңа білім беру сабағы

Сабақтың түрі: Аралас сабақ

Сабақтың әдісі:

1. Сұрақ-жауап

2. Әңгіме-дәріс.

3. Топтастыру.

4. Кестемен жұмыс.

5. кескін картамен жұмыс.

Сабақтың көрнекілігі: Қосымша деректер, оқулық, кескін карта, карта т.б.

Сабақтың жоспары:

І. Ұйымдастыру кезеңі.

ІІ. Үй тапсырмасын тексеру.

1. Ауызша үйге берілген тапсырмаларды қорғау

2.”Пошта хаты” арқылы үй тапсырмасын қорытындылау.

ІІІ. Жаңа сабақ.

1. Әңгіме-дәріс.

2. Түсіну.Дәптермен, оқулықпен жұмыс.

IV. Жаңа сабақты бекіту.

1. “Ең ерекше” сұрақтары

V. Қорытындылау, бағалау.

VІ. Үйге тапсырма беру.

Сабақ барысы:

І. Ұйымдастыру кезеңі.

Оқушылар әртүрлі фигураларды тандау арқылы бірден төрт топқа бөлінеді. Топ басшыларына бағалау парағы таратылады.

ІІ. Үй тапсырмасын тексеру.
1. Ауызша үйге берілген тапсырмаларды қорғау
Оқушылар үйге берілген тапсырмаларын топпен қорғау.
I-топ
Гидросфера дегеніміз не? Табиғатта су қандай күйде болады? Бізден басқа планеталарда су болама?
II-топ
Гидросфера құрамы қандай? Олардың арақатынасын көрсететін шеңбер диаграмма сызыңдар.
III-топ
Дүниежүзілік су айналымы деген не? Кіші су айналымы дегеніміз не?

IV-топ
Үлкен су айналымы дегеніміз не? Судың химиялық формуласы қандай?
2.”Пошта хаты” арқылы үй тапсырмасын қорытындылау.

Ұяшықтарды таңдау арқылы пошта қаттарына жауап беру.

1. a) Cудың мұхиттан атмосфера арқылы құрлыққа, құрлықтан мұхитқа үздіксіз ауысуын не деп атайды?

b) Гидросфера қанша бөліктен тұрады?

2. a) Гидросферадағы судың 97% иеленеді?

b) Күн жүйесіндегі ең сулы планета?

3. a) Жер бетіндегі тұщы сулар қандай құбылысқа байланысты сарқылмайды?

b) Құрлық суы және атмосферадағы су буы гидросферадағы судың қанша пайызын иеленеді?

4. a) Жердің су қабығы не деп аталады?

b)Күн жүйесіндегі планеталар арасында су тек сұйық күйде кездесетін планета?

III. Жаңа тақырыпты меңгеру кезеңі

1. Әңгіме-дәріс.

Мұхит-айналасын материктер қоршап жатқан үлкен су қоймасы.

Шұңғыма -мұхиттардың ең терең жері.

Жер шарының ауданы 510 млн км²

Құрлықтар мен аралдар Дүниежүзілік мұхит

149 млн км² 361 млн км²(70% немесе ¾)

2.Түсіну. Дәптермен, оқулықпен жұмыс

Жұмбақ шешу арқылы мұхиттың атын анықтап,сол мұхит туралы карточкаға жауап беру.

Жұмбақ шешу арқылы мұхиттың атын анықтау

А)Ф.Магеллан дүниежүзін айналу саяхаты кезінде алғаш рет осы мұхиттан жүзіп өткен, сол сапарында ешқандай дауылға, цунами толқындарына ұшырамағандықтан Оған қандай ат қойды? Шын мәніндеең тынышсыз, дауыл жиі болып тұратын мұхит.

В)Бұл мұхиттың атауы португалдық саяхатшы Васко да Гаманың түңғыш рет осы мұхитты жүзіп өтіп Үндістанға баруымен байланысты.

С)Мұхиттың атында айтылып турғандай бұл мұхит солтүстікте орналасқандықтан және бетін мұз басып жатқандықтан осылай аталған.

Д) Ежелгі еуропалықтар өздерінен батыста орасан зор құрлық бар деп есептеген, қиялдарынан шыққан бұл құрлықты Атлантида деп атаған және оны су астына батып кетті деп болжаған, ал Атлантида құрлығы батқан су айдыны болжам бойынша қазіргі қандай мұхит

1.Карточкаға жауап беру.

№1
1.Кестені толтырып, Атлант мұхитының географиялық орынын картадан сипаттап беріңіз.

2.Кескін картаға нысандарды дұрыс орналастыру.
Мұхиттар: Пуэрто-Рико шұңғымасы, Атлант.
Теңіздер: Жерорта
Аралдар: Бермуд
Шығанақтар: Бискай, Гвиней
Бұғаздар: Гибралтар,Ла-Манш

№2
1.Кестені толтырып, Үнді мұхитының географиялық орынын картадан сипаттап беріңіз.

2.Кескін картаға нысандарды дұрыс орналастыру.
Мұхиттар: Зонд шүңғымасы, Үнді.
Теңіздер: Араб, Қызыл.
Аралдар: Мадагаскар, Шри-Ланка.
Шығанақтар: Бенгал.
Бұғаздар: Мозамбик.

№3
1.Кестені толтырып, Солтүстік мұзы мұхитының географиялық орынын картадан сипаттап беріңіз.

2.Кескін картаға нысандарды дұрыс орналастыру.
Мұхиттар: Гренландия теңізі, Солтүстік мұзы мұхитының.
Теңіздер: Баренц, Гренландия, Кар
Аралдар: Гренландия, Девон.
Бұғаздар: Беринг.

№4

1.Кестені толтырып, Тынық мұхитының географиялық орынын картадан сипаттап беріңіз.

2.Кескін картаға нысандарды дұрыс орналастыру.
Мұхиттар мен теңіздер: Мариан шұңғымасы, Тынық мұхиты, Охот,Жапон
Аралдар: Гавай, Филиппин
Шығанақтар: Аляска
Бұғаздар: Беринг

IV. Жаңа сабақты бекіту.

1. “Ең ерекше” сұрақтары

V. Қорытындылау, бағалау.
Топ басшыларына тапсырылған бағалау парақтарын жинап алу және тақтадағы жұлдызшаларды санау арқылы әр топ қанша жұлдызша жинауына байланысты орын иелендіріп, бағалау.

Үй тапсырмасын беру кезеңі.
&36.Дүниежүзілік мұхит