Ашық сабақ. Дүниетану. "Үйде қауіпсіздік сақтау тәртібі" 1 сынып.

Сабақтың тақырыбы

Үйде қауіпсіздік сақтау тәртібі.

Сілтеме

Дүниетану оқулығы.Жалпы білім беретін мектептің 1- сыныбына арналған оқулық.

Алматыкітап баспасы 2015 жыл.

Жалпы мақсаты

Оқушылар үйдегі қауіпті заттармен, қауіпсіздік жағдайлармен танысады және олардан сақтана білуге үйренеді. 

Міндеті

1.Қауіпсіздік шараларын үйренеді.

2.Сөздік қоры, ой-өрісі дамиды.

3.Жеке басын реттеуге үйренеді.

Оқу нәтижесі

Жұптық, топтық,жеке жұмыстар арқылы тақырыпты түсінеді,ойланады,талқылайды.

Тапсырма-лар

Сынып ережесін еске түсіру , Жуан , Жіңішке сұрақтар,оқулықпен жұмыс,шығармашылық жұмыстар, логикалық тапсырмалар.

Құрал-жабдықтар

Ассоциациялық карта, оқулық, дәптер, интерактивті тақта, постерлер, коллаж, топтастыру.

Сабақ бойынша мұғалімнің жазбалары

Уақыты

Мұғалімнің іс-әрекеті

Оқушының іс-әрекеті

3 мин

Ұйымдастыру бөлімі

а)Психологиялық дайындық

Үлкенге де сіз,

Кішіге де сіз.

Құрметпенен бас иіп,

Сәлем бердік біз!

-Көңілдерің көтерілді ме балалар?

Енді осындай көңіл-күймен сабағымызды бастайық!

Қолға-қол,

Иыққа-иық,

Арқаға-арқа,

Аяққа-аяқ сәлемдеседі.

Көңіл-күйлерін смайликпен көрсетеді.

1мин

Сынып ережесін еске түсіру.

Ортақ сынып ережесін шығарады.

1.Тыныштық сақтау.

2.Уақытты тиімді пайдалану. 3.Бірін-бірі сынамау. 4.Сыйластықта болу. 5.Белсенділік таныту. 6.Сыныптсыңның ойын бөлмей пікірін аяғына дейін тыңдау.

8 мин

1.Алдыңғы білімді қорытындылау.

Менің үйім.

І топ. «Үй» Ассоциялық карта құру.

ІІ топ.Коллаж «Жер үй»

ІІІ топ. Коллаж « Көп қабатты үй»

ІV топ. Үй туралы мақал-мәтел айту.

І т. « Үй»- тасбақаның үйі, аңдардың үйі ( ін, апан), біздің үй

( жер үй,көп қабатты ), тиіннің үйі(қуыс),құстың үйі ( ұя), құмырсқаның үйі( илеу)

ІІ т. « Жер үй»-ауласы, бақшасы, көмір қоралары,моншасы болады.

ІІІ т. «Көпқабатты үй»-ауласы, лифт, подьезд т.б.

І V т.

1.Туған үйдің түтіні жылы.

2.Үйің жаман болса, күйің жаман.

3.Өз үйім, өлең төсегім.

18 мин

2 мин.

3 мин.

1мин.

2.Жаңа сабақ

Қызығушылықты ояту. 3 мин

-Балалар,біздің ең жақсы көретін,үнемі қуанып, асығып келетін баспанамызда,үйімізде кейде сақтық шараларын ұстанбасақ, жазатайым оқиғаларға тап болуымыз әбден мүмкін.

( Слайд № 1)

3.Дәптермен жұмыс. 10-бет.

3 мин

Тапсырманы талдатамын.

Сергіту сәті.1 мин

4. Оқулықпен жұмыс. 4 мин

Оқушылар абзацсқа бөліп оқиды.

Слайд №2. 2 мин

-Балалар , сендер күтпеген жерден жазатайым оқиға болуы мүмкін.Ондай жағдайда мына телефондарға хабарласасыңдар.

101-өрт сөндіру қызметі.

102- полиция қызметі.

103- жедел жәрдем қызметі.

104- газ қызметі.

112- құтқару қызметі.

5. Жағдаятты шешу. 6 мин

Топтарға жағдаятты шешіп, рөлдік ойын арқылы көрсету тапсы-рылады.

6. Білімді бекіту. 8 мин

Топтарға тапсырма беремін.

( Топтастыру, Сандар сөйлейді,мақал-мәтелдер айту, қауіпсіздік ережесін құру )

Бағалау.( әр тапсырма сайын топтар бірін-бірі бағалайды, сабақтың соңында оқушылар қорытынды бағаларын шығарады)

Өте жақсы- жасыл

Жақсы-сары

Қызыл- нашар бояп отырады.

Үйге тапсырма беремін. Үйде қауіпсіздік сақтау тәртібі.(86-87- бет).

Рефлексия

Оқушылармен кері байланыс орнату. Сабақтың соңындағы көңіл-күйлерін смайликпен көрсетеді.

Оқушылар слайд көріп, ой бөліседі, сұрақтарға жауап береді.

Дәптермен жұмыс. 10-бет.

(Дұрыс әрекетті жасыл түспен, қате әрекетті қызыл түспен бояп, неге екенін түсіндіреді).

Оқулықпен жұмыс.

І топ. 1- абзац .( Балконға асылуға, терезеден басыңды сыртқа шығаруға болмайды).

ІІ топ. 2- абзац.(электр құралдрына, розеткаға жақындауға болмайды!.

ІІІ топ. 3-абзац.Плитаның үстіндегі ыстық затты жалаңаш қолмен ұстауға болмайды)

І V топ. 4-абзац. Үлкендердің рұқсатынсыз ешбір дәріні ішпе).Жазған қорытындыларын сағаттың тілімен 4 –топқа береді.

Жағдаят шешу.

1-топ.

Сен үйде жалғыз қалдың. Абайсызда өрт шықты. Не істейсіңдер? Кімдерге хабарласасыңдар?

2-топ.

Сен үйде жалғыз қалдың. Белгісіз біреу есіктің қоңырауын соғып, есікті қатты-қатты қақты. Не істейсіңдер? Кімдерге хабарласасыңдар?

3-топ.

Ас бөлмесі. Бауырыңа алма бөліп бермек болып, абайсызда пышақпен қолыңды кесіп алдың? Не істейсіңдер? Кімдерге хабарласасыңдар?

4-топ.

Бауырыңмен тығылмақ ойнап жүрсіңдер. Бауырың киім тұратын шкафқа тығылды. Шкафтың есігі жабылып ашылмай, бауырың ішінде қалып қойды. Не істейсіңдер? Кімдерге хабарласасыңдар?

Білімді бекіту.

1- топ. Қауіпті заттар.(топтастырады)

2-топ.Сандар сөйлейді.(101-?,

102-?,103-?,104-?, 112-?)

3- топ. Қауіпсіздік туралы мақал-мәтелдер айтады.

• Сақ жүрсең , сау жүресің.

• От пен су тілсіз жау.

• Отпен ойнама, күйерсің.

Сумен ойнама батарсың.

• Өзі саққа құдай жақ.

4- топ.Қауіпсіздік ережесін құрады.

• Балконға асылуға, терезеден басыңды сыртқа шығаруға болмайды

• Электр құралдарына, розеткаға жақындауға болмайды!.

• Плитаның үстіндегі ыстық затты жалаңаш қолмен ұстауға болмайды)

• Үлкендердің рұқсатынсыз ешбір дәріні ішпе.

Оқушылар өздерін бағалайды.

Үйге тапсырма жазып алады. 86-87 – бет. Қауіпсіздік ережесін құру.