Ашық сабақ: Е дыбысы мен әрпі

Пән: Сауат ашу Мектеп: № 53

Күні: 04.12.2021ж Мұғалімнің аты – жөні: Ауелбай Д.

Сынып: 1

Сабақ тақырыбы:

Е дыбысы мен әрпі

Осы сабақта қол жеткізілетін оқу мақсаттары (оқу бағдарламасына сілтеме)

1.1.9.1. Әріпті тану, ажырату және оны дыбыспен сәйкестендіру

Оқу мақсаты:

• Барлық оқушылар: Е е дыбысы мен әрпі туралы біледі.

• Көптеген: Сөздерде Е е дыбысының қай бөлігінде тұратынын біледі.

• Кейбір оқушылар: Дыбыстық талдау жасайды.

Бағалау критерийлері

• Дыбыстық талдау жасай алады

• Әріптерден сөз құрай алады.

• Е е дыбысы бар сөздерді атай алады.

Тілдік мақсаттар

Е дыбысы мен әрпі, немере.

Құндылықтарды дарыту

Топпен жұмыс істеуге және өз көзқарасын жеткізе білу, басқа адамдардың пікірін құрметтеу.

Пәнаралық байланыстар

Сергіту сәті барысында дене тәрбиесімен байланысады.

АКТ қолдану дағдылары

Слайдтар, музыкалық сергіту.

Бастапқы білім

І дыбысы мен әрпі

Сабақ барысы

Сабақтың жоспарланған кезеңдері

Сабақтағы жоспарланған іс - әрекет

Ресурстар

Сабақтын басы

7 мин

Сәлеметсіздер ме, оқушылар!

Көңіл – күйлеріміз қалай?

– Керемет

–Олай болса, осы көңіл–күйімізбен психологиялық ахуалға кезек берейік.

Психологиялық ахуал

Айналаға алақанмен,

Жылулықты шашайық,

Сәттілік тілеп, күлімсіреп

Біз сабақты бастайық!

-Өте керемет!

Топқа бөлу

Е е әріпінен басталатын жануарлар арқылы топқа бөліну.

Топ ережелерімен таныстырып өтемін.

1. Тыныштық.

2. Көтеріңкі көңіл – күй.

3. Бірігіп жұмыс жасау.

4. Уақыт

Өткенді қайталау мақсатында сұрақтарға жауап беру.

«Кір жайғыш жіп» стратегиясы

1. І қандай дыбыс?

2. І дыбысы бар сөздерді ата?

3. І дыбысы жуан ба, жіңішке ме?

4. Бос орындарға тиісті әріпті қойып жаз.

5. І дыбысы сөздің қай бөлігінде тұрады?

6. «Тіл» сөзіне дыбыстық талдау жаса.

слайд

Кір жайғыш жіп

Ширату.

Тақтаға «Е» дыбысынан басталатын суреттер ілінеді (емен, немере, жер, етік, бес, есік).

–Осы сөздерден қандай дыбысты көп естідіңдер?

Сонымен бүгінгі өтетін сабағымыздың тақырыбы «Е дыбысы мен әрпі.

–Ендеше бәріміз Е дыбысын айтып көрейікші.

–Е дыбысы қалай айтылып тұр?

–Созылып айтылады.

емен, етік, бес, есік суреттері

Сабақтын ортасы

25 мин

Е е дыбысы туралы түсінік беру. Ее дыбысы дауысты дыбыс. Себебі ол созылып, тоқтамай айтылады. Е е дыбысын айтқанда дауысымыз жіңішкеріп айтылады. Е е дыбысы сөздің басында, ортасында және соңында айтылады. Мысалы: Есен, кесе.

Дәптермен жұмыс.

–Е е дыбысын жазбай тұрып, ауада салып көрейікші.

Оқулықпен жұмыс.

1 –тапсырма. Жеке тапсырма.

–Мен атам мен әжеме кім болам?

–Суреттегілердің алғашқы әріптерінен жауабын табамыз.

–немере сөзінде неше е әріпі бар?

–немере сөзіне дыбыстық талдау жаса.

Немере – внук – granddaygther cөзін үш тілде айту.

Дескриптор:

• Құрамында неше е әріпі бар екенін біледі.

• Дыбыстық талдау жасай алады.

ҚБ « Смайлик»

2 – тапсырма. Топтық тапсырма.

1– топ. Әріптерден сөз құра. Оларға сәйкес суретті таңда.

2– топ. Адасқан буындар. Буындардан сөз құраңдар.

3– топ. Берілген сөйлемдерді құрастырып, жұмбақты шеш.

Дескриптор

• Әріптерден сөз құрай алады.

• Буындардан сөз құрай алады.

• Сөйлемдердерді құрастырып, жұмбақты шеше алады.

ҚБ «Медаль арқылы» бағалау

3 – тапсырма. Оқы

Бағандағы сөздерді кезек – кезекпен оқу.

оқулық

дәптер

оқулық

А3, қима қағаздар

Сергіту сәті

1 мин

«Gummy Bear» музыкалық ырғақ.

интерактивті тақта

Сабақтың соңы

7 мин

4 – тапсырма.

Сұрақтын жауабын суреттің көмегімен болжа.

ысыды? Күн

Н е

туды? Ай

5 – тапсырма.

Сабақты қорытындылау мақсатында «конверттегі сұрақ» әдісі.

1 – топ.

1. Бүгін қандай дыбыспен таныстық?

2. Е е дыбысы сөздің қай буынында тұрады?

2 – топ.

1. Е е дыбысы жуан ба, әлде жіңішке ме?

2. Е е дыбысы бар сөздерді ата?

3 – топ.

1. Е е дыбысы қандай дыбыс?

2. «Елік» сөзіне дыбыстық талдау жаса.

Дескриптор

• Қандай дыбыс екенін біледі.

• Қай буынында тұрғанын айта алады.

• Дыбыстық талдау жасай алады.

• Е е дыбысы бар сөздерді атай алады.

ҚБ «Бас бармақ» арқылы бағалау

Рефлексия. «Еркін микрафон» әдісі.

–Бүгінгі сабақ саған ұнадыма?

–Сабақтан не үйрендің?

–Бүгінгі сабаққа кімдер белсенді қатысты?

оқулық

Конверттегі сұрақ