«Елім менің - Қазақстан»

Ересек «Болашақ» тобы

Тәрбиешісі: Калмагамбетова Г.Ж

2025-2026 оқу жылы

Ұ.О.Қ. тақырыбы: "Елім менің - Қазақстан"

Білім беру саласы: Қатынас / Таным / Әлеуметтік орта
Мақсаты:

• Балаларға Республика күні туралы түсінік беру;

• Мемлекеттік рәміздермен таныстыру, олардың мағынасын түсіндіру;

• Отанына деген сүйіспеншілік, мақтаныш сезімін қалыптастыру;

• Тіл байлығын, есте сақтау, сөйлеу және тыңдау қабілеттерін дамыту.

Көрнекіліктер:

Қазақстан картасы, Ту, Елтаңба, Әнұран суреттері, Нұр-Сұлтан (Астана) бейнесі, мерекелік слайд немесе видео.

Барысы:

1. Ұйымдастыру кезеңі

Тәрбиеші:
– Балалар, бүгін қандай көңіл күйдеміз?
– Бүгін біз ерекше күн туралы әңгімелесеміз.
(Көңілді музыка ойнайды, балалар шеңберге тұрады.)

Сергіту сәті:

Көк аспанда күн күлсін,
Жерге ұдайы нұр түссін.
Дала гүлге тола бер,
Елім өсіп, көгерсін!

2. Әңгімелеу бөлімі

Тәрбиеші:
– Балалар, сендер қай елде тұрасыңдар?
(Балалар: Қазақстанда!)
– Дұрыс, біздің Отанымыз – Қазақстан Республикасы.
– Ал бүгін – Республика күні!

Сұрақтар:
– Республика деген не?
– Біздің елдің президенті кім?
– Біздің астанамыз қай қала?
– Мемлекеттік рәміздерді атайықшы.

(Балалар жауап береді. Тәрбиеші әр рәміз туралы қысқаша түсінік береді.)

3. Көрнекі жұмыс

Тәрбиеші балаларға рәміздерді көрсетіп түсіндіреді:

• Ту: көгілдір түс – бейбітшілік пен ашық аспан,

• Күн мен қыран құс – еркіндік пен бақыт,

• Елтаңба – шаңырақ, бесжұлдыз, қанатты пырақ,

• Әнұран – еліміздің мақтанышы.

4. Ойын: «Мен – қазақстандықпын!»

Мақсаты: балалардың ел туралы білімін пысықтау.
Ойын барысы:
Тәрбиеші сұрақтар қояды, балалар шапшаң жауап береді.

– Біздің туымыздың түсі қандай?
– Астанамыз қай қала?
– Елтаңбада не бейнеленген?
– Президентіміз кім?

(Дұрыс жауап берген балаға жұлдызша беріледі.)

5. Шығармашылық жұмыс

Тақырып: «Менің Туым»
Балалар көгілдір қағазға өз Туын жапсырып жасайды.
(Музыка әуенімен жұмыс істейді.)

Балалар жаттап келген өлең шумақтарын айтады

Хан: Кең жазық Отан мекенім,

Сен де өсіп көктедім

Сені қорғау парызым,

Мұны біліп өтемін.

Каусар: Ерлігі бар даңқы бар,

Бірлігі бар халқым бар.

Отан үшін аянбай,

Ұрпағын мәңгі талпынар.

Алан: Елім – туған Отан,

Мен – кішкентай ботаң,

Отан менің анам,

Отан менің атам!

Зере: Ұлан байтақ жері бар,

Пайдалы қазба кені бар.

Тәуелсіз ел - Қазақстан

Көркіне көркі жарасқан.

Алихан: Менің туған ауылым,

Туған жерім, мекенім.

Өскен жерім Шоқаным,

Жарқырасын жұлдызың.

Раяна: Күн шуақты Қазақстан

Саған ғана үн қосқан.

Жүрегімнің дүрсілі

Төгіледі жыр дастан.

Сафия: Күзде піскен егінді,

Жинап алып ас қылған.

Аман болсын ел - жұртым,

Тыныш болсын Отаным.

6. Қорытынды

Балалар қолдарына жасаған туын ұстап, бірге айтады:

Қазақстан – елім менің,
Жарқыраған көгім менің!
Туған жерім – Отаным,
Мақтанышым – Қазақстан!

Тәрбиеші:
– Балалар, біз тәуелсіз елдің ұл - қыздарымыз.
– Отанды сүю – әр адамның қасиетті борышы!

Әнмен аяқтау: «Отанымның ертеңі» (әуенмен балалармен бірге орындайды).