Ертегілер әлеміне саяхат

Мақсаты: 1.Ертегілер арқылы балалардың тілін дамыту, 2. Тапсырма беру арқылы тура және кері санату, геометриялық пішіндерді ажырату, 3. Балаларды табиғатты сүйе білуге, аялауға, құстарға қамқор болуға тәрбиелеу; 4. Сурет салдыру арқылы өз сезімдерін дұрыс жеткізе білуге үйрету.

Тәрбиеші: балалар қанекей бір-бірімізбен амандасып алайықшы!

«Сәлемдесу» әні

Тәрбиеші: Балалар бүгін бізде ерекше күн. Бізге қонақ апайлар келіп отыр. Қанекей балалар апайлармен амандасып алайық! Өте жақсы балалар. «Жақсы сөз-жарым ырыс» демекші,қане балалар мен сендерге жақсы тілектер айтайын. 
-    Елім, аман болсын, бақытты болайық, нан көп болсын, аналарымыз аман болсын, достарымыз көп болсын.

Жылулық шеңбері!

Шеңбер болып тұрайық,

Алақанды ашайық,

Күннің нұрын салайық,

Таза ауаны жұтайық,

Жүрекке жылу сыйлайық,

Жинаған жылы шуақты,

Қонақтарға шашайық.

Тәрбиеші -Балалар ендеше Мнемо кестесі арқылы тақпағымызды айтайық!

Бұлттар төніп,

Жерге шөгіп,

Дымқыл тұман басады.

Шөп сарғайып,

Өңі тайып,

Дала сұры қашады.

Бой жаза алмай,

Ойнай алмай,

Денең мұздап, тоңады.

Айтыңдаршы, бөбектерім,

Бұл қай кезде болады?

Балалар: күз

Тәрбиеші: ­Күз мезгілінде қандай айырмашылықтар болады? (балалар жауап береді)Есік қағылады, Қонаққа қызыл телпек келеді

Қызыл.телпек: Сәлеметсіңдер ме балалар!

Тәрбиеші: Сәлем, балалар қонаққа келген кім? Таныдыңдар ма?

Балалар: Қызыл телпек!

Қызыл Телпек: Иә балалар дұрыс таптыңдар!

Тәрбиеші: Сен неге көңілсіз жүрсің? Мында қайдан жүрсің?

Қызыл.Телпек: Мен сендерден көмек сұрап келдім. Менің әжеме бәліш апаруым керек. Мені ертегілер әлеміне баруға көмектесіңдерші

Тәрбиеші: Жарайды, балалар, көмектесейік! Иә, олай болса ертегі әлемі алыста, біз ол үшін сиқырлы кілеммен ұшып барайық. (А.Қалаубаеваның орындауындағы «Ертегілер»әнінің ырғағымен кілемге отырып ұшады)

Тәрбиеші: Балалар қараңдаршы мұнда бірнеше жол бар екен. Балалар біз қандай жолмен баратынымызды білмейміз. Ойй балалар бұл кім?

Балалар: Бауырсақ!

Тәрбиеші: сәлеметсің бе бауырсақ! Балалар, сендер бұл ертегі кейіпкерін таныдыңдар ма?

Бауырсақ: Балалар сендер мұнда орманда не істеп жүрсіңдер?

Тәрбиеші: Бауырсақ сен бізге қызыл телпектің әжесінің үйіне барар жолды көрсетіп, көмектесші! Әжесіне бәліш апарып беру керек еді

Бауырсақ: Әрине көмектесемін. Балалар бірақ менің сендерге тапсырмаларым бар. Сол тапсырмаларымды дұрыс орындап берсеңдер мен жолды көрсетемін.

1-тапсырма

Бауырсақ ертегісінің кейіпкерлерін ретімен ата. Және неше кейіпкер кездесті? Оларды ретімен орналастыр

2-тапсырма

Бауырсақ: Балалар менің қолымда «Бауырсақ» ертегісінің кейіпкерлерінің қиындысы бар. Сендер оларды құрастырып бересіңдер ма? (иә)

Бауырсақ: Жарайсыңдар балалар! Енді мен сендерге жолды көрсетіп жіберейін. Мында екі жол бар. Оң жолмен жүріңдер

Тәрбиеші: Ендеше балалар, жолға шықпас бұрын кішкене сергіп алайық!

Сергіту сәті (1,2,3,4)

Тәрбиеші: Ойй балалар қараңдаршы біз тағы да адасып қалған сияқтымыз. Балалар бұл жер өте қауіпті, аңдардың дауысы шығып жатыр. (аюдың дауысы шығады)

Аю: Менің мазамды алып, шулап жүргендер кімдер?

Тәрбиеші: Ой ой балалар! Тезірек аюдың ұйқысын ашайық

Музыкалық сергіту

Тәрбиеші: балалар бұл кім? Бұл қандай ертегі? Бұл ертегіні білесіңдер ме?

Аю: сендер мені ояттыңдар! Сендер менің тапсырмамды орындамасыңдар, мен сіздерді ешқайда жібермеймін!

Тәрбиеші: Жарайды, қандай тапсырма берсеңде, орындаймыз.

1-тапсырма

1-топ балалары «Түстерді сәйкесінше орналастыр»

2-топ балалары «Пішіндерді түстері бойынша құрастыр»

2-тапсырма

1­ден 10­ ға дейін тура және кері санау.

1 2 3 4 5 6 7 8 9 10

10 9 8 7 6 5 4 3 2 1

3-тапсырма

Дидактикалық ойын: «Жоғалған санды тап»

Көз жаттығуы

4-тапсырма

Қалташадағы заттардың санын тап

5-тапсырма

Мына суреттер қандай пішіндерден құралған?

Тәрбиеші: балалар енді аюға қыстық азығын жинап берейік!

«Кім жылдам» ойыны

Аю: ой балалар рахмет, сендер анау таңқурайдың арасымен жүріңдер

Тәрбиеші: Балалар мына таңқурай арасынан, шаршағанымызды басып, мына жердегі кедергілерден қоян, аю,құс,түлкі, жануарлар тәрізді өтейік.

(Алдарынан әженің үйі шығады)

Әже мен қызыл телпек құшақтасады

Тәрбиеші; Сәлеметсіз бе, әже!

Әже: Сәлеметсіңде ме, балалар!

Қызыл.Телпек: Әже маған достарым көмектесті.

Әже: Рахмет балалар! Қызымды аман-есен әкелдіңдер.

Тәрбиеші: Ал Қызыл телпек біз балабақшамызға қайтайық.

Әже: Тұра тұрыңдар балалар. Сендердің маған көмектерің керек. Мына кілемшемді бітіре алмай жатырмын. Қыздар маған көмектесіп жібересіңдер ме? Ал ұлдар сендер менің күшігімнің үйшігін бояп беріңдершіи

Тәрбиеші: Әрине көмектесеміз

«Кілемше құрау» қыздар

«Үйшік бояу» ұлдар

Әже: рахмет,балалар! Енді маған көмектескендерің үшін мына бауырсақтарды алыңдар!

Әже:Сау болыңдар,балалар

Тәрбиеші: Сау болыңыз, әже

(сиқырлы кілемшеге отырып, топқа келеді)

Сабақты қорытындылау: ­Бүгін біз қайда саяхат жасадық? Кімге көмектестік? Кімдерді жолықтырдық? Қандай тапсырма орындадық?

­Бірінші қандай ертегіге кездестік? ­Онда қандай тапсырма орындадық? Екінші қандай ертегіге кездестік? ­ Онда қандай тапсырма орындадық? ­Үшінші қандай ертегіге кездестік? ­Онда қандай тапсырма орындадық? ­Өз сезімдерімізді қалай білдірдік?

Тәрбиеші: Енді біз орманнан алған әсерімізді еске түсірейік!

«Менің сезімдерім» жаттығуы

Рефлекция

Әже – бабушка- grandmother

-Бауырсақ – Колобок – Bun

Аю-медведь- bear

Қызыл телпек – красная шапочка – red Riding Hood

Жақсы қатысқан балаларды мақтап, мадақтау.

Қоштасу шеңбері!

Қол ұстасып тұрайық,

Шеңберді біз құрайық.

Көріскенше күн жақсы,

Сау­саламат болайық