Ашық сабақ "Физикалық және химиялық құбылыстар әлемінде" 5 сынып

Ашық сабақ

Күні: 10.02.2015ж

Класс: 5"А"

Пән: Жаратылыстану.

Тақырыбы: Физикалық және химиялық құбылыстар әлемінде

Сабақтың мақсаты: Күнделікті табиғатта кездесетін денелер мен заттардың өзгерістерге қалай ұшырайтынын еске түсіру. Осы құбылыстардың айырмашылығы мен ұқсастығын ажырата білу.

Білімділік: Оқушыларға физикалық және химиялық құбылыстардың табиғатта және тұрмыста қалай қолданылатынын үйрету, өз білімдерін қалыптастыру.

Дамытушылық: Оқушыларға ой - өрісін қалыптастыра отырып, пәнге деген қызығушылығын арттыру және дамыту.

Тәрбиелік: Қоршаған ортаны, табиғаттағы құбылыстарды және өз ойын ашық айтуға тәрбиелеу.

Сабақтың түрі: Аралас сабақ.

Сабақта қолданылатын көрнекіліктер: суреттер, интернет тақта, физикалық және химиялық құралдар.

Сабақтың құрылымы:

1. Ұйымдастыру кезеңі: Оқушылармен амандасу. Оқушыларды түгендеу. Оқушыларды мезгілге байланысты топтастыру ( қыс, көктем, жаз, күз)

2. Үй тапсырмасын тексеру:

Тақырыбы: Физикалық денелер мен заттардың сипаттамасы, диффузия.

Үй тапсырмасын топтарға "серпілген" сұрақтар беру арқылы бекіту:

1.Қыс тобына: Физикалық дене дегеніміз? Бір затқа сипаттама беру.

2. Көктем тобына: Таза және қоспалар дегеніміз? Мысал келтір

3. Жаз тобына: Диффузия дегеніміз? Диффузияға мысал келтір.

4. Күз тобына: Зат дегеніміз? табиғатта заттар қандай күйде кездеседі? Мысал келтір.

3. Жаңа сабақ:

Физикалық құбылыс дегеніміз - заттың пішіні, агрегаттық күйі өзгеріске ұшырайды, ал олардың құрамы өзгермейді.

Химиялық құбылыс дегеніміз - бір зат екінші бір заттарға айналады, яғни химиялық реакция жүреді.

Құбылыстарға мысал келтіру

Физикалық құбылысқа мысалы:

жаңбырдың жауы

кемпірқосақтың шығуы

қыраудың тұруы

Химиялық құбылыстың белгілері:

газдың бөлінуі түстің өзгеру

жылудың бөлінуі тұнбаның түсуі

Жаңа сабаққа байланысты топтарға тапсырма беру:

1. Қыс тобына: алдарына тұз және су құйылған құты беріледі. Осыған өздері тәжірибе жасап, түсіндіреді, қандай құбылысқа жататынын айтады.

2. Көктем тобына: алдарына шекер және су құйылған құты беріледі. Осыған өздері тәжірибе жасап, түсіндіреді, қандай құбылысқа жататынын айтады.

3. Жаз тобына: қанттың күйуі, сүттің ашуы, спирттің жануы және жайшамның жануы қандай құбылысқа жататынын айтып, түсіндіру.

4. Күз тобына: майда шеге мен құмды араластырып,шегені қалай бөліп алуға болатынын айту. Қолдарына шеге, құм, магнит беріледі.

4. Жаңа сабақты бекіту сұрақтары:

1. Қыс тобына:Балшықтың кебуі қандай құбылысқа жатады?

2. Көктем тобына: Май күйгенде қоңырсыған иіс шығуы қандай құбылысқа жатады?

3. Жаз тобына: Кемпірқосақ және найзағайдың ойнауы қандай құбылысқа жатады?

4. Күз тобына: Ағашты жаққанан кейін, ағаштың күлі қалады бұл қандай құбылыс?

5.Жаңа сабақты қорытындылау:

Физикалық және химиялық құбылыстардың табиғатқа және адам өміріне маңызы зор. Олар арқылы әр түрлі заттарды алуға болатынын түсіндіңдер және оларды қалай пайдалан туралы мағұлматтар алдыңдар. Физикалық және химиялық құбылыстар қоршаған ортаға өз әсерін береді.

6. Бағалау: Оқушыларды сабаққа белсенді қатысуымен бағалау.

7. Үйге тапсырма: Физикалық және химиялық құбылыстарды оқу, мысал жазып келу.