Ашық сабақ "Ғажайып қыс" әлеуметтік бейімделу тобы.

«Бағдаршам» әлеуметтік бейімделу тобы

Пәні: Қоршаған орта
Тақырыбы: Ғажайып қыс
Мақсаты:

Түзете-білімділік: Қыс мезгілі , жаңа жыл туралы түсініктерін кеңейту, зейінің сабаққа аудару.Қыста болатын өзгешеліктерді айту.

Түзете-дамытушылық: Танымдық қабілеттерің, есте сақтау қабілеттерің , жалпы қол моторикасын дамыту, ойынға қызығушылықтарын арттыру.

Түзете-тәрбиелік: Табиғатты аялауға, әсемдікті сезіну, көзбен көру, қолмен ұстау. Ұкыптылыққа, әдемілікке , жинақылыққа тәрбиелеу.

Әдіс - тәсілдері: Әңгімелесу, түсіндіру, сұрақ – жауап, көрсету, ғажайып сәт, ойын, сергіту сәті.
Көрнекілігі: Қыс көрінісі, мазмұнды суреттер, аққала, қысқыштар, шырша.

Сабақтың барысы

Ұйымдастыру кезеңі:

- Балалар, күн суық болса да, біздің жүрегіміз жылы. Жылуымызды жан - жағымызға беріп, жылулық шеңберін құрып, келген қонақтарымызбен амандасайық.
Мейірімділік жүрекпен,
Ақ пейілді тілекпен,
Амандасып алайық.
Бір жадырап қалайық,
Келіп қалған қонақтарға
Сәлем беріп алайық.

Табиғат бұрышы:

Сурет бойынша жұмыс.

Өткен сабақты қайталау:

Сурет бойынша киімдерді көрсету.

- Балалар, біз тоңбас үшін үстімізге қандай киімдер киеміз?
Қане, іс - қимылмен көрсетейікші (Балалар іс - қимылмен көрсетеді)
- Бас киім, үстімізге тон, аяғымызға етік, қолымызға қолғап киеміз!

Бұл киімдерді, біз тек қыста ғана киеміз, жылы киімдер деп аталады.
Жаңа сабақ:
-Ендеше балалар, мен сендерге осы қысқа байланысты өлең жолдарын оқып бергім келіп тұр.
Шанамен зырғып желетін,
Коньки, шаңғы тебетін,
Аққала жасап ойнайтын,
Қай мезгіл деп ойлайсыңдар балалар?
- Қыс мезгілі

-Дұрыс,осы қысқа байлаңысты жаттығу жұмысын жасап жіберейік.
Қимыл – қозғалыс жаттығуы:
-Қар жауады, аяз болып, боран соғады.
-Ендеше, боран соққанын қимылмен қалай көрсетеміз?
( Балалар қолдарын жоғары көтеріп, гуілдейді)
-Қатты аяз болып, тоңғанда не істейміз?
(Қолдарын қусырап, аяқтарын топырлатады)
-Ал, күн шыққанда не істейсіңдер?
(Алақай, деп қолдарын көтереді)
-Жарайсыңдар балалар!
- Балалар, қыста ауа таза болады. Сондықтан да сендер ауырмау үшін, денсаулықтарың мықты болу үшін таза ауада ойнауларың керек. Ойын арқылы денелерің шынығады. Ендеше балалар таза ауаға шығайық.

Сергіту сәті:

Балалар, енді біз таза ауаға шығып ойнап келейік.

Балалар қараңдаршы қандай ғажап қыс. Айнала ақ тонға оралған.
Жапалақтап қар жауып тұр.
- Аққала неден жасалады?
- Қардан

Тәжірибелік жұмыс:
-Қане, барлығымыз қарды қолмен ұстап көрейік.
Балалар қарды қолмен ұстап көреді.
-Қардың түсі қандай?
-Ақ
-Қар суық па, жылы ма?
-Суық
-Аққала неше бөліктен тұрады?
-Үш бөліктен тұрады
-Оның бөліктерінің пішіндері қандай?
-Дөңгелек

Олай болса ,аққала жасайықшы балалар.

Жарайсыңдар балалар, аққаламыз қандай әдемі болды. Енді ішке

кірейік ,тоңып қалған шығарсыңдар.

«Шырша жасау» д/о

Мақсаты: Жалпы қол моторикасын дамыту, ойынға қызығушылығын арттыру.

Шарты: Қысқыштарды қолданып шырша жасау.

Балалар қыста қандай мереке бар, барлық бала жақсы көретін?

- Жаңа жыл

Сабақты қорытындылау: Ғажайып сәт.

/Осы кезде Аяз ата келеді/
- Сәлеметсіңдер ме балалар!

- Келіңіз төрлетіңіз, сіз туралы айтып отыр едік. Балалар,

қонаққа кім келді?
- Аяз ата

Аяз ата:Мен сендердің хаттарыңды алып, сұраған шыршаларыңды әкелдім.

Ойын: «Шырша әсемдеу»

Енді шыршаға ойыншықтарды іліп,әсемдейік.

Қандай әдемі шырша болды!

- Балалар дайындаған жаттауларын болса айта қойыңдар.

(Балалар жаттауларын айтады)

• Жарайсыңдар балалар.

Тәрбиеші: Ал енді бәріміз шыршаны айнала ән айтып, би билейік.
Жақсы балалар, ал енді мен сендермен қоштасамын,

келесі жыл кездескенше сау болыңдар!