Ашық сабақ "Ғаламшар ғажаптары" 7 сынып

Мақсаты: оқушыларға болмыс, жаратылыс, ғалам туралы түсінік бере отырып, дұрыс іс-әрекет құндылығының мағынасын ашу.

Міндеттері:

• оқушыларға болмыс, жаратылыс, ғалам туралы түсінік беру;

• қоршаған жаратылысқа деген жасампаздық көзқарастарын қалыптастыру;

• қоршаған жаратылысқа деген ізгі қарым-қатынасқа тәрбиелеу.

Күтілетін нәтиже: оқушылардың болмыс, жаратылыс, ғалам туралы түсініктері қалыптасады.

Ресурстар: интерактивті тақта, музыка, дәптер, постер, смайлик, стикер, сурет қиындылары

Сабақ барысы:

Ұйымдастыру іс-әрекетті

Оқушылармен амандасып, түгелдеп, тыныштық сәтін өткізіп, оқушылардың көңіл күйін көтеру. «Теңіз түбіне саяхат»

І. Қызығушылықты ояту кезеңі

1. Үй тапсырмасы

Үй тапсырмасына оқушыларға жұлдыздар туралы мәліметтер ізденіп келу тапсырылған. «Автор орындығы» стратегиясы пайдаланылады. Оқушылар бір-біріне сұрақтар қояды.

2. Дәйексөз

Оқушыларға дәйексөз оқылады. Дәйексөздің мағынасын ашу тапсырылады.

Ғаламды тану – адамды тану

Ш.Айтматов

ІІ. Мағынаны тану кезеңі

1. Әңгімелеу

«Тұжырымдамалық карта» әдісін пайдалана отырып, оқушыларға постерге «Ғалам» сөзіне түйінді идеяларды жазып шығу және қорғау тапсырылады.

«Еркін әңгіме» стратегиясы пайдаланылады.

1. Жұлдызды түндері аспанға қарағанда қандай сезімде боласың?

2. Өз ғаламшарын, қоршаған ортаны сүю дегенді қалай түсінесіңдер?

3. Жердің дөңгелек екенін алғаш рет естігенде қандай күйде болдың?

Мәтінмен жұмыс

Оқулықтағы «Адам мен ғалам» мәтінің оқып, талдау тапсырылады. Оқушыларға төмедегі сұрақтар қойылады.

1. Адам неліктен ғарышты тануға талпынады?

2. Ғаламды танудың өзін-өзі танумен қандай байланысы бар?

3. Ғаламды тани отырып, адам сезімі әлемінқалай нәрлендіруге болады?

«Жуан-жіңішке» сұрақтарды пайдалана отырып, оқушылар бір-біріне сұрақтар қояды.

Оқулық

2. Шығармашылық жұмыс

Топтық жұмыс. Оқушылар үш топқа бөлінеді.

ІІ топ

Болмыс

ІІІ топ

Ғарыш

І топ

Ғалам

Әр топқа әртүрлі тапсырма бөлініп беріледі.

І топ: Сурет қиындыларын құрастырып, постерге өз ойларын жазып, қорғау тапсырылады. «Пазл» әдісі пайдаланылады.

ІІ топ: Сурет қиындыларын құрастырып, бес жолды өлең шығарп, қорғау тапсырылады. «Пазл» әдісі, «Синквейн» әдісі пайдаланылады.

ІІІ топ: Сурет қиындыларын құрастырып, постерге өз ойларын жазып, қорғау тапсырылады. «Пазл» әдісі пайдаланылады.

«Ғарыш әлемі» ойыны ұйымдастырылады.

Бейнежазба. «Ғарыш ғаламаты»

Бейнежазба бойынша өз ойларын айту тапсырылады.

«Бас бармақ» арқылы бағалау

ІІІ. Ой толғаныс кезеңі

1. Топпен ән айту.

Оқушыларға Ибрагим Ескендірдің «Көк тудың желбірегені» әнін топпен айту тапсырылады.

Көк тудың желбірегені -

Қазақтың асқақ беделі.

Махаббат, қайрат екеулеп,

шымырлатқаны денені.

Көк тудың желбірегені -

жаныма қуат береді.

Таласқа түссе жан мен ту

Жан емес,

маған керегі-

Көк тудың желбірегені.

2. Үй тапсырмасы

Үй тапсырмасына оқушыларға оқулықтағы «Адамның ғаламмен байланысы» мәтінін оқып, мәтін бойынша өз ойларын жазу тапсырылады.

күнделік

3. Соңғы тыныштық сәті

Енді көзді жұмып осы сабақта айтылған ізгі сөздер мен істерді ой елегінен өткізіп, барлық жақсы ойларды жүрегіміздің түпкіріне апарып орналастырамыз.