Білім беру саласы: Таным

Бөлімі: Математика негідері.

Тақырыбы: «Геометриялық пішіндер»

Мақсаты: Геометриялық пішіндер туралы ұғымдарын тиянақтап, түстерді ажыратуға баулу. Балаларды дөңгелек, шаршы, үшбұрыш тәрізді геометриялық пішіндермен таныстыру, оларды ажыратуды үйрету. Балаларды тапқырлыққа, ізденімпаздыққа, тәрбиелеу.

Әдіс-тәсілдер:Сұрақ-жауап, әңгімелесу.

Қажетті көрнекі құралдар: Геометриялық пішіндер: үшбұрыш, төртбұрыш, шеңбер, А3 сурет,сандық(интерактивті үйрену).

Сөздік жұмыс: Күз, үшбұрыш, төртбұрыш, шеңбер.

Тәрбиеші: Балалар, біздерге көптеген апайлар қонаққа келіпті, қане бәріміз амандасайық.

Кәне енді балалар бәріміз амандасайық!

Біз қандаймыз, қандаймыз,

Шұғылалы таңдаймыз.

Жарқыраған күндейміз.

Ренжісуді білмейміз.

Қуанамын мен де,

Қуанасың сен де

Қуанайық достарым.

Күліп шыққан күнге.

Балалар, менің сиқырлы таяқшам арқылы біз бүгін пішіндер әлеміне саяхат жасаймыз.

1-2-3 сиқырлы таяқшам бізді ұшыр.

Шаршы, шеңбер, үшбұрыш, төртбұрыш туралы геометриялық пішіндермен балаларды таныстыру. Геометриялық пішіндерге сипаттама беру. Қазір сол пішіндер туралы мульттоптаманы бірге тамашалайық.

Балалар қарандаршы, тақтадан не көріп тұрмыз?

Қандай пішіндер? Кәне енді сендерге тапсырма берейін.

Балалар суретте не көріп тұрсыңдар? Бұл біздің күнделікті өмірде пайдаланатын заттар екен.

Ендеше бұл заттарды өздеріне ұқсайтын пішіндермен қосайық.

үшбұрыш – үтік

шеңбер – алма

төртбұрыш-теледидар

Жарайсыңдар балалар!

Тосын сәт: “Сиқырлы сандық”

Балалар, қарандарсай мен сиқырлы сандық тауып алдым. Ішінде не бар екен. Ішінен тапсырма шығады, сендер өздеріннің балабақшаға қайтқыларын келсе, тапсырманы орындаңдар!

Берілген заттардың көмегімен пішіндерді құрастырыңдар!

Шығармашылық жұмыс: “Пішіндерді құрастыр”

Пласталиннің және ағаш таяқшаның көмегімен пішіндерді құрастыру.

Сергіту сәті. «Бала, бала, балақан.» 

Іс-қимылдар жасап балалармен сергіту жаттығуын орындату.

Балалар, жарайсыңдар тапсырманы орындадық. Енді балабақшамызға сиқырлы таяқшаның көмегімен оралайық. 1-2-3 Сиқырлы таяқшам ұшыр.

Балалар бүгін  біз сендермен  геометрялық пішіндермен  таныстық.

Сендерге бүгінгі ашық оқу-қызметі ұнады ма? Егерде ұнаса осындай 5 бұрышты жұлдызшамен бағалаймыз иә! Жарайсыңдар балалар! Сау болыңыздар!