Ашық сабақ "Графиктер" 6 сынып

Пәні

Математика, 6-сынып, №145 сабақ

Сабақ тақырыбы

Графиктер

Сілтеме:

Блум таксономиясы, СТО, Марта Бронсон (2002ж.) өзін-өзі реттеу

Александер, 2001,2008 Нұсқаулық 51 бет, 6-сынып оқулығы

Жалпы мақсаты

Графиктер ұғымы туралы терең түсінік беру, екі шаманың арасындағы байланысты график арқылы кескіндеуін үйрету.

Сыни тұрғыдан ойлау қабілетін дамыту, ынтымақтастыққа тәрбиелеу.

Оқыту нәтижелері

-топ ережесіне бағынады;

- зерттеу, салыстыру жұмыстарын жасай біледі;

-ынтымақтастыққа үйренеді;

-тақырыптың маңыздылығын түсінеді;

-бірін-бірі бағалауды үйренеді.

Негізгі мақсаттар

-Топтық жұмысқа жұмылдыру

-өз бетімен жұмыс істеуге ынталандыру

-өзара бағалауға үйрету

-логикалық ойлау қабілетін дамыту.

Ынтымақтастық атмосферасын құру

«Шаттық шеңбері» бір-біріне жақсы тілектер айтады. Координаталарымен берілген нүктелер арқылы топқа бөлу,

1 топ. Г(1;2);Р (2;6); 2 топ. А (4;6);Ф (5;2); 3 топ. И(7;2);К (8;6);

4 топ. Т(10;6);Е (11;2);Р (13;2).

Сабақтың тақырыбын ашу мақсатында әр топқа берілген нүктелерді координаталық жазықтықта белгілеп, кесінділер арқылы қосады. /Графиктер сөзі шығады./

Граф-латын тілінен аударғанда жазу, суреттеу деген мағынаны береді.

Білу, тану

1 тапсырма: (Сұрақтар барлық топ мүшелеріне арналған, ауызша жауап)

Интербелсенді тақтадан әр сағат сайын 4 м мата тоқитын

станок 1 сағатта, 2 сағатта, 3 сағатта, 4 сағатта неше метр мата тоқитынын көрсететін диаграмма берілген.

1. абсцисса осіне қандай шама салынған?

2. ордината осіне қандай шама салынған?

3. 4 сағатта қанша мата тоқылған?

4.станокта тоқылатын мата ұзындығы неге тәуелді?

5.АВ кесіндісінің ұзындығы нені білдіреді?

Түсіну

2 тапсырма. 1-2 топқа жеңіл 1-мысал, 3-4 топқа күрделі 2- мысал.

1. Қарағайдың 1 дм³ көлемінің массасы 0,5 кг.Қарағайдың 2 дм,3 дм,,4 дм,5 дм көлемінің массасын тауып,оның графигін сызыңдар.

Көлемі, V (дм3)	1	2	3	4	5
Массасы,m (кг)

2. Саяхатшы 5 км/сағ. Жылдамдықпен 2,5 сағ. жүрген соң, 1,5 сағ. Демалып,қалған 3 сағатта 6 км/сағ. Жылдамдықпен жүрді. Саяхатшының қозғалыс гафигін сызыңдар.

Оқушылар кестені толтырады, графигін салады.

Қолдану

Сергіту сәті

3 тапсырма: /тапсырма барлық топ мүшелеріне арналған №1155 есеп/

1.С=a*n (С-заттың құны, а-бағасы, n-массасы немесе саны) формуласын пайдаланып, 1 кг алманың бағасын табыңдар.

2.150 теңгеге неше килограмм алма сатып алуға болады?

«Жұмбақ сандар»

Талдау

1-2 топқа 1-мысал, 3-4 топқа 2- мысал бойынша

графиктегі бір шаманың берілген мәніне сәйкес екінші шаманың мәнін табады,түсіндіреді,салыстырады,өмірмен байланыстырып мысал келтіреді.

Жинақтау

5-тапсырма: тақырыпқа байланысты сұрақтар./әр топ 3 сұрақтан құрастырып бір-біріне сұрақ қояды.

-Тақырыпты қорытындылап ББҮ кестесін толтырады.

-топтар өзара бағалайды.

Бағалау критерийлері

- топ ережесіне бағынуын;

-өткен сабақпен байланысын;

- график арқылы шамалардың өзгерісін анықтауын;

-қойылған сұраққа нақты жауап беруін;

- графиктерді зерттеп салыстыруын;

-бірін-бірі бағалауын;

Келесі тапсырма

6.5.Графиктер,№ 1152 есеп