Пәннің аты

Бейнелеу өнері

Уақыты: 17.01.2018

Сыныбы 3 «Ә»

Мұғалім: Абдрахманова Динара Муратбековна

Сабақтың тақырыбы:

Иллюстрация дегеніміз не?

Мақсаты

Күтілетін нәтиже

Иллюстрация туралы түсінік алады. Көркемдеуші суретшілердің жұмыстары туралы мағлұмат алады. Тақырыптың  маңыздылығымен танысады, түсініп оқуға, ойын жеткізе білуге үйренеді, тапсырмаларды дұрыс құруға, ойын тиянақтай білуге дағдыланады.

Сурет салу дағдысы қалыптасады. Сурет салудың заңдылықтарын үйрету. Алған білімдерін қолданып, ойдан өз ертегілерін жасайды.

Психологиялық ахуал

Психологиялық дайындық

Шаттық шеңбері

Мейірімді жүрекпен

Ақпейілді тілекпен

Амандасып алайық

Бір жадырап қалайық

Оқушылар шеңберде жиналып, мұғаліммен бірге бүгінгі сабаққа сәттілік тілейді.

Топқа бөлу

Бағалау мен таныстыру

Жыл мезгілдеріне байланысты суреттер таратылады

Топтың ережесі

1. Тәртіп сақтау

2. Бірін – бірі тыңдау

3. Бірін – бірі сыйлау

4. Бірігіп жұмыс жасау

5.Бір –біріне көмектесу

6. Басқа топтағы оқушылардың жауаптарын тыңдау

Ұпай жинау арқылы бағаланады. 

Оқушылар таңдаған жыл мезгілдеріне сай топтарға бөлініп отырады.

18 ұпай - 5

13 ұпай - 4

6 ұпай – 3

Қызығушылықты ояту

Жаңа тақырыпқа арналған таныстырылым тамашалау

- Бүгінгі сабағымызды сайыс түрінде өткіземіз. Осы төрт топқа бейнелеу өнерін қаншалықты білетіндерін тексеріп, сұрақ қоямыз. Сендер жауап беріп ұпай жинайсыңдар. Өткен сабақтарда сендер ойыншықтар жасаған болатынсыңдар. Оларды сендер салғанда әдемілеу үшін не қолдандыңдар?

1. Қандай бояу түрлерін білесіңдер? (Акварель, гуашь)

2. Акварель бояуы қандай болады? (мөлдір, нәзік).

3. Гуашь бояуы қандай болады? (суда еритін қою бояу)

4. Кескіндеме өнерінің басты құралы не? (Түс)

5. Табиғат әлемінде кездесетін түстер екі топқа бөлінеді, ол қандай? (Жылы және суық түстер)

6. Жылы түстерге қандай түстер жатады? (қызыл, сары, қызғылтсары т.б.түстер)

7. Суық түстерге қандай түстер жатады? (көк, жасыл, көгілдір т.б)

8. Негізгі түстерді атаңдар. (қызыл, сары, көк.)

9. Түссіз түстерді білесіңдер ме? (ақ, қара,сұр).

10. Қалған түстерді қандай түстер деп айтамыз? (қосымша)

11. Анималистік жанр дегеніміз не? (аңдардың, жануарлардың бейнесін салу).

12.Табиғат көрнісін бейнелейтін жанр (пейзаж)

Сергіту сәті

Қыс құнарын береді

Көктем дәнін себеді

Жаз бастап өсірсе

Күз жинап тереді

Жаңа сабақ

Өзіндік жұмыс: 

Айтыңдаршың, сендерге қандай кітап ұнайды? Қандай кітапты таңдайсыңдар –суреттерімен бе әлде суреті жоғын ба?

Әрине суреттері көп кітапты таңдайсыңдар. Кітаптағы сендер қызыға қарайтын суреттер иллюстрациялар деп аталады. Ал иллюстрацияларды жасайтын суретшілерді иллюстраторлар дейді. Суретші – иллюстраторларды жазушының ең жақын досы деуге болады. Себебі ол кітапты безендірумен қатар, оның мазмұнын түсініктірек етуге көмектеседі. Иллюстрация тек ертегілерде ғана емес алуан түрлі энциклопедияларда, оқулықтар мен көркем әдебиеттерде қолданылады. Өздерің сүйіп оқитын ертегі және әңгіме кітаптарды, оқулықтарды иллюстрациясыз елестетіп көріңдерші, олар қандай қызықсыз болар еді. Көптеген балалар энциклопедиялары қызықты да әсерлі суреттерге өте бай. Олардан сендер күн жүйесіндегі ғаламшарларды қалай орналасқандығын, жануарлар, ертедегі адамдар мен қалалар қандай болғандығын көре аласыздар. Суретші – иллюстраторларсыз біз оларды елестете алмас едік.

Ал енді сендер қазір суретші – иллюстратор боласыңдар.

Қыс, көктем, жаз, күз атты

Төрт суретші кездесті.

–Шетімізден талантты

Шеберміз ғой біз, –десті.

Содан олар келісті

Сәндемек боп орманды.

Түрлі бояу бөлісті,

Қылқаламды қолға алды.

Әр топ өз таңдаған жыл мезгілдеріне байланысты ертегі құрастырып, сол ертегіге байланыстырып кейіпкерлердің суреттерін салады.

Жұмысты қорғау

 Әр топ өздерінің жұмыстарын қорғайды. Жыл мезгіліне байланысты қандай кейіпкерлер таңдады. Ертегіде не туралы айтпақ болды.

Үйге тапсырма

Тапсырманы аяқтау

Күнделіктеріне жазғызамын.

Бағалау

Өзін –өзі бағалау

Топты бағалау

Суреттің қағаз бетіне орналасуы

Салынған суреттің тақырыпқа сай болуы

Кейіпкерлердің дұрыс таңдалуы

Түстік шешімнің дұрыстығы

Алма -5

Алмұрт-4

Лимон-3

Жинаған жемістеріне байланысты баға қойылады

Кері байланыс

  Түсінбедім, сұрағым бар, түсіндім       

Смайликтерді өзі қалаған нұсқаға жабыстырады