Ашық сабақ "Интернетсіз бір күн" 5 "Б" сынып

Халықаралық интернетсіз бір күнге арналған

«Интернетсіз бір күн» тақырыбында өткізілген үлгілі сабақтың

Әдістемелік дәйектемесі

Пән: Информатика

Сынып: 5 «Б»

Мұғалімнің аты-жөні: Рахатова Жанар Куралбаевна

Мақсаты: Білімгерлер  өз ойларын тиянақты жете айта біліп, өздерін сабырлы әрі тәртіпті ұстауды ескеріп, қарсыластарын тыңдай білуге тәрбиелеу;
Дамытушылық: Білімгерлерге интернет туралы толық ой қалыптастыру,білімгерлерді тапқырлыққа, ізденімпаздыққа шығармашылыққа баулу;

Сабақ әдісі: дәстүрлі емес

Сабақ типі: сайыс сабағы

1 . Менің суретім

2. Эссе қорғау

3. «Таңдау» ойыны

4. CLIL әдісі

5. Рефлексия

И нтернет бүкіл әлемдегі миллиондаған компьютерлік желілерді бір–бірімен байланыстыратын орасан зор компьютерлік желі.Интернет ұғымы ХХ ғасырдың аяғында пайда болса да, жүрдек пойыздың жылдамдығын еске салатындай жедел қарқынмен кең қанат жайып келеді. Әйгілі Ер Төстік ертегісінде Төстік жыл санап емес, ай санап, күн санап өсіпті дейтін жері болатын. Сол Ер Төстіктің ер жетуі сияқты дамып отырған бір сала болса, ол – бүкілғаламдық желі – Интернет деп санар едім.Бұл күнде Интернетті тұрақты пайдаланушылар саны бүкіл әлем бойынша 1, 5 млрд адамнан асыпты. Бұл – жер шарын мекендейтін халықтың төрттен бір бөлігі ғаламтор игілігін өз кәдесіне жаратуда деген сөз.  Кей адамдар ғаламтор арқылы мамандық алып, жұмысқа орналасып жатады. Бұлардан бөлек, ғаламторды жолын білгендер табыс көзі ретінде қолдана алады. Соңғы жылдарда дәл осы ғаламтормен байланысты түрлі мамандықтар пайда болған.    

1. Менің суретім

1.Оқушылар өздерінің салған суретің қорғайды

2 . Эссе қорғау

1. «Интернетсіз бір күнім » атты эссе жазады,қорғайды

Дегенмен де интернеттің жақсылықтарымен бірге келеңсіз жақтары да барын естен шығармағанымыз жөн.Интернетке қосылу үшін әрине бізге компьютер керек. Ал, әр күнін компьютер алдында өткізу денсаулыққа зиян екенін білесіздер ме?

Ол адам ағзасына қауіп төндірумен қатар, сананы улаумен шектесетіні белгілі. Компьютер алдында ұзақ отырса адамның көзі, жотасы ауырады және қимыл-қозғалысына, адам психологиясына да әсер етеді. Сезімдік нерв жүйесі ауруларына шалдығады.Интернетке жүгініп,үйреніп кеткен бала, яғни интернет арқылы хат алысып, сөйлесу-баланың айналасындағы адамдармен бетпе-бет сөйлесуіне де әсер етеді, сөйлеу мәдениетінен айырылады. Компьютерден бөлінетін ультра-күлгін сәулесі көзге кері әсер етеді. Ал одан сорақысы- ұлттық, адами қасиеттерге нұқсан келтіретін материалдардың интернет бетінен орын алуы. Қазірде шығарма, эссе жаза алмайтын оқушылар бар. Бұның бәрі көп уақытын кітап оқумен емес, интернетке кіріп түрлі ойындар ойнап, уақытын тиімсіз өткізудің зардабы.

3. «Таңдау» ойыны

Селикон алқабы дегенді естігеніңіз бар ма? Калифорния штатында орналасқан,АҚШ-тың ғана емес,әлемнің керемет технологиялық жаңалықтары жасалатын жер, сүттің бетіндегі қаймақтары жиналған ғылыми орта .Білесіз бе? Сондағы мектептерде компьютер атаулы атымен жоқ,тақта мен бор,ағаш парта мен тау-тау кітаптар тұратын сөрелер ғана бар. Ондағы оқушылар ұялы телефон,айфон,айпат,планшет дегенді мүлдем ұстамайды.Милары бос,тынық,тыныш.Бір компьютерсіз, тіпті бір экрансыз мектептің мұғалімдері гаджеттерді оқушылардың үйде де қолданбауын жөн санайды.Қиын көбейту мен бөлуді оқушылар қағаз бен тақтаға шығаруға міндетті.Бір ғажабы мұндай тәртіп осы селикон алқабында ғылыми зерттеулер жасайтын ғұлама ата-аналардың талабы бойынша қалыптасқан. Қалта телефонсыз өмір сәнсіз, интернетсіз өмір мәнсіз. Әлеуметтік желілерге күніне кемінде бір кіріп шықпасақ,ауа жетпеген ,демі тартылған адамның күйін кешеміз. Бұл дерт пе өзі?

Қазіргі техника дәуірінде адамның күнделікті өмірі компютермен өтеді. Оны ешкім жоққа шығара алмайды. Компютерге отырған кезде адам жай ғана отырмай интернет пайдаланады. Қазір интернеттен өзіңе керектінің бәрін таба аласын. Тіпті, интернетте отырып-ақ өзіне керектіні сатып алуыңа болады (киім, тамақ,әшекей-бұйымдар т.б.). Әрине, бұл өзіңе пайдалы. Бірақта әрбір заттың өз уақыты, өз орны болу керек емес пе? Ал қазіргі жастар күні-түні сол монитордың алдында отыруға бар. Ол бір жағынан денсаулыққа әсер етеді, ал бір жағынан санаға әсер етеді.

5. CLIL әдісі  арқылы білім сапасын көтерумен қатар екінші немесе үшінші тілді уақытты үнемдеу арқылы үйреніп, білім сапасын көтеруге мүмкін болады. CLIL әдісі арқылы оқытуда күтілетін нәтижелер: - полимәдени тұлға тәрбиеленеді; - тілдік құзыреттілік дамиды.