Ашық сабақ Жалқы есім жалпы есім 2 сынып

Пәні: қазақ тілі

Сабақтың тақырыбы:

Жалқы есім және жалпы есім

Мектеп: №21 ОМГ

Мұғалімнің аты-жөні: Бигимбаева А.Б

Күні: 21.02.2019ж

СЫНЫП: 2 А

Қатысқан оқушылар саны:

Қатыспаған оқушылар саны:

Сабақ негізделген оқу мақсаттары

2.4.2.4. Зат есімнің жалқы және жалпы түрлерін ажырату, жалқы есімнің жазылу емлесін сақтау

Сабақ нәтижесі:

Зат есімнің жалқы және жалпы есімдерді бір-бірінен ажырата білу.

Оқушылардың барлығы мынаны орындай алады: Жалқы есім және жалпы есім туралы біледі.

Оқушылардың көбісі мынаны орындай алады: Жалқы есімге және жалпы есімге қандай зат есімдер жататынын ажырата біледі. Өз бетінше жұмыс жасайды. Сұраққа жауап береді.

Оқушылардың кейбіреуі мынаны орындай алады:

Тақырып бойынша қосымша мәліметтер мен дәлелдер келтіре алады.

Бағалау критерийі

• Зат есімнің жалқы және жалпы түрлерін ажыратады.

Жалқы есімнің жазылу емлесін сақтайды.

Ресурстар

Оқулық, суреттер және  әртүрлі  заттар, топтық тапсырмалар, кері байланыс, стикер.

АКТ қолдану дағдылары

Мұғалім дағдысы: интербелсенді тақта, слайд

Оқушы дағдысы.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

Әдебиеттік оқу, қазақ тілі.

Сабақтың жоспары

Жоспарланғануақыт

Сабақ барысы :

Бағалау түрлері

Басталуы

8 минут

Ұйымдастыру кезеңі - 2 минут

Психалогиялық дайындық:

Оқушылар сабақтың көңілді, сәтті өтуіне тілек тілеп, бір - біріне күлімсіреп жылулық нұрын себеді. күнмен сәлемдесейік.
Сәлем Күн - Анамыз! /қол жоғарыда/
Қуанатын күн бүгін / қол ұстасады/
Қайырлы таң! Қайырлы күн! /қол көкіректе/
Күліп шықты күн бүгін! /қол жоғарыда/
Үй тапсырмасын тексеру - 6минут

Өткен тақырыпты бекіту мақсатында:

1-топқа : С әріпінен басталатын зат есімдерді атау;

2-топқа: А әріпінен басталатын зат есімдерді атау;

3-топқа : Т әрпінен басталатын зат есімдерді атау;

4-топқа : Е әрпінен басталатын зат есімдерді атауды ұсыну.

Сұрақтар:

1.Зат есім дегеніміз не?

2.Қандай сұрақтарға жауап береді?

Үш шапалақ пен бағалау

Жаңа білім

8 минут

Білу және түсіну

Тақырыпқа кіріспе- 2 минут

Сабақтың мақсаты, бағалау кретерийі хабарланады.

«Жариялау» әдісі-2 минут

(Әрбір топ берілген суреттер бойынша өз аттарын жариялау керек. Бұл үшін топ ішінен суреттер берілген уақыт ішінде басқа қатысушылар алдында сөйлеп, өз ұстанымын жеткізеді.

Суреттерге қатысты сөздердің бірі кіші әріппен, бірі бас әріппен жазылған. Оның себебі неде деп ойлайсыңдар. Ережені түсіндіру.

Оқушылар оқулықтағы негізгі тақырыппен танысады.

Е реже шығару: Олай болса балалар, кісі аты - жөні,, жер - су аттары, жан - жануарларға қойылатын атаулар жалқы есім деп аталады. Яғни жалқы есімдер бас әріппен жазылады. Сонымен, жалқы есімдерден басқа зат есімдерді жалпы есім дейміз. Жалпы есімдер кіші әріппен ж азылады.

Оқушылар сурет бойынша атауын жазады. Жаңа сабақты осы суреттердегі ойлар туралы ашу.

«Жариялау» әдісі

Оқулық,

мәтіндер.

Ортасы

15 минут

Қолдану

«Кейіпкерлер тапсырмасы» әдісі. Топпен жұмыс. Оқушыларға тапсырмалар жазылған парақшалар таратылады. Шығармашылық тапсырма

1. Сөздерді оқы. Әр қатарда берілген бес сөздің қайсысы артық? Неге?

Алатау, Алматы, өзен, Маңғыстау, Жамбыл.

____________ сөз артық, өйткені, ____________________________________

Асқар, балалар, оқушылар, адамдар, футболшылар.

____________ сөз артық, өйткені, ____________________________________

Алдаркөсе, Мақта қыз, тарақ , Құйыршық, Қожа.

____________ сөз артық, өйткені, ____________________________________

2.Қай сөздер көп? Таразының астына сөздерді екі топқа бөліп жазыңдар.

Жалпы есім Жалқы есім

Жайық, бесік, Жиренше, ертегі, Тайбурыл, оқушы, көз, сөз табы, Елек.

3.Аяқтап жаз.

Астана сөзі _______ жазылады, өйткені ол ___________________________

Мирас сөзі бас әріппен жазылады, өйткені ол ___________________________

_________сөзі кіші әріппен жазылады, өйткені ол _________________________

4. Сөздерді оқы. Кісі, жер - су аттарын бөліп жазыңдар.

Аттила, Балқаш, Үсен, Алдаркөсе, Отырар, Қожанасыр, Есіл, Томирис, Қаратау, Ақтөбе.

«Тездет, бірақ қателеспе».

Ойын: «Кім жылдам?»

Мәре сызығына шейін аяқ іздері арқылы жалқы есім мен жалпы есімді шатыстырмай жету. Минут уақыты бойынша оқушының берілген тақырыпқа түсінгендігі анықталады.
Іле-жалқы жаз-жалпы

өзен-жалпы Тараз-жалқы

қыз-жалпы Ақжан-жалқы

Мағжан-жалқы бала-жалпы

Бата-жалпы қозы-жалпы

Сыныптағы белсенді оқушы басқаларға бағыт беріп отырады. Топтық талқыға салады,ойланады.

«Кейіпкерлер тапсырмасы» әдісі.

Сергіту сәті

2 минут

Сергіту сәті

"Күн мен түн" ойыны.

Шарты: Мұғалімнің бұйрығы бойынша "Түн" дегенде балалар "ұйықтайды".

Мұғалім бір оқушының алдына "кім?", "не?", "кімдер?", "нелер?" немесе зат есімдерді айтады оқушылар "оянып", сол сұраққа жауап береді не зат есімнің жалқы не жалпы екенін айтады.

«Күн мен түн"ойыны

Аяқталуы

Сабақты бекіту

5 минут

ҚБ: 2.4.2.4. Зат есімнің жалқы және жалпы түрлерін ажырату, жалқы есімнің жазылу емлесін сақтау

Тапсырма: Сөйлемдерді көшіріп жаз. Сөйлемдегі сөздердің қателіктерін тауып, жалқы есімді бір сызық пен жалпы есімді екі сызықпен тауып көрсет.

Жетісу - көркем өлке. Іле – осы өлкедегі үлкен өзен. Ол балқаш көліне құяды.

Дескриптор:

• Жалқы есімді табады.

• Жалпы есімді табады.

• Жалқы есімнің жазылу емлесін сақтайды.

Үйге тапсырма:33-жаттығу 52 бет

Қорытындылау

2 минут

Рефлексия

Бағалау : графикалық

Кері байланыс:

Бәрін жақсы түсіндім деген оқушы №1, әлі де сұрақтарым бар деген оқушы №2, ешнәрсе түсінбедім деген оқушы №3 суретті стикерлер салу арқылы сабаққа кері байланыс жасайды.

«Сөйлемді аяқта» микрофон

Мен бүгін сабақта ... білдім

Маған ... қызықты болды.

Маған сабақта қиын болды, өйткені..

Бүгінгі  сабақтан  алған  әсерін, жетістігін  айтып, өзін-өзі  бағалауға  мүмкіндік  беру.

Сабақтан алған әсерлерін стикерге жазып, қоржындарға жабыстырады.

Саралау. Оқушыларға қолдау көрсетуді қалай жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау.

Оқушылардың материалды меңгеру деңгейін қалай

тексеруді жоспарлайсыз?

Денсаулық және қауіпсіздік техникасының сақталуы

Оқушыларға жеке көмек пен қолдау көрсету

Сабақ барысында мадақтау сөздер айту арқылы бағалау.

Оқушылардың жауаптарына, іс-әрекеттеріне бақылау

жүргізіп, түртіп алу арқылы бағалау. Кері байланыс

беру арқылы бағалау.

Сергіту сәтін өткізу