Ашық сабақ "Жақсылық - жан жадыратады" 9 сынып

Сабақ мақсаты: Риясыз жақсылық жасай отырып, дұрыс  әрекет  еткенде ғана ішкі тыныштығымыз пайда болатынын  оқушыларға ұғындыру.

міндеттері:

 Оқушыларға жақсылық жасаудың адам өміріндегі мәнін ашу;

Жақсылыққа ұмтылу, ізгілік пен кісілік, қарапайымдылық қасиеттерін  дамыту;

Оқушыларды  жағымды ойлауға тәрбиелеу.

Ресурстар:

(құралдар, мәлiметтер)  слайд,
өлеңнің аудиодискісі

сабақ барысы:

Ұйымдастыру кезеңі.

5 «Т» ережесін еске түсіру:

• Тәртіп

• Талап

• Тазалық

• Татулық

• Тыныштық

Тыныштық сәті.    Нұрға бөлену

Ыңғайланып отырыңызда. Денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.Елестетіп көріңіз, күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалау ыңызды  шайып, жүрегіңіздің қауызын ашты.  Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын...
Ғаламның барлық түпкір-түпкіріне нұр бағыттаңыз. Осындай нұр, махаббат және тыныштық күйінде  отыра тұрыңыз...
Енді осы нұрды жүрегіңізге орналастырыңыз. нұрға толы бүкіл әлем  сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.

 Оқушылар өз әсерлерімен бөліседі.

 Үй тапсырмасын тексеру

Үй тапсырмасына №10 тақырыптағы         Ғ.Мүсіреповтің мәтінін үйден оқу және өз ұсыныстарын жинақтап, жақсылыққа жету  жолы туралы шағын әңгіме жазып келу.  (оқушылардың үйден орындап келген әңгімелерін тыңдап, талқылау).

Мәтін бойынша пікір алмасу сұрақтары:

1.      Дұрыс сөйлеу, жақсы сөз адамға қалай әсер етеді?

2.      Жақсы сөз айту, жақсылыққа жата ма?

Сабақ барысын талдау:

Дәйексөз

"Адамның бойындағы жақсылыққа баға беру үшін, осы қасиеттің кішкене бөлігі өзінде болуы тиіс". (Вильям Шекспир).

•  Жекелей

• Топқа бөліп

• Дәйексөзді хормен оқыту

• Дәптерге жаздырамын

• Мағынасын талдау

Әңгімелеу (Мұғалім сыйы)

Жақсылық пен жамандық туралы өсиет әңгіме
Қарт ескі досымен шай ішіп отырып:
- Бөлме ішіне мұқият зер салып, қара түсті заттарды есіңде сақта, - дейді.
Бөлме ішінде қара түсті заттар өте көп еді. Досы бұл тапсырманы еш қиындықсыз орындайды. Сонда қарт оған:
- Енді көзіңді жұмып, ақ түсті заттарды атап шық, - дейді.
Досы сасып қалып:
- Мен тек қара түсті заттарға мән бердім. Ақ түсті еш нәрсе байқамадым, - дейді.
Қарт:
- Енді көзіңді ашып, айналаңдағы ақ түсті заттарға қара. Олар сен ойлағаннан да көп, - дейді.
Бұл шындық еді. Досы қатты таңырқаған сәтте қарт сөзін жалғап:
- Бөлмеден қара түсті ғана көргенің сияқты, өмірден тек жамандықты іздей беретін болсаң, оларды міндетті түрде табасың. Сол себепті, тек жақсылыққа сен!
Сұрақтар:
1. Қария досына қандай тапсырма берді?

2. Досы неліктен қара түсті заттарды есінде сақтаы алды?

3. Өздеріңнің өмірлеріңде осындай  жағдай кездесті ме?

4. «Сен өмірге қандай көзқараспен қарасаң, өмір де саған сондай көзқараспен қарайды» дегенді қалай түсінесің?

Шығармашылық  жұмыс, топтық жұмыс.

«Жақсылық жаса, ол міндетті түрде қайтып келеді»видеоролик
Видеороликтен түйгені бойынша 3 топқа тапсырма беріледі:

1-топ жақсылық туралы мақал-мәтелдер жазу

2-топ видеодағы түйінді ойды нақыл сөзбен қорыту

3-топ «жақсылық» сөзін топтастыру әдісімен сипаттама беру

Топпен ән айту
Жақсы адамдар

                                       әні мен сөзі: А.Оралов

1. Сендер аман болыңдар, жақсы адамдар,

Жақсы адамдар – бұзылмас тас қамалдар.

Табаныңның астында жатады әлі

Пенделіктен өресі аспағандар

               Қайырмасы:

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

2.Жақсы көрем сендерді жақсы адамдар,

Жүрегіңде өйткені аппақ ар бар.

Сендер жайлы шырқалар асқақ ән бар,

Күйіп кетсін көре алмас бәтшағарлар

           Қайырмасы:

Жақсы адамдар, жақсы адамдар

Күйіп кетсін көре алмас бәтшағарлар

Жақсы адамдар, жақсы адамдар,

Күйіп кетсін көре алмас бәтшағарлар

Жақсы адамдар

3. Сендер жайлы шырқалар асқақ ән бар,

Күйіп кетсін көре алмас бәтшағарлар

Сендер аман болыңдар жақсы адамдар,

Қарап өтсін сендерге басқа жандар.

           Қайырмасы:

Жақсы адамдар, жақсы адамдар

Күйіп кетсін көре алмас бәтшағарлар

Жақсы адамдар, жақсы адамдар,

Күйіп кетсін көре алмас бәтшағарлар

Жақсы адамдар.

Үй тапсырмасы.

№11 сабақ, оқулықтың 57 бетіндегі Абайдың отыз алтыншы сөзі (үзінді) оқып, түсінігін айту.

Сабақтың қорытынды сәтi.

Балалар, бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық сол жөнінде ойланайық. Осының барлығын жүрегімізге салып, көкейімізге түйіп алайық.  Риясыз жақсылық жасай отырып, дұрыс  әрекет  еткенде ғана ішкі тыныштығымыз пайда болатынын  біліп жүрейік. Бүгінгі керемет сабақ үшін сіздерге көп рахмет!