Ашық сабақ "Жарасымды қарам-қатынас" 10 класс

Сабақ мақсаты: Сүйіспеншілік құндылығы арқылы оқушыларға жарасымды қарым қатынас адам өмірінде маңызды екенін ұғындыру.
Міндеттері:

1. Оқушыларды кішіпейілділікке үйрету.

2. Оқушылардың бойына қоғамға риясыз қызмет жасау қасиетін дамыту

3. Оқушыларды шынайы болуға тәрбиелеу.

Ресурстар:

оқулық, дәптер

(аудио,видео жазбалар)

Сабақ барысы:

1.Ұйымдастыру кезеңi: Сәлемдесу.

Оқу құралдарына назар аудару. 5Т: тәртіп, талап, тыныштық, тазалық, татулық. Алма ағашындағы алмалар түсіне байланысты топқа бөлінеді.

1-топ: Қызыл алма

2-топ: Сары алма

3-топ: Жасыл алма

2.Тыныштық сәтi.

«Күннің нұры» (5 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Сабақ барысын талдау:

Волшебная композиция Хрустальная грусть

3.Үй тапсырмасын тексеру. «Менің періштем» ойынының қорытындысы

1. Ойыннан қандай әсер алдыңыздар?

2. Сіздерге періште болған ұнады ма, әлде қорғаушы періштесі бар адам болған ұнады ма?

3. «Арамыздағы ең жұмбақ періште» кім екен?

4. «Жақсылықты құпия түрде жаса, сонда біреуге көмек көрсеткендіктің тәтті дәмін сезе аласың » - деген екен Орыстың ұлы данышпаны Лев Толстой. Біз осы ойын арқылы бұл сөздердің мағынасын түсіндік деп ойлаймын.

(Оқушыларды «Менің періштем» ойынын талдау үшін шеңбер бойына шақырамын)

4.Дәйексөз. «Өмір – теңіз, онда жүзем демеңіз

Ізгіліктен жасалмаса кемеңіз». 
Рудаки

Дәйексөздің мағынасын қалай түсінесіздер?

2-рет қыз балаларға, 2-рет ер балаларға айтқызу.

Дәптерге жазғызу.

5. Әңгімелесу.

«Қарым-қатынасты бағала» бейнебаян

Сұрақтар:

• Бейнебаянда қарым-қатынастың қандай түрі бейнеленген?

• Шынайы қарам-қатынастың ерекшелігі неде?

Жіп арқылы қарым-қатынас схемасын көрсету

Кез келген адаммен жарасымды қарым-қатынас жасау үшін адамға қандай қасиет керек? – деген сауалға жіп арқылы қарама-қарсы тұрған оқушыға бағыттап керекті қасиеттерді айтамыз.

Жіптің соңғы бөлігі келгенде: « Оқушылар назар салып қараңыздар, адамдардың арасындағы қарым-қатынас көзе көрінбейтін өте ұсақ жіппен жалғанған, егерде адамдар ренжіссе немесе ортақ тіл табыса алмай қалса, жіп үзіледі. Кешірім жасау арқылы қайтадан жіпті жалғауға болады.Дегенмен орыны дәл бұрынғыдай бола алмайды, тұйық қалып қояды »

Сұрақтар:

1. Үзілген жіпті қалай жалғауға болады?

2. Тренинг барысында қандай ой түйдіңіздер?

Мұғалімінің сыйы.

Бейнебаян көрсетіледі.

Әр топтан 2 оқушы-дан шығады.

6. Шығармашылық жұмыс.
1-топ: Қызыл алма - Жарасымды қарым-қатынас құруға кедергі жасайтын не нәрсе?

2-топ: Сары алма – Қазақ халқында үлкенді құрметтеуге байланысты қандай рәсімдері бар?

3-топ: Жасыл алма – Жарасымды қарым-қатынас құру үшін қандай қағидаларды басшылыққа алған дұрыс?

Топтық жұмыс: постер қорғау 3 -минут

7. Топпен ән айту. «Жақсы адамдар» әні

Сендер аман болыңдар жақсы адамдар,

Жақсы адамдар – бұзылмас тас қамалдар.

Табаныңның астында жатады әлі

Пенделіктен өресі аспағандар

Қайырмасы:

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

Жақсы көрем сендерді жақсы адамдар,

Жүрегіңде өйткені аппақ ар бар.

Сендер жайлы шырқалар асқақ ән бар,

Жолы болсын ақ ниет бар адамдар!

Қайырмасы:

Жақсы адамдар, жақсы адамдар

Күйіп кетсін көре алмас бәтшағарлар

Жақсы адамдар, жақсы адамдар,

Жолы болсын ақ ниет бар адамдар!

Жақсы адамдар.

Сендер жайлы шырқалар асқақ ән бар,

Жолы болсын ақ ниет бар адамдар!

Сендер аман болыңдар жақсы адамдар,

Қарап өтсін сендерге басқа жандар.

Қайырмасы:

Жақсы адамдар, жақсы адамдар

Қарап өтсін сендерге басқа жандар

Жақсы адамдар, жақсы адамдар

Қарап өтсін сендерге басқа жандар

Жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.
8. Үй тапсырмасы.
№ 22сабақ. С. Ақатай 93-96 б. оқып келіу

Аудио жазба қойылады.

Әні мен сөзі:

А. Оралов

9. Соңғы тыныштық сәті.

Ыңғайланып отырамыз . Көздеріңізді жұмуды өтінемін. Бүгінгі сабақта қалай тиімді және жарасымды қарым-қатынас құруға болатындығын меңгердік. Бүгінгі сабақта түйген ойларымызды жүрегімізде сақтайық. Қарам-қатынасқа айна секілді қараңыздар. Айнаға күліп қарасаң, ол да саған күліп қарайтыны секілді, қабақ түйсең саған да қабақ түйе қарағанындай, шынайы өмірде де өмірге сүйіспеншілік көзқараспен қарай біліңіздер.

Бүгінгі сабақ үшін сіздерге көп рахмет. Көздеріңізді ашуға болады. Сабақтан алған әсерлеріңізді өз аламаларыңызға жазып, құндылыққа толы ағашқа орналастырыңыздар.
Сау болыңыздар!

Волшебная композиция Хрустальная грусть