ашық сабақ жаратылыстану 2 сынып №8 жалпы білім беретін мектебі

САБАҚ:

Су. Ол қандай екен?

Мектеп: №8

Күні:12.12

Мұғалімнің есімі:

Сарыкулова Г.Б

СЫНЫП: 2

Қатысқандар саны: 11

Қатыспағандар: 0

Сабақ негізделген оқу

мақсаты (мақсаттары)

2.3.3.1 - судың физикалық қасиеттерін анықтау (дәмсіз, иіссіз, белгілі бір формасының болмауы, аққыштығы);

2.3.3.3 -судың табиғи көздерін анықтау

2.1.2.7 - эксперимент жүргізу

Сабақ мақсаттары

Барлық оқушылар:

• Оқулықта берілген тапсырмаларды орындайды. Тақырыпты меңгереді.

Оқушылардың басым бөлігі:

• Тақырыптың маңызы туралы дәлелдеп айтып бере алады.

Кейбір оқушылар:

• Білімді сыныптастарына түсіндіріп оқулықтан тыс ресурстар қоса алады.

Бағалау критерийі

Жеке, жұптық, топтық тапсырмаларды орындай алады.

Сабақ барысында тыңдаушының назарын өзіне аудара алады.

Ресурстар

Оқулық, суреттер, топқа бөлуге арналған кеспе қағаздар  және  әртүрлі  заттар, топтық тапсырмалар, кері байланыс, стикер.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

Музыка, қазақ тілі,тарих.

Ресурстар

Басталуы 5 минут

Ұйымдастыру кезеңі.

Амандасу

Психологиялық ахуал

Қунамын менде, қуанасың сенде.

Қуанайық достарым,арайлап атқан күнге.

Бүгінгі күніміз сәтті өтсін.

Бәріңе сәттілік тілеймін!

Топқа бөлу Топқа бөлу2 минут

Түтікшелермен топқа бөліну.Түтікшелер түрлеріне қарай 2 топқа бөлініп отырады.

1-топ «Сары кәмпиттер»

2-топ «Көк кәмпиттер»

Ортасы 20 минут

Кір жайғыш әдісі арқылы үй тапсырмасын сұрау

1.Ауа қандай?

2.Ауаның қасиеттері

3.Ауа ластануы себебтері?

4.Жердің ауа қабатын не дейміз?

5.Ауаны ұстауға болама?

6.Ауаны қандай заттарға толтыруға болады?

7.Ауа не үшін қажет?

8.Ауа таза болу үшін не істеу керек?

9. Ауа жылуды сақтай ала ма? (Иә, жылу сақтайды)

10.Ауасыз өмір сүруге болама? Неге?

11. Ауа бүкіл кеңістікті толтыра ала ма?

Жаңа сабақ

Мозайка әдісі арқылы жаңа тақырыпты ашу

Су туралы бейне таспа

Су туралы түсіндіру, Жарты шарлар картасымен жұмыс.
Картада су көк түспен белгіленген. Су жердің төрттен үш бөлігін алып жатыр. Сусыз өмір жоқ. Су тіршілік көзі. Ол сұйық зат. Өзен, көл, теңіз, мұхиттарды құрайды. Аспаннан жаңбыр түрінде түседі. Күн суытқанда су қатып мұзға айналады. Мұз бен қар – судың қатты күйі.
Дымқыл шүберекпен үстел үстін сүртсек, бірнеше минуттардан кейін ол кеуіп қалады. Оның бетіндегі су буға айналып ұшып кетеді.
Бу – мөлдір, түссіз газ. Бу – судың газ түріндегі күйі. Судың өзіне тән қасиеттері болады. Оны тәжірибе жасау арқылы анықтауға болады.

Оқушылар оқулықтағы негізгі тақырыппен танысады.

«Дария басы – бұлақ » дегенді қалай түсінесің?

Дария сөзі су, көп су дегенді білдіреді. 

Судың мөлдір екенін көрсетеді

Тау өзені сарқырап, сарқырама гүрілдеп, жылғалар сылдырлап ағады. Осының барлығы судың аққыш екенін көрсетеді.

«Әлемді шарлау» әдісі арқылы түсіндіріледі.

«Интервью» әдісі

Оқушылар өз оайларын стикерлерге жазып жабыстырады.

Сергіту сәті

2 минут

«Қыдырып қайтайық!»

би билеу

«Қыдырып қайтайық!» биі

Аяқталуы

Бағау

Кері байланыс

Мен зерттеушімін әдісі

Тәжірбелер. Топтық жұмыс

І.Ал судың иісі бар ма, иіскеп көріңдерші?

«Судың иісі жоқ»

● Балалар суды иіскеп көреді, судың иісінің жоқ екенін сезінгенше, тағы да қайталап иіскету керек.

(балалар суды иіскеп көреді)

ІІ.Судың пішіні бар ма? «Суда пішіні жоқ»

Біз қазір судың пішіні бар ма, жоқ па соны тексереміз. (тәрелкеге су құю)

Әрине жоқ, суды қай ыдысқа құйсаң ол сондай пішінді болады.

ІІІ. Судың дәмі бар ма? «Суда дәм жоқ»

Осыны да біз тексерейік, алдарында ыдысқа су құйылған. Сол суды түтікше арқылы ішіп көріңдер. (балалар суды ішіп көреді)

Енді осы суға кейбіреулерің   қант қосып көріңдер, ал басқаларың тұз қосып көріңдер. Суды ішіп көріңдер дәмі қандай болды екен? (балалардың жартысы суға қант қосады, ал басқалары тұз қосады, өздерінің сезімдері туралы айтады)

Дұрыс суға біз не қоссақ, сол заттың дәмін сеземіз, ал судың дәмі жоқ екен.

ІҮ. Судың түсі бар ма? «Су — мөлдір»

Егер де бояу қосып жіберсек, оның түсі өзгереді. Оны да тәжирибе арқылы дәлелдейік. Стакандағы суға гуашь бояуларын қосайық. (балалар суға гуашь бояуын қосып араластырады, судың түсі өзгергенін айтады)

Сонымен қатар суды мен сүтті салыстырып көрейік, су бар стақанға қасық салайық, қасық көрінеді ме? Иә көрінеді, ал сүт құйылған стақанға қасық салсақ ол көрінеді ме? Жоқ көрінбейді, сондықтан судың түсі жоқ, ол – мөлдір екен.

Балалар сонымен су – түссіз, дәмсіз, иіссіз, тұрақты пішіні жоқтабиғи ресурс.Осыны дәлелдеу үшін біз сумен тәжирибе жасап көрдік.

Сен маған, мен саған әдісі арқылы сұрақ қою.

Оқушылар зерттеген бойынша сиқырлы микрофон арқылы бір-біріне сұрақ қояды.

Топтық бағалау. Басбармақ арқылы

Топтық жұмыстар

1. Су туралы мақал мәтелдер жазу

2. Су туралы тиым сөздер

Тест

1. Судың түсі қандай?

А. Жасыл

Б. Сары

В. Түссіз

2. Судың дәмі қандай?

А. Тәтті

Б.Дәмі болмайды

В.Қышқыл

3. Сарқырап, гүрілдеп, сылдырлап ағатын суды қалай атаймыз?

А. Аққыш

Б. Иіссіз

В. Мөлдір

4. Барлық суды ішуге болама?

А. Жоқ

Б. Ия

В анда-санда болады

5. Сусыз өмір сүруге болама?

А.Ия

Б. Жоқ

Жұптармен ауыстырып тексеру.

Қорытынды:

«Ыстық доп» ойыны. 

1. Жазда қыдырады, 
Қыста тынығады. (Су)
2. Сылдыр, сылдыр етеді,
Жылғалардан өтеді. (Су)

3. Жылт-жылт еткен, жырадан өткен. (Су)

4.Дәміде жоқ, түсі жоқ, Пайдаланбас кісі жоқ.  (Су)

1 Адам тіршілігіне қажетті жағдайларды ата. 
2-Судың неше күйі бар? 
3 Судың қасиеттерін ата. 
4-Адам сусыз неше күнге шыдай алады? 
5Жер бетінің неше бөлігін су алып жатыр? 

6. Картада су қандай түспен көрсетілген?

7. Судың пішіні болама?

8. Су қандай?

9. Барлық суды ішуге болма?

10. Табиғи су көздеріне қандай сулар жатады?

Су – Жердің тіршілік көзі. Таза күйінде оның дәмі, , иісі мен түсі болмайды. Су аққыш, оның тұрақты пішіні жоқ.

Ашық журнал

Ашық журнал бағау

Кері байланыс парақша арқылы. Балық аквариумға салу

Оқушылар суретпен жұмыс жасайды

Үйге тапсырма: Мазмұндау.