Ашық сабақ "Жеміс бағында" 3 сынып

Қарағанды облысы,

Ақтоғай ауданы,

«Сарышаған кентіндегі жалпы

орта білім беретін мектеп»КММ

бастауыш сынып мұғалімі

Балпыкова Раушан Мадесовна

Ә.Табылды.«Күздің кереметі»

(әдебиеттік оқу.3-сынып.)

Мақсаттары:

1.Күзгі табиғаттың әсем көрінісін бақылата отырып, әсемдікке,сұлулыққа баулып, эстетикалық талғамын арттыру.

2.Мәнерлеп оқи білуге, жинақы,дұрыс,жүйелеп сөйлеуге жаттықтыру,сұраққа нақты, толық жауап беруге дағдыландыру.

3.Оқушылардың сөздік қорын, ой-қиялын дамыта отырып,күз байлығымен таныстыру,

табиғатты сүюге, қорғауға және еңбексүйгіштікке тәрбиелеу.

Көрнекіліктері: слайдтар,оқушылардың салған суреттері,сөзжұмбақ.

Құрал-жабдықтары: постер,маркер,оқулық,оқушы дәптерлері

Сабақтың өту барысы:

І.Ұйымдастыру кезеңі:

Психологиялық дайындық:

Алтын нұрдай тамшылап,

Жапырақтар төгілді,

Біздің өмір таң шуақ,

Біздің өмір көңілді.(слайд№3)

ІІ.Үй тапсырмасын пысықтау:

Татар жазушысы И.Базидің «Жеміс бағында» әңгімесі: (слайд№4,№5)

Мәтінді мәнерлеп оқу.(абзац бойынша мәтінді мәнерлеп жатқа айту:Нұрай,Дидар,Айзере)

«Менің қиялымдағы жеміс бағы» суреттер көрмесі.(қорғау)

ІІІ.Ой қозғау:

КЕРЕМЕТ сөзіне ассоцация құру: (әдемі,күшті,үлкен,көп,ұнайтын зат,қызық,қызығатын нәрсе т.б.)

-Күздің кереметі дегенді қалай түсінесіңдер? (слайд №6)

ІV.Мағынаны тану:

Әдібай Табылдиев 1926 жылы Жамбыл облысы,Тұрар Рысқұлов ауданында туған.Ақын, жазушы, драматург,ұстаз, педагогика ғылымдарының докторы , профессор, Қазақ КСР-і және КСРО Білім беру ісінің үздігі, ҚР Білім беру ісінің құрметті қызметкері.

Балаларға арнап 31 кітап жазған (слайд №7)

V.Топпен жұмыс:

Мәтін бойынша күз мезгіліне сипаттама беру.(слайд №8)

(сызбамен жұмыс)

КҮЗ

Байлық,молшылық ет пен май қауырт жұмыс қысқа дайындық

VІ.Дәптермен жұмыс:

Мәтіндегі көкөністер мен жемістердің аттарын теріп жазу.(слайд №9)

V

Сөзжұмбақтар шешу. (слайд №10)

VІІІ.Сергіту сәті.

«Жел»

ІХ.Сабақты бекіту:

-Мәтін қалай аталады?

-Күздің кереметтеріне не жатады екен?

-Мәтіннің негізгі ойын айтыңдаршы.

Күздің бір күні қыстың бір айын асырайды.(слайд №11,№12)

Х.Қорытынды:

Диас:Алтын, сары, қызыл, көк,
Алуан, алуан жапырақ
Күзгі бақта күлімдеп
Көз тартады атырап.

Балайым:Сап-сары күз соныменен келді ме,

Несібесін жинап жатыр ел міне,

Ағаштардан жапырақтар төгілді.

Ауыл маңы бұрынғыдан көңілді.

Аружан: Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Қуаныш: Құстар қайтты ән салып,

Бұлт торлады аспанды.

Қыс келеді жар салып,

Күзгі суық басталды.

Аян: Ұшты талдан жапырақ,

Сары көбелек секілді.

Аспанда жай шатырлап,

Тамшы жерде секірді.

Елхан: Барын беріп халыққа,

Жұмыстан соң қалжырап,

Дала ұқсайды алыпқа

Дамыл алған маужырап.

Хормен: Жемісі мол теретін
Күз-дос екен бізбенен.
Бәрін тауып беретін
Жомарт екен күз деген! (слайд №13)

ХІ.Бағалау:

Топтар бірін-бірі бағалайды.(слайд №14)

ХІІ.Үйге тапсырма:

• Мәтінді оқу,мазмұнын айту.

• Күздің кереметін әкелу.(слайд №15)