Ашық сабақ: Жемістер

Сабақтың тақырыбы: «Жемістер»

Сабақтың мақсаты: Жеміс түрлерімен таныстыру, және оларды ажырата білуді үйрету. Балалардың сөйлеу тілін дамыту, сөз қорын молайту, ой-өрісін, дүниетанымын кеңейту. Тапсырмаларды орындата отырып, есту, есте сақтау қабілеттерін арттыру. Артикуляция, тыныс алу, ұсақ моторика жаттығуларын дұрыс орындалуын қадағалау.

Әдіс-тәсілдері: Сұрақ-жауап, түсіндіру, слайд, сұрақ-жауап, жұмбақ шешу, ойын.

1.Мотивациялық кезең.

Шаттық шеңбер.

Бақшамызға барайық,

Досымызды табайық.

Сәлемет пе, міне мен,

Доспын енді сенімен.

Жарайсыңдар балалар.

Сұрақ-жауап.

1.Балалар, қазір жылдың қай мезгілі?

2.Күз мезгілінде неше ай бар?

3.Күз мезгілінің ерекшеліктерін айту.

Мимикалық жаттығулар.

Күн, /қуану/, бұлт /реніш/, найзағай /қорқыныш/

Есту, есте сақтау қабілеттері

Желдің, жапырақтың, жаңбырдың дыбыстары.

Жұмбақ

Әрі қызыл, әрі тәтті,

Жеген жанды, таңырқатты.

/алма/

Үлкендігі алмадай,

Сырты жанған қызыл от,

Ішін жарып қарасаң-

Майда-майда қызыл шоқ.

/анар/

Балалар бүгінгі тақырыбымыз жемістер туралы.

Жемістер қайда өседі?

Балалар: ағашта.

Жарайсыңдар, дұрыс айтасыңдар. Жемістердің барлығы ағашта өседі.

Қане бәріміз ағашта өсетін жемістердің түрлерін атап, сипаттап берейік.

Менің қолымда қандай жеміс?

Балалар: алма

Алманың пішіні дәмі, түсі қандай?

Балалар: дөңгелек, қызыл, тәтті.

Жарайсыңдар.

Артикуляциялық жаттығулар.

Тіл туралы ертегі.

Дидактикалық ойын: «Не жоғалды?»

Балалар, бұл ойында біздер суретте көрсетілген жемістердің барлығын атап, олардың ішінде қай суреттің жоқ екенін табуымыз керек.

Тыныс алу жаттығулары

Жемістердің иістерін иіскеу арқылы, тыныс алу жатығуларын бәріміз бірге орындайық.

Дидактикалық ойын: «Не артық?»

Бұл суретте жемістердің ішінде не артық екенін табуымыз керек.

Сергіту сәті

Саябаққа барайық,

Себеттерді алайық.

Жемістерді жинайық,

Бақшамызға қайтайық.

Балалар, қазір таяқшаны пайдалана отырып, біздер әріп құрастырамыз.

Алма, алмұрт, анар, ананас сөзінде алғашқы қандай дыбысты естіп тұрмыз?

Балалар: А дыбысы.

Ондай болса бәріміз алдымыздағы таяқшаларды пайдаланып А әрпн құрастырайық.

Дидактикалық ойын: «Көлеңкесін тап»

Балалар, бұл ойында жемістердің көлеңкесін табуымыз керек.

Жемістердің түрлерін атап олардың түстерін ажыратып, алдымыздағы фольганы умаждау арқылы, алдымыздағы түрлі-түсті стаканға ара қашықтықты сақтап лақтыруымыз керек.

Қорытындылау.

Балаларды мадақтау.