Ашық сабақ "Жемістер мен көкөністер"

Білім беру саласы: Коммуникация. Шығармашылық.

Бөлім: Сөйлеуді дамыту. Аппликация. Музыка.

Тақырыбы: Жемістер мен көкөністер

Мақсаты: Жемістер мен көкөністер туралы түсініктерін кеңейту.

Оларды ажырата білуге үйрету.

Білімділік: Жұмбақ шешу ойын ойнату арқылы оқу қызметіне деген

қызушылығын арттыру. Жемістер мен көкөністер туралы

түсініктерін кеңейту. Оларды ажырата білуге үйрету.

Балалардың жапсыру дағдыларын қалыптастыру.

Дамытушылық: Балалардың есте сақтау қабілетін дүниетанымын, ұсақ қол

моторикасын дамыту.

Тәрбиелік: Жеміс ағаштарын қорғап, оларға қамқор болуға тәрбиелеу.

Жұмысты ұқыпты, таза жасай білуге машықтандыру.

Көрнекілігі: жеміс пен көкөністердің суреттері, слайд.

Әдіс тәсілдер: түсіндіру, көрсету, жұмбақ, сұрақ-жауап, ойын.

Сөздік жұмыс: Жемістер мен көкөністер

Полебилингв.комп: Жемістер-фрукты, көкөністер-овощи, алма-яблоко,

сәбіз-морковь, орамжапырақ-капуста.

Инклюзивтік әлеумет: Баяу қозғалатын және тұйық баламен жұмыс жасау.

Бала аңғарымдылығын арттыру.

1. Кіріспе бөлім:

Шаттық шеңбер: -Армысың, Асыл күн!

Армысың, Асыл жер!

Армысың, Көк аспан!

Армысың, Жан досым!

Армысыңдар, қонақтар!

2. Негізгі бөлім: -Балалар, бүгін ерекше күн, себебі бүгінгі оқу қызметіміз өте қызықты өткілі тұр.

-Балалар мен сендерге жұмбақ жасырғым келіп отыр.

Жұмбақтар: -Өзі сары, қызыл домалақ.

Доп деп қалма сен бір ақ.

Алма.

-Жерге қазық қақтым,

Басына айдар тақтым.

Сәбіз.

-Аласа ғана бойы бар,

Қабат, қабат тоны бар.

Орамжапырақ.

-Жарайсындар балалар, жұмбақтың шешуін дұрыс таптыңдар.

-Балалар бүгін біз жемістер мен көкөністерді есімізге түсірейікші.

-Балалар жемістер қайда өседі?

-Балалар, жемістер бауда өседі. Алма, алмұрт, шие –жемістер.

-Көкөністер қайда өседі?

-Көкөністер бақшада жерде өседі.

-Көкөністерге нелер жатады?

-Орамжапырақ, картоп, сәбіз.

-Балалар, жемістер мен көкөністерді егетін, күтіп баптайтын кісіні бағбаншы дейміз.

-Балалар, жемістер мен көкөністерде дәрумендер өте көп.

-Жемістер мен көкөністерді жуып, сүртіп жеуіміз керек.

-Балалар жемістер ағаштарын сындыруға бола ма?

-Жоқ, болмайды.

-Бақшада өсіп, пісіп тұрған көкөністерді жұлып лақтыруға бола ма?

-Жоқ болмайды.

-Жарайсындар, балалар жемістер мен көкөністерге ұқыпты қарауымыз керек.

-Балалар жемістер мен көкөністерді үш тілінде қайталап айтайықшы.

Жемістер-фрукты-fruits

Көкөністер-овощи-veqetables

Алма-яблоко-apple

Сабіз-морковь-carrot

-Жарайсындар, балалар!

Д/ойын: «Бақшада ма, бауда ма?»

Шарты: Жемістер мен көкөністердің атын, түсін айту арқылы өз орнына орналастыру.

-Балалар сенберге ойын ұнады ма?

-Жарайсындар балалар!

Сергіту сәті: - Орнымыздан тұрайық,

Қолымызды жаяйық.

Құстар болып ұшайық.

Орнымызды табайық.

-Жарайсындар балалар. Орнымызға отырайық.

Д/ойын: «Кім жылдам?»

Шарты: Екі топқа бөлініп жемістер мен көкөністердің бөлігін тауып құрастыру.

Қызықтыру сәт: -Балалар бізге қонаққа қоян келді. Саламатсыз ба қоян!

Қоян: -Саламатсыңдар ма балалар.

-Қоян, сен неге көңілсізсің?

Қоян: -Анам дүкенге кетті, үйдегі тұрған сәбіздерді жеп қойма десе де мен жеп қойдым.

Анам келгенше енді қалай сәбіз тауып қоямын?

-Балалар қоянның көңілін қалай көтерсек болады?

-Балалар қоянның көңілін көтеру үшін өлең шумақтарын айтып берейік.

Сәбіз: - Өсіретін бойыңды,

Дамытатын ойыңды.

Қоянға да азықпын,

Сәбіздерміз жазықсыз.

Қызанақ: -Піскен кезде қызанақ,

Көз тартар қызыл түсімен.

Бар ма адам сүйсінбей,

Томат шырынын ішпеген.

Шалқан: -Кім білмейді шалқанды?

Талайлар маған таң қалды.

Бәріне сый боламын,

Тауып көр менен дарханды!

-Жарайсындар балалар!

-Қоян сенің көңілің көтерілді ма?

-Балалар қоян әлі көңілсіз болып тұрғой.

Онда қоянды да, шығармашылық ортаға шақырып, қоянға сәбіз

Бөліктерін құрастырып жапсырып сыйлыққа берейік.

Әдіс-тәсілдер: Балаларға желіммен сәбіз бөліктерін жапсыру тәсілін көрсетіп, түсіндіру.

Қауіпсіздік ережесімен таныстыру.

Балалардың жасаған жұмысын мақтап, мадақтап қоянға сыйлыққа береді.

3. Қорыту: Бекіту сұрақтарын қойып, оқұ қызметін қорыту.

-Бүгін біз не өттік?

-Қандай ойын ойнадық?

-Бізге қонаққа не келді?

-Қандай жұмыс жасадық?

Күтілетін нәтиже:

Біледі: Жемістер мен көкөністердің ерекшеліктерін.

Игереді: Желіммен жұмыс жасауды

Меңгерді: Бау-бақшадағы жеміс ағаштар мен көкөністерді аялауды, қамқорлықпен қарауды.