Ашық сабақ "Жиһаздар"

Сабақтың тақырыбы:Тұрмыстық жиһаздар

Абдреева Лаура Нурболатовна,

№ 3 облыстық балалар оңалту орталығы,

дефектолог-логопед, Қызылорда облысы,

Шиелі кенті

Сабақтың мақсаты :

Білімділік: балаларды үй жиһаздарымен таныстыра отырып атауын үйрету. Олардың қажеттілігін түсіндіру.

Түзете- дамытушылык: баланың ойлау жане сойлеу кабілетін дамыту. Ұсақ маторикасын дамыту.

Тәрбиелік: балаларды тазалыққа, ұқыптылыққа тәрбиелеу.

Сабақ көрнекілігі: бөлме жиһаздарының суреті, қиылған жиһаз суреттері, ойыншық жиһаздар, доп, бояйтын суреттер, жабысқақ құрастырғыштар.

Сабақ барысы:

І.Ұйымдастыру кезеңі

Арайлап таң атты

Алтын сәуле таратты

Жарық болсын жүзіміз

Жарқын болсын күніміз

Жаңа сабақ

• «Балабақшаның бөлме жиһаздары» тақырыбындамазмұнды суретпен жұмыс

Бұл ұйықтайтын бөлме. Ұйықтайтын бөлмеде төсек бар.

• Ол не үшін қажет екен? Төсек ұйықтау үшін қажет.

• Бұл ойын бөлмесі. Мұнда үстелдер, орындықтар, шкаф, сөрелер, диван бар.

• Орындықтар не үшін керек, сөрелер не үшін керек т.б. ?

• Бұл кіреберіс бөлме, мұнда орындықтармен көп шкафтар бар екен.

• Бұл шкафтар не үшін қажет?

• Бұл шкафтар киімдерді шаң тозаңнан сақтау үшін қажет.

Балалар, міне әр бөлменің өзіне тән жиһаздары болады екен.

Тіл ұстарту жаттығуы

Ел-ел-ел биік үстел,

Ек-ек-ек жатын бөлмедегі төсек,

Аф-аф-аф киім салатын шкаф,

Ан-ан-ан демалатын диван.

29.01.2019жыл

« Жиһазды құрастыр» ойыны

Ойын шарты: қиылған жиһаз суреттерін құрастыру.

«Жиһазға жылдам жет» қимыл - қозғалыс ойыны.

Бөлме ішіне жиһаздар қойылады. ( ойыншық жиһаздарда қойылады) Педагогпен бала жиһаз атауын атап, музыка әуенімен билейді. Педагог бір жиһаз атауын атағанда бала сол жиһаздың жанына жылдам бару керек.

30.01.2019жыл

«Не жоғалды ойыны?» ойыны

Стол үстіне әртүрлі жихаздар суреті қойылады. Бала көріп болған соң көзін жұмады, педагог бір суретті жасырып қояды. Бала жоғалған суретті табу қажет.

«Доп қайда жасырылған?» қимыл-қозғалыс ойыны.

Ойын шарты: бөлме ішінде допты орындықтың, партаның немесе шкафтың жанына жасырып, доптың қайда жасырылғанын балаға іздеп тапқызу қажет.

31.01.2019 жыл

* Жиһаз суреттерін бояу

Сергіту сәті

Бәрі де бар бақшада

Шкаф, үстел, тақта да

Орындықта, парта да

Заттар да көп басқа да.

• Кабинет ішіндегі баланың қалауымен таңдалған ойыншықтармен жұмыс.

01.02.2019 жыл

«Не артық? » дидактикалық ойыны

Ойын шарты: баланың алдына жиһаз суреттерін және өзге тақырыптағы бір суреттері қойылады. Бала суреттерден артық суретті тауып беру.

Құрастыру

Құрастырғыштармен үстел, орындықтар құрастыру.

Ойын. «Кім жылдам?»

Ойын шарты: балалар музыка әуенімен ортада би-билеп жүреді. Музыка тоқтаған кезде жылдам орындыққа барып отырып қалу қажет. Орындыққа отыруға үлгермей қалған бала ойыннан шығарылады.

Қорытындылау: балаларды мақтап,мадақтау.