Ашық сабақ "Жыл мезгілдері"

Сабақтың тақырыбы: Жыл мезгілдері

Абдреева Лаура Нурболатовна,

№ 3 облыстық балалар оңалту орталығы,

дефектолог-логопед, Қызылорда облысы,

Шиелі кенті

Сабақтың мақсаты:

Білімділік: балаларды жыл мезгілдерімен таныстыра отырып, әр мезгілдің өз ерекшелігін түсіндіру.

Түзете-дамытушылық: балардың ойлауын дамыта отырып, сөздік қорын молайту. Балалардың ұсақ моторикасын, қимыл-қозғалысын дамыту.

Тәрбиелік: табиғатты сүюге, аялауға, бағалауға тәрбиелеу.

Сабақтың көрнекілігі: орбиз шарлары, ойыншық балықтар, піл ойыншығы, көкөністер, жемістер, сюжетті суреттер, жабысқақ құрастырғыштар, қамыр.

Сабақ барысы. Сәлемдесу.

• Балалар бүгінгі көңіл- күйлерің қалай? Бүгінгі күнде, табиғатта керемет болып тұр иә?! Балалар қазір жылдың қай мезгілі? Жазда ауа-райы, табиғат қандай болады? Ендеше, бүгінгі сабағымызда жаз және басқа да жыл мезгілдері мен танысатын боламыз.

Жыл мезгілдерімен таныстыру

Бір жылда 4 жыл мезгілі бар екен. Олар: қыс, көктем, жаз, күз.

Жыл мезгілдерінің ішінде ең суық мезгіл ол қыс. Қыста күн суық болып, көп қар жауады, жер ақ түске оранады. Өзен-көлдерге мұз қатады. Адамдар жылы, қалың киімдерін киеді. Мысалы: қалпақ, қолғап, қалың күрте, етік. Балалар қармен ойнап, аққала жасайды, шанамен сырғанайды, шаңғы тебеді. Шыршалар жап-жасыл болып, Шырша тойында Аяз ата, ақшақар келеді.

Қыстан кейін көктем мезгілі келеді. Қарлар еріп, жерден көк шөптер шығып жер жасыл түске боялады. Ағаштар бүршік атады. Күн ұзарып, жылынады. Күзде ұшып кеткен құстар қайта оралады. Жауын көп жауып, кемпірқосақ шығады, жерден гүлдер шыға бастайды. Адамдар егін егіп, тал отырғызады. Балалар күн ұзаққа ойнап, көп уақытын далада өткізеді.көктемнен соң жаз мезгілі келеді. Жаз өте ыстық мезгіл. Жазда жерде гүлдер көбейіп, қызыл, сары көбелектер гүлді айнала ұшады. Жеміс-жидектер пісе бастайды. Балалар құммен ойнап, суға шомылады, үлкендер балық аулайды. Жаздан соң күз келеді. Күзде ағаш жапырақтары сарғайып, ағаштарда, жерде сары түске оранады. Жауын жиі жауып, адамдар жауында қолдарына қолшатыр, аяқтарына резеңке етік киеді. Жемістер мен көкөністердің барлығы піседі. Көктемде егілген астықтар пісіп, егіншілер егіндерін, астықтарын жинайды. Ауа райы суытып, құстар жылы жаққа ұшып кетеді.

• Жыл мезгілдерінің тапсырма, ойындары

«Түрлі-түсті мұздар» ойыны

Ойын шарты: орбиз шарларының ішіне балалар қолдарын салып, жасырылған заттарды табады.

26.02.2019 ж

«Жамаушы қақпақтар» ойыны

Ойын шарты: бейнеленген суреттердегі тесіктерді қақпақтармен жабу.

Сергіту сәті

Алақай – ау, алақай!

Жарқыраған жаз келді

Өлкемізге әр берді

Айналамыз жап – жасыл

Жазбен бірге ән келді.

27.02.2019 ж

«Балық аулаймыз» ойыны

Ойын шарты: судағы балықтарды қармақпен аулау.

«Дәруменді піл» ойыны

Ойын шарты: піл ішіндегі жемістермен көкөністерді алып атын атау.

Сергіту сәті

Алақай-ау балалар !

Қандай жақсы жазғы ай!

Гүлге оранды кең дала,

Келді ауылға көп торғай!

28.02.2019 ж

«Қызықты айналма» ойыны

Ойын шарты: қызықты айналманы жыл мезгілдеріне сай безендіру.

Тіл ұстарту жаттығуы

Тем-тем-тем жасыл желек көктем

Аз-аз-аз жадыраған жаз

Үз-үз-үз көкөністі күз

Ыс-ыс-ыс қарлы қыс

01.03.2019 ж

Жабысқақ құрастырғышпен жұмыс.

Тапсырма шарты: жабысқақ құрастырғыштан ағаш жасау.

Тапсырма мақсаты: балалардың түстер жайлы ұғымын қалыптастыру, ұсақ қол моторикасын дамыту.

• Қамырмен жұмыс

Тапсырма шарты: түрлі-түсті қамырды жайып, гүл бейнесін ойып жасау

Тапсырма мақсаты: балалардың түстер жайлы ұғымын қалыптастыру, ұсақ қол моторикасын дамыту.

Бекіту.

Жыл мезгілдерінің суреттерін құрастыру.

Тапсырма шарты: қиылған суреттерді құрастыру

Тапсырма мақсаты: балалардың ойлауын, есте сақтау қабілетін дамыту.

Қорытынды: балаларды мақтап, мадақтау.