Ашық сабақ "К дыбысымен таныс бол" мектепалды даярлық топ

Сабақтың тақырыбы: К к дыбысы мен әрпі
Сабақтың мақсаты: К дыбысымен таныстыру. К дыбысына тіл ұстарта отырып сөз құрату, буын ішінде бекіту, дыбыстық талдау жасау.
Дидактикалық материалдар арқылы балалардың есте сақтау, ойлау қабілеттерін дамыту. Балаларды К дыбысы бар сөз, сөйлем ойлауға үйрету. Таза қазақ тілінде сөйлеуге,байланыстырып сөйлеуге, түзу отыруға тәрбиелеу.
Әдіс - тәсілдері: әңгімелеу, көрнекілік, ойын, сұрақ - жауап.
Көрнекіліктері: к дыбысының баспа түрі, текшелер, кеспе әріптер, слайд
Ұйымдастыру іс- әрекетінің барысы:
1. Ұйымдастыру кезеңі.

Топқа бөлу ( шарлардың түсі арқылы топқа бөлінеді)

Алтын ереже:

• Сабаққа белсенді қатысу

• тыныштық сақтау

• Бірін- бірі тыңдау

• Ойын ашық айту

• Бір- бірін сынамау

• Ынтымақтастық

2. Өткен сабаққа шолу.

1. «Миға шабуыл» стратегиясы.

-Дыбыс деген не?/естиміз,айтамыз/

-Әріп дегеніміз не?/көреміз,жазамыз,айтамыз/

-Дыбыс нешеге бөлінеді?/дауысты,дауыссыз/

-Дауысты дыбыстар қалай айтылады?/созылып/

-Дауыссыз дыбыстар қалай айтылады?/қысқа/

− Бәрекелді! Ал енді балалар, біз өткен ұйымдастырылған оқу -іс әрекетімізде қай әріпті өткен едік? Естеріңде бар ма?
− Дұрыс, Ее әрпі мен дыбысын өткенбіз. Қанеки« Сөз ойла ,тез ойла» ойыны

Е дыбыс кездесетін сөздерді айтайық.

- Емен, ешкі, есік, екі, есен, еркін, есек, елік, емші т. б.
- Еркін емен ағашын отырғызды.
− Ее қандай дыбыс?
− Дұрыс, дауысты. Неге дауысты?
− Өкпеден шыққан ауа іштен еркін шығады.
− Ее әрпі сөздің қай жерлерінде кездеседі?
− Сөздің басында, ортасында және соңында
(балаларға жекелеп буын құратып айтқызамын мысалы: де, бе, ең, ер, ре т. б.)
- Мінекей, балалар, біз қанша әріпті білеміз. Осы буындармен сөз құрай аламыз.

3. Жаңа сабақ «Не артық?» ойыны арқылы жаңа сабақты бастаймыз.

-Балалар, қазір қандай мезгіл?

-Күз мезгілі.

-Күз мезгілінде нелер піседі?

-Жемістер, көкөністер.

-Мына қағазда суреттер көрсетілген. Осы суреттерден артық суреттерді табамыз да, сызып тастаймыз .

Шие, алма, өрік, жүзім, алмұрт, көбелек, кеме, күшік , кілем суреттері.

Яғни, суреттердің арасында мына суреттер артық болып шығады: көбелек, кеме, күшік, кілем

Осы суреттердің атын атаймыз.

-Осы сөздерде сөз басында қандай дыбыс естіліп тұр?

-К - дыбысы.

-Ендеше бүгін біздің танысатын дыбысымыз –К дыбысы.

-К – к- к-к - бірнеше рет дауыстап хормен айту.

-Дыбыс кедергіге ұшырап тұр. Сондықтан ол дауыссыз қатаң дыбыс.

Ия дұрыс айтасыңдар Кк дыбысынан басталып тұр. Бүгін біз осы К дыбысымен танысамыз. Кк дыбысы қатаң дауыссыз дыбыс.

4. Әр топқа суретті карточкалар таратылады. Сол суретте бейнеленген суретті атайды және жазады.

-Міне балалар осы суреттегі заттар қандай дыбыстан басталып тұр екен.

Күшік, күрек, көбелек және кірпі

5. Сергіту сәті

6. Оқулықпен жұмыс.

1. К әрпінің жазба түрімен таныстыру. Ауада жазу

2. К әрпінің жазылу әдісімен таныстыру.

Жазу дәптеріндегі К әрпінің жазба түрін жазып үйренеміз!

7. Тіл ұстарту жаттығуы. «Жалғасын тап» ойыны.

Кі-кі – кі

Бұлаңдайды түлкі. Ек-ек-ек

Гүлге қонар көбелек.

Ек – ек – ек

Жер қазатын күрек.

8. «Ойлан тап» жұмбақ шешеу.

Жұп-жұмыр жаны бар

Инеден тоны бар

Түйреген түрпі

Бұл не? (кірпі)

2.Таңмен төзін ашады,

Әлемге нұрын шашады. (күн)

3. Гүл ұшып гүлге қонады,

Гүл-бақшам гүлге толады. (көбелек)

4. Қабат-қабат қаттама,

Ақылың болса аттама. (кітап)

-Кірпі,күн,көбелек, кітап сөздерінде бірінші қай дыбыс естіледі?Кдыбысы қай жерде келіп тұр?

9. Тақтамен жұмыс. ( әр топтан бір баладан шығып, тақтаға сөздер жазады.)

Ана, ата, сан, тас.

10.Сабақты қорыту, бекіту.

-Қай дыбыспен таныстық?

-Қандай дыбыс?

-К дыбысы сөздердің қай жерлерінде жазылады. Сөздің басында, ортасында, аяғында. К дыбысы кездесетін сөздер айту.

11. Бағалау. «Бас бармақ » тәсілі

Сабақ аяқталды.