Ашық сабақ "Келе бер көктем " даярлық сынып

Авторы:Дюсембаева Лиза Турганалиевна

Ақтөбе облысы, Ақтөбе қаласы Заречный мектеп балабақша кешені МАД тобының жетекшісі

Даярлық сынып көркем әдебиет сабағы

Оқу қызметінің тақырыбы: Келе бер,көктем.

Оқу қызметінің мақсаты: Көктем мезгілінде болатын өзгерістер жайлы балаларға түсіндіру.Табиғаттағы құбылыстарды бақылай отырып,сүйіспеншілікке,табиғатты аялауға тәрбиелеу.

Сөздік жұмыс: Шуақты,жер көйлегі.

Әдіс-тәсілдер: Сұрақ-жауап,әңгімелеу,көрсету.

Оқу қызметінің көрнекіліктері: Көктем мезгілінің суреттері.

Оқу қызметінің барысы:

Ұйымдастыру кезеңі.

Бастаушы:Күн,Күн сен неге күлімдейсің?

Балалар:Көктем келді

-Жаңбыр,жаңбыр,сен неге сыртылдайсың? (Жауынның жауған дыбысы)

-Көктем келді.

Бұлақ,бұлақ,сен неге сылдырлайсың ? (Судың дыбысы)

-Көктем келді.

-Көктем ,құстар,сендер неге сайрайсыңдар?(Құстардың дауысы)

-Көктем келді.

Балалар бір біріне: «Досым,біз де күлімдейікші»,-деседі,

Педагог:

-Көктем мезгілі неше айдан тұрады?

Көктем мезгілінде қандай өзгерістер болады?

-Көктем мезгілінде ең алғаш өсетін гүлді ата

Дәптермен жұмыс: Н.Мұқатовтың көктем мезгіліне арналған өлеңін жаттау.

Күншуақты кез келді,

Көп көрніс көзде енді.

Желге сіңіп қалың қар,

Жер көйлегі өзгерді.

Педагог:

-Көктемде қандай өзгерістер болады?

-Қар еріп,қайда сіңеді?

-Жер қандай түске өзгереді?

-Жерде не өседі?

Балалардың жауаптары тыңдалады.

Тыныштық сәті: Баяу әуенмен балалар көздерін жұмып,терең тыныс алады.Жасыл желек жамылған шөптерді ,бүршік атқан ағаштарды,сайраған құстарды,гүлге қонған көбелектерді көз алдарына елестетеді.Гүлдердің иісі қандай әдемі!Иіскейді .Терең тыныс алады.

Дидактикалық ойын: «Гүлдер»

Ойын шарты: Тақтаға гүлдердің суреті ілінеді.Балалар көздерін жұмады,көздерін ашқанда гүлдердің біреуі жоқ болады.Қай гүлдің жоқ екенін табу.

Сергіту сәті:

Шаршағанда ырғалып,

Гүлге ұқсап демалам.

Қанатымды бір қағып,

Гүлдей болып жай қалам (қимылмен көрсету)

Дәптермен жұмыс: «Көктемгі еңбек» суреті бойынша әңгіме құрастыру

Жұмбақтың шешуін тап

Күн ұзарып қар еріп,

Су сайларға толады,

Бөбектерім, айтыңдаршы

Бұл қай кезде болады? (Көктемде)

Қорытынды:

• Көктем мезгілі несімен ерекшеленеді?

• Ауа-райын бақыла

• Ағаштар қалай өзгереді?

• Көктем мезгіліне арналған өлеңдер айтындар