Ашық сабақ "Көкөністер"

Сабақтың тақырыбы: Көкөністер

Нұралы Лаззат Қонақбайқызы,

Қызылорда облысы, Шиелі кенті,

№ 3 Облыстық балалар оңалту

орталығының психологы

Сабақтың мақсаты:

Білімділік: көкөністер жайлы түсінік бере отырып, олардың түрлерімен таныстыру.

Түзете-дамытушылық: ойлау, есте сақтау қабілеттерін дамыту, сөздік қорын молайту .

Тәрбиелілік : әдептілікке, мәдениеттілікке тәрбиелеу, адамгершілік қарым-қатынасқа баулу .

Көрнекілігі: дидактикалық карточкалар, түрлі-түсті жұмсақ қамырлар, көкөністердің муляждары,жабысқақ құрастырғыштар, ғажайып қоржын, «Капитошка» доптары,кинетикалық құмдар .

Ұйымдастыру кезеңі:

Қуан шаттан,

Қуан шаттан,

Қуанатын күн бүгін.

Қайырлы таң,

Қайырлы күн,

Күліп шықты күн бүгін.

Сабақ барысы

Балалар бүгін біз көкөністермен танысамыз .Бұл –қияр. Қиярдың түсі - жасыл, пішіні- сопақ. Қиярды түрлі салат жасауға пайдаланады. Онда адам ағзасына пайдалы дәрумен көп. Бұл- сәбіз. Сәбіздің түсі -қызғылт сары. Дәмі тәтті. Сәбізді салат, тамақ жасауда пайдаланады. Сәбізде дәруменге бай. Ал бұл- қызанақ . Қызанақтың түсі қызыл,пішіні дөңгелек. Қызанақты тамаққа, салатқа пайдаланады. Картоп. Картоптың түсі қоңыр. Картоптан тамақ жасайды, картоп тамағы дәмді болады. Қырыққабат. Қырыққабат дәруменге бай көкөніс. Оны салатқа , тамаққа пайдаланады.

• «Көкөністердін жартысын тап» ойыны

Ойынның шарты: қиылған көкөністердін суреттерінің бөлігін тауып, құрастыру .

Ойынның мақсаты : балалардың есте сақтау, ойлау қабілетін арттыру.

Сергіту сәті

Шаршасаңдар балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерiң шынықсын,

Саналарың тынықсын.

• Тақырыпқа сай сюжетті суреттермен жұмыс.

«Көкөністер жасайық» ойыны

Ойынның шарты: түрлі-түсті жұмсақ қамырлардан көкөністер жасау.

Ойынның мақсаты : балалардың ұсақ қол маторикасын дамыту және сенсорлық танымын арттыру .

Тіл ұстарту жатығуы

Яр –яр-яр жасыл түсті қияр

Ақ –ақ-ақ дөп-дөңгелек қызанақ

Із –із-із қазып алдық сәбіз

Оп–оп–оп қуырып жедік картоп

• Жабысқақ құрастырғыштармен көкөністер жасау

« Ғажайып қоржын » ойыны

Ойын шарты: Балалар қоржын ішіндегі көкөністерді сыртынан ұстап көру арқылы ішінде қандай көкөністер бар екенін табады.

Ойынның мақсаты: балалардың сезу мушесін және ойлау қабілетін дамыту

Сергіту сәті

Оңға, оңға түзу тұр,

Солға, солға түзу тұр.

Артқа қарай бір адым

Алға қарай бір адым

Жоғары төмен қарайық

Орнымызды табайық

• «Капитошка» әдісімен жұмыс жасау

«Дүкенге саяхат»ойыны

Ойынның шарты: дүкендегі шашылған жемістер мен көкеністерді бөлек себеттерге салу .

Ойынның мақсаты: балалардың есте сақтау, ойлау қабілетін арттыру

Тақпақ жаттау

Көкөністер бәрі де,

Денсаулыққа пайдалы

Мұны жатқа біліңдер,

Оларды жақсы көріндер!

• Тақырыпқа сай сурет бояу

Құммен жұмыс

Тапсырманың шарты: берілген қалыптарды құммен толтырып , әр түрлі бейне жасау

Тапсырманың мақсаты : балалардың ұсақ қол маторикасын дамыту.

Сергіту сәті

Мынау менің жүрегім,

Бәрі осыдан басталған.

Мынау – басым ақылды,

Бәрін осы басқарған.

Мынау менің – оң қолым,

Мынау – менің сол қолым,

Барлық істі атқарған.

• «Көкөністер салаты» қимыл-қозғалыс ойыны

Ойын шарты: көкөністер балаларға таратылып беріледі. Педагог бір көкөністі атағанда қолында сол көкөнісі бар балалар бір-бірімен орнын алмастырады.

Ойынның мақсаты:балаларды шапшаңдыққа тәрбиелеу

Қорытындылау : балаларды мақтап , мадақтау