Сабақтың тақырыбы:Ғажайып сандар.1-ден 5-ке дейінгі сандар.

Сабақтың мақсаты: баланың өткен сабақтардан алған білімін пысықтап, қайталауға арналған есептер шығару.Алған білімдерін бекіту.

Білімділік: 1-ден 5-ке дейінгі сандарды тура және кері санауды пысықтау.Есту барысында сандарды ажырата білуге жаттықтыру.

Түзете-дамытушылық: баланың ой-өрісін дамыту, тапсырмалар арқылы ойлау қабілетін дамыту.

Тәрбиелік: баланы тапқырлыққа, жылдам ойлауға, білімділікке тәрбиелеу.

Сабақтың типі:өткен сабақты қайталау.

Сабақтың түрі: жеке.

Сабақтың әдісі: түсіндіру, сұрақ-жауап, тапсырмалар,санамақ.

Көрнекіліктер: 1-5ке дейінгі сандар бейнеленген картчкалар, мазмұнды суреттер.

Сабақтың барысы:

1.Ұйымдастыру кезеңі:

- Сәлеметсіңбе?

- Жағдайың қалай?

-Бүгін бізде ерекше күн,себебі бізге қонақтар келді,қане амандасайық!

-Сәлеметсіздерме!!!!

- Қазір жылдың қай мезгілі?

- Қыс мезгілінде ауа райы қандай болады?

-Қыс мезгілінде неше ай бар?

-Қыс мезгілінің қазір қай айы?

-Қыc мезгілінен соң қай мезгіл келеді?

Үйге қандай тапсырма берілген едім?
1,2,3,4,5 сандарын дәптерге жазып келу және санап келу!

-Қане санайықшы!

-1,2,3,4,5

-Жарайсың!

Ұсақ қол моторикасына жаттығу:

ІІ.Жаңа сабақ:

Бас бармағым-атам,

Балан үйрек-әжем.

Ортан терек –әкем,

Шылдыр шүмек-анам,

Кішкентай бөбек-мен.

«Мақта қыз бен мысық» ертегісі:

Мақта қыз бен мысық дос болыпты.Мақта қыз үй жинап жүріп, бір мейіз тауып алады да мысықты шақырады. Мысық келмейді.Мақта қыз:

-Келмесең келме!-деп мейізді өзі жеп қояды. Жеп болған соң мысық келіп:

-Неге шақырдың?–деп сұрайды. Мақта қыз айтпайды. Сонан соң мысық:

-Ендеше қатығыңды төгемін!-дейді.

Мақта қыз: Мен құйрығыңды кесіп аламын!-дейді.Мысық қатықты төгеді, Мақта қыз мысықтың құйрығын жұлып алады.

Мысық:

-Апа, апа құйрығымды берші- дейді.

Мақта қыз:

-Құйрығыңды алатын болсаң маған қатығымды алып кел- дейді.

Біз мысықтың құйрығын алуға көмектесемізба?

-Иә!

-Бірінші бір уыс тары алу үшін тышқанға барайық!

-Тышқан бізге тары бересіңбе?

-Жарайды,бірақ мен cаған тапсырма беремін сол тапсырманы орындасаң саған тары беремін!

-Жарайды!

1.Тышқанның тапсырмасы:

Қайталау:

1.1-5-ке дейін тура санау.

2.1-5-ке дейін кері санау.

3.1-5-ке дейін сандарды санамақпен санау.

-Жарайсың,біз тышқанның тапсырмасын орындадық!Енді жұмыртқа алу үшін тауықтың тапсырмасын орындайық!

2.Тауықтың тапсырмасы: «Сандарды сурет бойынша орналастыр»

Аю-1,машина-2,кеме-3,доп-4,пирамида-5.

-Жарайсың,біз тауықтың тапсырмасын орындадық!Енді сағыз алу үшін дүкеншінің тапсырмасын орындайық!

3.Дүкеншінің тапсырмасы: «Тез ойлап тап!»

Есеп:

1.Менде 4 жұмыртқа болды,біреуін жарып алдым.Менде неше жұмыртқа болды?

2.Ермек дүкеннен 5 алма сатып алды,жолда біреуін жеді,Ермекте неше алма қалды?

-Жарайсың,біз дүкеншінің тапсырмасын орындадық!Енді су алу үшін қыздардың тапсырмасын орындайық!

4.Қыздардың тапсырмасы:

-Балақай сен тышқанның,тауықтың,дүкеншінің,тапсырмаларын орындап шаршадың ба?

-Кел екеуміз сергіту сәтін жасайық!

Сергіту сәтін өткізу: «Көңіл күй»

-Жарайсың,саған қыздардың тапсырмасы ұнадыма?Енді жапырақ алу үшін ағаштың тапсырмасын орындайық!

5. Ағаштың тапсырмасы:

«Қай жемісті таңдайсың?» дидактикалық ойыны: педегог балаға жемістердің суретін көрсетеді, суреттің артында есептер болады соны бала шығару керек.

Алма Банан Алмұрт Жүзім

1+1=2 2+1 =3 5-1=4 4-1=3

-Жарайсың,біз ағаштың тапсырмасын орындадық!Енді қатық алу үшін сиырдың тапсырмасын орындайық!

6.Сиырдың тапсырмасы. «Санды боя!»

-Мына суретте қандай сан бейнеленген?

-5 саны!

-Жарайсың!Осы 5 санын қызыл түске бояйық!

-Жарайсың біз тышқанның тапсырмасын орындап тары алдық,тауықтың тапсырмасын орындап жұмыртқа алдық,дүкеншінің тапсырмасын орындап сағыз алдық,қыздардың тапсырмасын орындап су алдық,ағаштың тапсырмасын орындап жапырақ алдық,сиырдың тапсырмасын орындап қатық алдық!

-Енді қатықты мысыққа берейік!Мысық қатықты алып Мақта қызға беріп,өзінің құйрығын алсын!

-Мысық саған үлкен рахмет-дейді!

 III. Сабақты қорытындылау:

-Бүгінгі сабақ ұнады ма?

-Саған қай тапсырма ұнады?

-Қай тапсырманы орындауда қиналдың?

-Бүгінгі сабаққа жақсы қатысқаның үшін жарайсың!

IV.Үйге тапсырма беру:

Логикалық есеп шығарып келу!

V.Қорытынды: Баланы мадақтау, мақтау, бағалау.