Білім беру саласы:Шығармашылық

ҰОҚ: Сурет салу.

Тақырыбы: «Күннің шуағы»

Мақсаты: балалрға қағаз бетіне сары түстен күннің шуағын алақан мен саусақтар көмегімен күн бейнесін салу әдісін үйрету;саусақ бұлшық еттерін және қимыл-қозғалыстарын жетілдіру;бояумен ұқыпты жұмыс жасауға тәрбиелеу.

Қолданылатын көрнекі құралдар: күн сәулесі салынған үлгі сурет.

Қажетті құрал- жабдықтар:  қағаз,сары түсті гуашь,су қол сүрткіштер. 

Балалар топқа кіріп жартылай шеңберге тұрады

Тәрбиеші:Балалар, бүгінгі күн керемет болып басталғалы тұр. Біздің топқа көптеген қонақтар келіпті, қанекей, бәріміз қонақтармен амандасайық.

Арайлап таң атты,

Алтын сәуле таратты.

Жарқырайды күніміз.

Жарқырайды нұрымыз

Қайырлы таң күніміз

Сәлеметсіздер ме!

-Балалар, көңіл күйіміз қалай?(тамаша)

Жақсы көніл күйімізбен ашық оқу қызметімізді бастайық.

Бүгінгі ашық оқу қызметіміздің тақырыбы: «Күннің шуағы» күннің шуағын қағаз бетіне алақанымызбен тусіреміз.

-Балалар қазыр кай мезгіл? (Қыс мезгілі)

-Қыс мезгілінде неше ай бар? (үш ай бар)

- үш айды қалай айтамыз? (Желтоқсан,Қаңтар,Ақпан)

-Ал енді балалар жұмбақ шешкілерің келеме?

Жұмбақ:

Ақ сандығым ашылды,

Ішінен жібек шашылды?

Ол не,балалар?(Күн)

Тәрбиеші: Балалар күніміз аспанда таңмен оянады. Оның түсі сары болады, ал пішіні дөңгелек.допқа, шарға ұқсайды екен. Ол бізге өзінің жылуын, жарығын береді. (бейнебаянан түсіндіру)

Ғажайып сәт: Күннің кіруі музыкамен

Күн: Сәлеметсіңдер ме балалар. Сендерді көргеніме қуаныштымын. Бүгінгі күндерің қалай өтті? Сендер не туралы біліп жатырсыңдар?

Тәрбиеші: Күн сәлеметсің бе? Қош келдің біздің топқа. Балалар біз күнге арнап тақпақ айтып берейік.

Тақпақтар:

Күннің шұғыласы

Қане жыбырлашы.

Ары – бері жүгірші,

Бізді енді күлдірші. Ясмин

Күн күлімдеп қарады,

Бәрекелді, жарады.

Серуенге шақырып,

Пайдалы деп санайды. Айзере

Күн: -Балалар менің сәулемді бұлт басып нұрымды шашалмай тұрмын.Маған көмектесесіңдер ме?

Балалар:Ия Көмектесеміз

Күн: Балалар онда көңілімізді бір көтеріп ойын ойнап жіберейік. Ойынымның аты:

Қимылды ойын: Күн мен Жаңбыр

Мақсаты: балаларды табиғат құбылыстарын сезінуге үйрету.

Ойын шарты: ойынды бастаушы Күн деп айтқан кезде балалар жүгіріп билейді, ал Жаңбыр жауған кезде балалар қолшатырдың астына тығылады.

Күн: Рахмет балалар.

Тәрбиеші: Балалар біз күнімізге әдемі сурет салып берейік.

-Балалар қағаз бетіне сары түсті бояуға алақанымызды малып күннің шуағын бастырып саламыз.

(үлгі сурет бойынша балаларға сурет салу ретін көрсете, түсіндіру)

-Балалар мына ыдыстағы сары бояу құйылып тұрған губканың үстіне оң қолымыздың алақанымен қаттырақ басып,саусақтарымыздың ортасын ашып алақанымызды ақ қағазда дайын тұрған сары дөнгелеке ұқыпты қойып, алақанымыздың ізін түсіреміз.осылайша күннің шуағын саламыз.

Тәрбиеші: Күн саған суретіміз ұнады ма?

Күн: Ұнады рахмет. Жарайсыңдар балалар

Балалар суретімізді салып балсақ саусақтарымызды бір сергітіп алайық.

Саусақ жаттығуы: Отбасы туралы.

Бас бармағым – Атам

Балан үйрек – Әжем

Ортан түйрек – Әкем

Шылдыр шүмек – Анам

Кішкене бөбек – мен

Біз үйде нешеуміз?

Біз үйде – бесеуміз.

-Жарайыңдар балалар.

Тәрбиеші: балалар қанекей бәріміз дидактикалық ойын ойнайық.

Д\Ойын: Күн мен бұлт (қиынды)

Мақсаты:Балаларды бөлшектерден бүтін бір зат құрастыруға үйрету.

Ойын шарты: балаларға күн мен бұлттың қиынды суреттері беріледі. Сол қиындыларды құрастыра отырып бір бүтін сурет құрастыру керек.

Тәрбиеші: Балалар біз күнімізге әнімізді арнайық.

Ән: «Әрқашан күн сөнбесін»

Күн: Рахмет балалар. Мен сендердің көмектеріңмен сәулемді шашып, жылулығымды беремін. Сау болыңдар!! (шығып кетеді айналып)

Қорытынды:

Тәрбиеші: Жарайсыңдар, балалар!

-Бүгін бізге қонаққа кім келді?(Күн)

-Балалар біз бүгін ненің суретін салдық?(Күннің шуағын)

-Балалар күн қай жерде тұрады? (аспанда)

-Күннің пішіні қандай? (дөңгелек)

-ол неге ұқсайды? (допқа, шарға)

-Түсі қандай? (сары)

-Күн бізге не береді ?(Жарық, жылу)

-Жарайсыңдар балалар!

Мадақтау:

Балалар бүгінгі ашық оқу қызыметі сендерге ұнады деп ойлаймын. Бәрің жақсы қатыстыңдар. Осымен бүгінгі сабағымыз аяқталды. Әрқашан күніміз ашық болсын.Қонақтармен қоштасайық.Сау болыңыздар!!!