Ашық сабақ "Мамандықтың бәрі жақсы"

Авторы: Құмарова Айғаным Саматқызы

Шығыс Қазақстан Облысы, Өскемен қаласы №5 орта мектебі КММ "Радуга" шағын орталығы тәрбиешісі

Білім беру саласы: Коммуникация

Ұйымдастырылған оқу қызметі: Сөйлеуді дамыту

Тақырыбы: «Мамандықтың бәрі жақсы»
Мақсаты: Ересетермен және балалармен еркін қарым– қатынас жасау дағдыларын қалыптастыру , орыс тілін және басқа тілдерді үрету, көркем әдебиетке қызығушылыққа баулу; балалардың шығармашылық белсенділігін және бастамашылдық танытуын дамыту.

Білімділік міндеті: Балалардың әртүрлі мамандықтар туралы білімдерін толықтыру. Жұмыстың мазмұнымен, мағынасымен айырықшаланатын мамандық әлемінің түрлілігі туралы түсінік қалыптастыру.

Дамытушылық міндеті: Балалардың ойлау қабілеттерін дамыта отырып, болашақ мамандыққа байланысты ұғымын тереңдетіп, қызығушылықтарын арттыру, еңбекке деген қызығушылықтарын ояту.

Тәрбиелік міндеті: Балаларға мамандықтардың пайдалы жақтарын айта отырып, олардың бәрі адам мүддесі, қоғам мен халыққа қызмет етуші екендігін түсіндіріп, жалпы мамандыққа және оны игеріп ел игілігі үшін еңбек етіп жүрген маман адамдарға деген құрметтеу, ардақтау және мақтаныш ете білу сезіміне тәрбиелеу.
Көрнекіліктер:

Мамандық иелерінің суреттері,интерактивтік тақта, ойынға қажет құралдар.

Тілдің үш тұғырлығы: дәрігер-врач-doctor, шаштараз-парихмакер-hairdresser, мұғалім-учитель-teacher, аспазшы – повар – cook.

I Мотивациялық -қозғаушылық

Балалармен үш тілде амандасу.

Сәлеметсіз бе!

Здравствуйте!

Goodafternoon!

Жылулық шеңбері.

Енді балалар бір – бірімізге қарама – қарсы тұрып, бір – бірімізге қуаныш сыйлайықшы.

Үлкенге де Сіз

Кішіге де Сіз

Құрметпенен сіздерге

Бас иеміз біз.(Бас иеді).

Қуанамын мен де,

Қуанасың сен де .

Қуанайық достарым ,

Арайлап атқан күнге.

II Ұйымдастыру іздестіру

-Балалар барлығымыз әдемі болып өсу үшін әдемі отырып, арқамызды тік ұстап әдемі отырайық.Балалар бүгінгі сабағымыз өте ерекше болмақ.Сендерге жұмбақ жасырғым келіп тұр.Жұмбақ шешемізбе? Мұқият тыңдандар.

Жұмбақтар:     
Мектептің жүрегі,
 Білімнің тірегі. (Мұғалім)
Сауықтырар сырқатты,
Жылы үнмен тіл қатты. (Дәрігер)
Өскен шашты жаратпайтын,

Қайшысы бар жалақтайтын. (Шаштаразшы)
Қалпағы ақ қарасаң,

Дәрiгер емес, бiрақ ол.

Дәм мәзiрiн қаласаң,

Алға ұсынып тұрады ол.  (Аспаз)

Шаштараз – бұл мамандық иесі адамдардың шашын қиып сәнін келтіреді.

Дәрігер – ақ қалатты абзал жан, адам баласының арашасы емдейді шипасын тигізеді.

Мұғалім – әріп үйретіп, білім нәрімен сусындататын абзал адам.

Аспазшы – дәмді тағам пісіретін(маман иесі).

Осы кезде мамандық иелері екені айтылып, мамандықтар туралы әңгіме жүргізіледі. (слайд) 

Тапсырмамен жұмыс

«Карусель»

Мақсаты: Балаларды әр мамандық иесіне байланысты бейнеленген суреттер арқылы сөйлем құрауға және өз беттерімен жауап беруге үйрету.

Шарты: Ортада карусель айналып тұрады.Карусельдің тілі қай мамандық иесіне тоқтайды, сол мамандық туралы суреттерді өзара байланыстыру арқылы сөйлем құрастырып айту.

Ойын:«Дұрыспа?Бұрыспа?»

Мақсаты: Балалардың ойлау қабілеттерің, сұрақтарға толығымен жауап қайтаруға үйрету.

Шарты:Сөйлемдердің дұрыс ,не бұрыс екенін тауып айтады.

Сергіту сәті:

Міне, мынау - сол қол,

Міне, мынау - оң қол.

Шапалақты соғайық,

Тоқылдатып билейік.

Міне, мынау – сол аяқ,

Міне, мынау – оң аяқ.

Топ-топ-топ-топ басайық,

Жаттығуды жасайық.

Хлоп-хлоп- хлопаю,

Топ- топ- топаю.

Это – левая рука.

Хлоп-хлоп-хлопаю,

Топ-топ-топаю.

Это левая нога,

Это правая нога.

«Сиқырлы қорапша»

Ойын мақсаты: Сөздердің неше буыннан тұратының анықтайды және заттың атын дұрыс атап, бастапқы дыбысын дауысты немесе дауыссыз екенің анықтау.

Шарты:Балалар көзін жұмып қорапшадан зат алады.Заттын атын атап,талдау жасайды.

«Кімге не керек?»

Мақсаты: Әр маманның өзінің құралдарын ажыратып, меңгерту.

Шарты:Мамандық иелерінің құралдарын тауып сызықшамен көрсету.

 III-Рефлексивті түзетушілік

-Балалар осындай әр түрлі мамандық иесі болу үшін алдымен білім алып, көп нәрсені үйрену керек.

Балалар сендер үйден кім болатындарынды ойланып келіңдер. Ертең сабағымызды жалғастырамыз.

-Сонымен балалар, мамандық иесі болу үшін қандай болуымыз керек екен ?

Балаларға сабақ ұнаса жаксы деген стаканға салады шоколад тиындарын, егер ұнатпаса унамады, қиын болды деген стаканға салады.