Ашық сабақ: Мамандықтың бәрі жақсы

Сабақтың тақырыбы: «Мамандықтың бәрі жақсы»

Сабақтың мақсаты:

Білімділік: Балалардың әр түрлі мамандықтар туралы білімдерін толықтыру, әр түрлі мамандықтар иесімен таныстыру.

Тәрбиелік: Балалардың ғылыми дүние танымын, адамгершілік қасиетін, көзқарасын, өз - өзіне сенімділігін қадағалау.

Дамытушылық: Балалардың танымдық қызметін, шығармашылық қабілетін, жігерін, көңіл - күйін, тілі мен ынтасын, қиялы мен қабылдау, ойлау қабілеттерін дамыту.

Көрнекі құралдар: Слайд, суреттер, мамандықтарға қатысты құралдар т.б.

Сабақ барысы

І. Ұйымдастыру кезеңі: Балалармен сәлемдесу. Сабаққа дайындықты көріп шығу.

ІІ. Психологиялық дайындық.

Тәуелсіз жаңа заманда,

Сұраныс көп маманға.

Нағыз маман пайдалы,

Мемлекет, қоғам, адамға.

• Балалар сендер қандай мамандық түрлерін білесіңдер?

• Ата аналарың қандай мамандық иелері? Соларды атап беріңдерші?

ІІІ. Жаңа сабақ

Еңбек етсең ерінбей,

Абыройыңды асырған.

Бірақ өзі көрінбей,

Бізден бойын жасырған.(Мамандық)

Балалар тыңдайықшы есікті біреу қағатын сияқты?

(есік қағып қоян кіреді)

• Қоян сізге не болды?

• Мен балаларыма дүкеннен сыйлықтар алып келе жатыр едім, мені машина қағып кетті.

• Балалар қоянға қалай көмектесеміз?

• Қоянды кім емдеп жазады? (дәрігер)

• Балалар қоянның сендерге әкелген тапсырмасы бар екен. Қоянның көніл күйі жақсы болу үшін тапсырмасын орындайық.

• Ал бірінші тапсырма жұмбақ шешу.

Ал мына жұмбақтардың шешуін табайық.

1 . Алып жатқан жан жақты,

Үйлерді кім тұрғызды. (Құрылысшы)

2. Мектептің жүрегі,

Білімнің тірегі. (Мұғалім)

3. Сауықтырар сырқатты,

Жылы үнмен тіл қатты. (Дәрігер)

4. Өскен шашты жаратпайтын,

Қайшысы бар жалаңдайтын. (Шаштараз)

Балалар жұмбақтарды шештіңдер. Бұл сөздер нені білдіреді? Әрине мамандық туралы.

(Слайдпен жұмыс): Балалар енді суретке назар аударайықшы. Мысалы – дәрігер маманы кім? – ол кішкентай балалар мен үлкендерді емдейді. Мұғалім маманы кім? – оқу мен жазуды үйретіп, білім беретін апай. Шаштараз маманы кім? – түрлі шаш сәндейтін адам. Құрылысшы маманы кім? – көп қабатты, зәулім үйлер салады.

Біз ойнаймыз, ойнаймыз,

Кім болуды қалаймыз.

Олай болса кім дәрігер болғысы келеді?

Олай болса кім мұғалім болғысы келеді?

Олай болса кім шаштараз болғысы келеді?

Олай болса кім құрылысшы болғысы келеді?

Дәрігер Қалжан болады. Ал Қалжан ортаға келіп қоянды емдей қой.

Сыйлайтын саулық, амандық.

Дәрігер жақсы мамандық.

Мұғалім Ақнұр болады. Ал Ақнұр мұғалім туралы тақпағыңды айта қойшы.

Жаққан білім шырағын,

Мен мұғалім боламын.

Құрылысшы Димаш болады. Ал Димаш құрылысшы туралы тақпағыңды айта қойшы.

Адамдарға үй салған,

Құрылысшы болам ұлғайсам.

Шаштараз Алина болады. Ал Алина шаштаразшы туралы тақпағыңды айта қойшы.

Түрлі түрлі шаш қиып,

Сән үлгісін қиятын.

Мен боламын шаштараз.

Балалар қоянды емдеп жаздық, енді оның келесі тапсырмасын орындайық.

Келесі тапсырма «Кім жылдам» ойыны: Шарты: Партада әр мамандыққа қатысты құралдар берілген. Сол құралдардан өз мамандықтарына қатыстысын тауып алуы тиіс.

• Балалар қоянда қызығып сендермен ойнағысы келіп тұр .

• Бірге ойнайсыңдар ма?

Д/О: Ендеше «Дұрыс па, бұрыс па?» ойнын ойнайық. Дұрыс болса қол көтереді. Бұрыс болса көтермейді.

Қойшы балаларды оқытып жүр.

Жүргізуші машина жүргізеді.

Аспазшы үй салып жүр.

Дәрігер адамдарды емдейді.

Дәрігер етік тігіп отыр.

Мұғалім балаларды емдеп жүр.

Қоян: Балалар мен көжектеріме барайын. Сендер маған көмектестіңдер. Жарақатымды емдеп жаздыңдар. Ал енді мен сыйлықтарыммен бөлісейін.(алма тарату) Сендерге көп рахмет. Сау болыңдар балалар. Қорытынды:

• Бүгін балалар қандай тақырыпта әңгімелестік?

• Қандай мамандық иелерін білдіңдер?

Балалар ерінбей еңбектеніп сабаққа қатыстандарың үшін рахмет.

Мадақтау: Бүгінгі сабаққа өте жақсы қатыстыңдар.