Ашық сабақ "Мамандықтың бәрі қажет " 0"ә" даярлық сыныбы

Тақырыбы: Мамандықтың-бәрі қажет.

Кіріктірілген сабақтар: Қоршаған орта, Сөйлеуді дамыту, Сауат ашу.

Мақсаты:

Адам өміріндегі барлық мамандық түрлерін талқылап, мамандықтардың қажеттілігіне түсінік беру.

Күтілетін нәтиже

Тілдік мақсат

Барлық тәрбиеленушілер:мамандық түрлерінің өте көп екенін біледі. Көпшілік тәрбиеленушілер: мамандықтардың адам өміріндегі қажеттілігін түсінеді.
Кейбір тәрбиенушілер: Үлкендердің еңбегін бағалап, құрметпен қарауды үйренеді.
«Кім боламын?» деген сұраққа жауап береді. Ата-аналарының қайда жұмыс істейтінін айтады.

Негізгі терминдер мен сөз тіркестері. Аспаз, дәрігер, сатушы т.б.

Пікір алмасу сұрақтары. Мамандықтардың айырмашылығы мен

ұқсастықтары неде? «Мамандық» сөзі нені білдіреді? Басқа қандай сөзге ауыстыруға болады? Неге адамдар жұмыс істейді? Ең маңыздысы қандай мамандық? Сенің ата-анаң қайда жұмыс істейді?

Жоспарланған уақыт

Жоспарланған іс-әрекет

Ресурстар

Психологиялық ахуал орнату

Өмірлік тәжірибені маңыздандыру
Мақсатты
болжам.

ҰОҚ –ның ортасы.
Тақырып бойынша жұмыс

Қорытынды

Шаттық шеңбері.
Тәуелсіз жаңа заманда,
Сұраныс көп маманға.
Нағыз маман пайдалы,
Мемлекет, қоғам, адамға.
-Балалар қазір жылдың қай мезгілі? Көктем
ерекшеліктерін атаңдар.
Онда «Лэпбук» әдісімен көктем мезгіліне керекті бейнелерді тақтайшаға ілейік.
Ой қозғау әдісі. Жұмбақтар.
Еңбек етсең ерінбей,
Абыройыңды асырған.
Бірақ өзі көрінбей,
Бізден бойын жасырған (Мамандық)
1) Мектептің жүрегі,
     Білімнің тірегі. (Мұғалім)
2) Сауықтырар сырқатты,
     Жылы үнмен тіл қатты. (Дәрігер)
3) Тікті әсем киімді,
     Дүкенге әкеп ілінді. (Тігінші)
4) Зымыранды ерттеген,
    Ай – жұлдызды зерттеген. (Ғарышкер)
5) Тыныштығын Отанның,
     Күзететін адам кім? (Шекарашы)
6) Тәртіп, заңды сақтайды,
     Ел сенімін ақтайды. (Полиция)
7) Кірпіштен сарай, үй салады.
Ол адам кім болады?(Құрылысшы)
8. Қалпағы ақ қарасаң,
Дәрiгер емес, бiрақ ол.
Дәм мәзiрiн қаласаң,
Алға ұсынып тұрады ол. (Аспаз)
- Кімдер туралы айтылып тұр ?
Дұрыс Мамандықтар туралы екен.
Мамандық -дегеніміз белгілі бір кәсіп иесі .Кәсіпті жұмыс деп айтсақта болады.
-Тағы қандай мамандық иелерін білесіңдер?
Өрт сөндіруші, әскери адамдар,тағы басқа да өздері білетін мамандықтар туралы ойларын айтады.
-Ата –аналарың қандай мамандық иесі болып жұмыс істейді?
Балалардың жауабы тыңдалады.
Сергіту сәті
«Көз жаттығуы» Көзге жаттығулар жасалады.
(Денсаулық технологиясы)
Заман талабына сай көптеген жаңа мамандық иелері пайда болды солармен танысайық.Менеджер, Программашы ,дизайнер,модельеррежиссер,продюсер,оператор,машинист,ресторан жұмыстары,пошташы, төтенше жағдайлар қызметкері, жұлдызшы,журналист,тележүргізуші т.б көптеген біз естімеген мыңдаған мамандық түрлері бар екен.
Ал ауылдарда ауыл шаруашылығына керекті маман иелері:тракторшы,комбайншы,сауыншы, малшы т.б.
Мамандыққа қысқаша анықтама береді.
Ал енді «Интерьвю» ойынын ойнайық.
Мен журналист болайын ал сендер өздеріңнің өскенде
« Кім болғыларың келетіні» туралы айтыңдар.
Ойын: «Визиборд»
Бұл ойынның шарты: Тақтайшада мамандық иелеріне керекті құралдар ілінген соны көрсету.
Мысалы:Есепші дегенде шотты көрсету.
«Алфавит» ойыны. Мен сендерге әріптер көрсетемін, сендер сол әріптен басталатын мамандық атауларын атайсыңдар. Және сол мамандықтың қажеттілігін дәлелде.
А- Аспазшы
Ә –әнші
Д-дәрігер
Ғ- Ғарышкер
Ш- Шахтер
М- Мұнайшы, маи қызметкері
Т-Тігінші
Қ-Құрылысшы.
Өте жақсы балалар.
-Балалар біз нелермен таныстық ? Әртүрлі мамандықтармен.
-Мамандықтың қайсысы ең қажетті деп ойлайсыңдар?. ---Неге адамдар жұмыс істейді? Мамандықты қандай сөзге ауыстыруға болады? Ең маңыздысы қандай мамандық?
Ия мамандықтың бәрі қажет екен.Адам еңбексіз өмір сүре алмайды. Еңбектенбесе тамақ та, киімде, дүние де келмейді екен « Адамды адам еткен-еңбек» деген бабаларымыз.
Бармақ арқылы бағалау. Балаларды мадақтау.

Мамандық иелері суреттері. Құралдар суреттері.

«Лэпбук» ойыны

«Бизиборд» ойыны.
Микрофон.

Әріптер.

Жұмбақ

-тар