«Математика әлеміне саяхат»

Мақсаты: оқушылардың ойлау қабілеттерін, жылдамдық қасиеттерін дамыту; қарапайым есептерді дұрыс шығару дағдысын қалыптастыру.

Көрнекілігі: 1-ден 10-ға дейін кеспе цифрлары. «Бауырсақ» ертегісінің суреттері,слайд,есептер, «Бауырсақ» әдісі интербелсенді ойын.

Сабақтың барысы:

1. Ұйымдастыру кезеңі.

2. Психологиялық дайындық.

Қуанамын мен де,

Қуанасын сен де

Қуанайық, достарым,

Арайлап атқан күнге!

Бүгінгі күніміз сәтті өтсін деп тілек тілейік.

3. Негізгі бөлім.

- Балалар, бүгін біз ертегілер әлеміне саяхатқа шығамыз.Ол үшін көліктерді түсіне қарай таңдап топқа бөлініп отырайық.

1. Кіріспе әңгіме.

Өткен тақырыптарға сұрақ қою арқылы шолу жасау.

«Бауырсақ» ертегісін әңгімелейді.

Бауырсақ домалап кетеді. Домалап келе жатып,жануарлардың кедергісіне кездеседі.Сол кедергіден өту үшін төмендегі берілген тапсырмаларын орындауымыз қажет.

1. Қоянның тапсырмасы:

1-ден 10-ға дейінгі сандарды өсу және кему ретімен орналастырып суретті құрау.

2. Қасқырдың тапсырмасы: Дидактикалық ойын: «Көршісін тап»

Миға шабуыл: «Бауырсақ» әдісі интербелсенді ойын.

3.Аюдың тапсырмасы: «Бал жинау»

Үш топқа балаларға есептер беріледі. Шешуін тауып,тақтадағы аюдың бөшкесін балмен толтырады.

Сергіту сәті

Ұзын құлақ сұр қоян

Естіп қалып сыбдырды,

Ойлы-қырлы жерлермен

Ытқып-ытқып жүгірді.

Қарап еді артына

Қиығын сап көзінің,

Келе жатқан томпаңдап,

Көжегі екен өзінің.❤️.

3. Түлкінің тапсырмасы:

Дамытушы ойын: «Артық пішіндегі суретті тап»(фонарик әдісі)

Бауырсақ барлық тапсырмаларды сәтті орындап, аман-есен ата-әжесіне қауышқан екен.

Тәрбиеші :

• Балалар сендерге бауырсаққа көмектескен ұнады ма?

• Қандай тапсырмалар орындадыңыздар?

-Барлығың сабаққа жақсы қатыстыңдар. Жарайсыңдар!

«От шашу» әдісімен өзін-өзі бағалау.Тәрбиешінің бағалауы.

Балалар шеңбер құрып, қонақтармен қоштасады.

Қол үстасып тұрайық,

Шеңберді біз құрайық,

Көріскенше күн жақсы

Сау саламат болайық!.