:Ашық сабақ Механикалық қозғалыс және оның сипаттамасы. Санақ жүйесі. 7 сынып

Сабақтың тақырыбы: Механикалық қозғалыс және оның сипаттамасы. Санақ жүйесі

Мектеп: Антон Макаренко атындағы орта мектебі

Күні:

Мұғалімнің есімі: Бидайбекова Г.О.

Сынып: 7

Қатысқандар саны:

Қатыспағандар:

Сабақ негізделген оқу мақсаты (мақсаттары)

7.2.1.1 – материялық нүкте, санақ жүйесі, қозғалыстың салыстырмалылығы, траектория, жол, орын ауыстыру терминдерінің физикалық мағынасын түсіндіру –

Сабақ критерийлері

Барлық оқушылар:

• Оқулықта берілген тапсырмаларды орындайды. Тақырыпты меңгереді. Қозғалыс ұғымын қалыптастыру, қозғалыстың салыстырмалығы, санақ денесі туралы түсінік қалыптастырады.

Оқушылардың басым бөлігі:

• Тақырыптың маңызы туралы дәлелдеп айтып бере алады.

Кейбір оқушылар:

• Білімді сыныптастарына түсіндіріп оқулықтан тыс ресурстар қоса алады.

Бағалау критерийі

Жеке, жұптық, топтық тапсырмаларды орындай алады.

Сабақ барысында тыңдаушының назарын өзіне аудара алады.

Тілдік құзіреттілік

Пәндік лексика және терминология

Траектория, орын ауыстыру, жол, санақ жүйесі (санақ денесі, координат жүйесі, сағат)

Құндылықтарды дамыту

Болашаққа бағдар: Рухани жаңғырудың 6 негізгі бағыты – бәсекеге қабілеттілік, прагматизм, білімнің салтанат құруы, сананың ашықтығы, Туған жер бағдарламасы, латын әліпбиіне көшу, «100 жаңа оқулық» аясында патриоттыққа тәрбиелеу.

Ресурстар

Оқулық, суреттер, топқа бөлуге арналған сіріңке қорапшасы және  әртүрлі  заттар, топтық тапсырмалар, қалыптастырушы бағалау тапсырмалары, кері байланыс, стикер.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

Математика, қазақ тілі.

Алдыңғы тақырып

Үлкен және кіші сандарды ықшамдап жазу

Жоспарланған

уақыт

Жоспарланған жаттығулар

Ресурстар

Сабақтың басы

6 мин

Білім алушылармен амандасу, түгендеу.

Психологиялық ахуал қалыптастыру: 2 мин

Мен керемет оқушымын өйткені........................................

Топқа бөлу 2 минут «Шақпақ» әдісі

Үй тапсырмасы: қалыптастырушы бағалау «Лабиринт әдісі». 2 мин

10 мкс =10*10^-6 с

1см=10-²м

5 мг=5*10-⁶кг

3 дм=0.3м

100 кг=100*10³г

15 нс=15*10-⁹с

Оқушылар сыни тұрғыдан ойлау арқылы үш топқа бөлінді.

1.Қорап

2. Сіріңкелер

3. Алау

Әр топ өз топтарын қорғап шықты.

Оқушылар карточкада берілген тапсырмаларды орындайды.

Сабақтың ортасы

20 минут

Білу және түсіну

«Миға шабуыл» әдісі.2 мин

«Ойлан, жұптас, бөліс» стратегиясы 15 мин

Біз өміріміздің алғашқы күндерінен бастап-ақ айналамыздағы болып жатқан алуан түрлі өзгерістерге, әсіресе дыбыс, қозғалыс сияқты физикалық құбылыстарға ерекше назар аударамыз.

Бізді қоршаған әлемнен әр түрлі қозғалыстарды жиі бақылауға болады. Мысалы, аспандағы қалықтаған бұлтты, ұшып бара жатқан ұшақты, жүріп келе жатқан машинаны, піскен алманың жерге құлап түскенін, үстел үстімен қозғалаған арбашаны, серіппеде тербеліп тұрған шарды және тағы басқаларды көреміз. Бұл жағдайлардың бәрінде де дене қозғалды дейміз. Зейін қойып қарасақ, осы келтірілген мысалдардың барлығына ортақ құбылыс-дененің басқа денелермен салыстырғанда бастапқы орнының өзгеруі болып табылады.

Бұл мысалдардан мынадай маңызды тұжырым жасауға болады: денелер уақыттың өтуіне қарай бір-бірімен салыстырғанда бастапқы орнын өзгерте алады.

Денелердің бөліктері де уақыттың өтуіне қарай бір-бірімен салыстырғанда бастапқы орнын өзгерте алады. Дене тұтасымен қозғала ма?

Әлде кейде оның бөліктері де қозғала ма екен?

Бұл тәжірибеден не байқадыңыздар?

Оқушылар жауабы: аяғымызбен бірге қолымызда қозғалды.

Олай болса, бұдан қандай қорытынды жасауға болады?

Денелердің бөліктері де уақыттың өтуіне қарай бір-бірімен салыстырғанда бұрынғы орнын өзгерте алады.

Физиканың механика деп аталатын бөлімі денелердің: жүретін, әуеде ұшатын, суда жүзетін көліктердің; зымырандардың, планеталардың, олардың жасанды серіктерінің; аспан денелерінің қозғалысын зерттейді. Бұл денелердің қозғалысын механикалық қозғалыс деп атайды.

Сонымен, дененің уақыт өтуіне қарай басқа денелериен салыстырғандағы орнының өзгеруі механикалық қозғалыс деп аталады.

Санақ денесі – қозғалмайды деп есептелетін басқа дененің қозғалысы соған қарап салыстырып қарастырылатын дене. Демек кез келген механикалық қозғалыс салыстырмалы. Абсолют тыныштықта болатын дене жоқ.

Қозғалыс-барлық денелерге, табиғаттағы нәрселердің бәріне, бүкіл материялық дүниеге тән қасиет.

Санақ жүйесі.Зерттеліп отырған қозғалысты сипаттау үшін дененің уақытқа байланысты өз орнын қалай өзгертетінін білу керек. Ол үшін санақ денесімен байланысқан координата жүйесін сызамыз.

Координата жүйесі суретте көрсетілгендей, өзара тікбұрыш жасап қиылысатын үш түзу сызықтан тұрады. Санақ денесі осы түзулердің қиылысу нүктесінде, яғни О нүктесінде қиылысқан деп есептеледі.

Санақ денесімен байланысқан сызықтар жүйесін координа жүйесі деп, ал сызықтардың қиылысу нүктесін санақ басы немесе координата басы деп атайды.

Сонымен, санақ жүйесі деп санақ денесімен байланысқан координата жүйесі мен сағатты айтамыз.

Бейнетаспа 3 мин

«Интервью» әдісі

Оқушылар өз ойларын стикерлерге жазып жабыстырады.

Оқушылар постер қорғайды

Аяқталуы

14 минут

Қолдану 6 минут «Таза тақта» әдісі

Жалпыға арналған тапсырма:

Тақырып аясында сұрақтар құрастырылып, тақтаға ілінеді.

Оқушылар тапсырмамен жұмыс жасайды

Жеке тапсырма қалыптастырушы 5 мин

«Рефлексиялық шеңбер» 3 мин

Оқушылар шеңберге тұрып, төмендегі сұрақтарға жауап береді.

• Сабақ барысында көңіл-күйіңіз қандай болды? Неліктен?

• Бүгін не білдіңіз? Сіз үшін не жаңалық болды?

• Сабаққа қатысуыңызды қалай бағалайсыз?

• Сабақта қандай қиындықтар туындады?

• Сабақ аяқталғанда көңіл-күйіңіз қандай? Неліктен?

Қорытынды бағамдау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында мен сынып немесе жекелеген оқушылар туралы менің келесі сабағымды

жетілдіруге көмектесетін не білдім?