Ашық сабақ мектепалды даярлық сыныбында "Достық көмек. Д әрпі мен дыбысы"

Сабақтың тақырыбы: Достық көмек. Д әрпі мен дыбысы

Сабақтың мақсаты: 0.1.1.2. Сөздерді буынға бөледі, буын санын анықтайды.

0.1.3.1. Сұрақтарға жауап бере отыра сурет бойынша әңгіме

құрастырады.

0.2.1.2. Берілген суреттерден мәліметтерді тауып, аттарын

атайды.

Қолданылатын әдіс-тәсілдер: Саралап тапсырма беру, Пицца« әдісі, «Балмұздақ» әдісі, «Әңгімелесетін әріптестер» әдісі

Ресурстар: АКТ, постер, суреттер

ҰОҚ кезеңдері:

1. Психологиялық ахуал.

«Жүректен жүрекке» бір-біріне тілек айту.

«Екі дос» әңгімесін тыңдау:

• Балалар, қазір біз шағын ғана әңгіме тыңдайық.

Белсенді әдіс: ашық және жабық сұрақтар

• Балалар, әңгімені тыңдай келе не байқадыңдар?

• Достық деген не?

• Әңгімедегі екі баланы дос деп атауға болады ма?

• Досыңның болғаны жақсы ма?

• Балалар, мен сендерге жұмбақ жасырамын осы жұмбақтың жауабы бүгін біздің қандай әріппен танысатынымызды айтады.

Бала біткен соғады

Жеңіл шарды домалақ.

Ұрсаң ұшып жоғары,

Жерге түсер домалап

• Дұрыс айтасыңдар, бұл доп. Доп сөзі қандай дыбыстан басталады?

• Дұрыс айтасыңдар, Д дыбысынан басталады, яғни бүгін біз Д дыбысымен танысамыз.

Д дыбысымен таныстыру, Д дыбысынан басталатын сөздерді айту. Д дыбысының баспа және жазбаша түрімен таныстыру.

Д-ұяң дауыссыз дыбыс. Д дыбысын айтқанда тілдің ұшы төмен түседі және астыңғы тістерге барып тіреледі, дауыс желбезектері дірілдейді.

• Д дыбысынан келесі сөздер басталады. Дала, дүрбі, домбыра, доға, доп, дәптер, дәрігер, дастархан, дельфин. Д дыбысы сөздің басында және ортасында кездесе береді. Ал сендер қандай сөздер білесіңдер? Қане осы сөздерді буынға бөліп, буын санын анықтайық.

Сергіту сәті:

Ду, ду, ду! Дүк-дүк!

Пойыз келеді

Ду, ду, ду! Дүк-дүк!

Бәрі жол береді.

Ду, ду, ду! Дүк-дүк!

Жүгіріп өтпе

Ду, ду, ду! Дүк-дүк!

Пойызды өткіз.

Қол бұлғап қалайыұ

Дол болсын деп біз!

Ал енді жұмыс дәптеріміздің ашып тапсырмаларды орындайық.

Саралап тапсырма беру:

1-тапсырма: Берілген сұраққа сызба бойынша жауап беру.

1. Балалар қайда ойнады? (Сызба бойынша 3 сөзден тұратын сөйлем құрайды)

2. Балалар немен ойнады? (Сызба бойынша 3 сөзден тұратын сөйлем құрайды)

3. Доптың пішіні қандай? (Сызба бойынша 2 сөзден тұратын сөйлем құрайды)

4. Достар қандай болады? (Сызба бойынша 3 сөзден тұратын сөйлем құрайды)

5. Досыңның аты кім? (Сызба бойынша 3 сөзден тұратын сөйлем құрайды)

• Жарайсыңдар балалар, ал енді осы жауаптардағы қай сөзден Д дыбысын естідіңдер?

Ал енді тақтадағы суреттерге назар аударып, олардың аттарын атайық.

Дартс, доп, домино осы сөздерге дыбыстық талдау жасау.

2-тапсырма: «Пицца» әдісі

Әр пицца бөлігінде берілген тапсырмаларды орындайды. (Дыбыстық талдау жасаау, буындарды оқу)

3-тапсырма: «Балмұздақ» әдісі. Балмұздаққа Д дыбысынан басталатын суреттерді жапсыру.

4-тапсырма: Сызбалар бойынша сөйлем құрастыру

Рефлексия: «Әңгімелесетін әріптестер» әдісі

Өткен сабаққа сілтеме жасауды көздейтін бастапқы немесе бүкіл сыныпқа арналған тапсырма ретінде оқушылар әріптестерімен:

• жаңа оқылған 3 факті туралы;

1. қандай дыбыспен таныстық?

2. Д дыбысы дауысты ма дауыссыз ба?

3. Д дыбысынан басталатын қандай жаңа сөз үйрендік?

• оларға жеңіл болып көрінгендер туралы

1. сендерге берілген тапсырмалардың қайсысы жеңіл болды?

• оларға қиын болып көрінгендер туралы

1. сендерге берілген тапсырмалардың қайсысы қиын болды?

• алдағы уақытта оқығысы келген нәрселер туралы ақпарат алмасады.

1. Алдағы уақытта не үйренгілерің келеді?