«Бекітемін»

«№8 «Алтын сақа» балабақшасы МКҚК

Ашық оқу қызметі

Тақырыбы: «Мен ғарышкер боламын!»

Дайындаған:

Информатика маманы: Раку Алия Михайловна

Күні: 06.04.2017 ж.

Қатысқан топ: Ересек «Бәйшешек» тобы

2016 – 2017 оқу жылы

«Мен ғарышкер боламын!»

Білім беру саласы: «Таным».

Бөлімі: Вариативтік. Информатика.

Мақсаты: Балалардың сандар, геометриялық пішіндер туралы білімдерін бекіту. Компьютермен дұрыс пайдалана білу, әртүрлі пішіндерді құрастыру арқылы сурет салу. Ғарыш туралы ой – өрісін кеңейту. Ғажайып саяхат арқылы балалардың қиялдарын шыңдау. Баланың логикалық ойлау қабілетін дамыту, тапқырлығын арттыру. Үш тілде санап білу және түстерін атау.

Әдіс тәсілі: Саяхат, дидактикалық ойындар, көрсету, түсіндіру, сұрақ – жауап.

Қажетті құралдар: Ғаламшардың және зымыранның суреттерінен құралған слайд, «Ғарышкер» сөзі әріптеп жазылған карточкалар.

Кейіпкер: «Сент» жатпланеталық: Сариева Слухан.

Оқу қызметінің барысы:

Балалар шаттық шеңберіне тұрып амандасады.

Біз қандаймыз, қандаймыз? Қуанасың сен де,

Шұғылалы таңдаймыз. Қуанамын мен де.

Күлімдеген күндейміз, Үлкенге де Сіз, кішіге де Сіз.

Ренжуді білмейміз. Баршаңызға қурметпен, бас иеміз біз.

• Балалар қандай тамаша!

• Балалар қазір жылдың қай мезгілі?

Балалар: Көктем.

• Көктем мезгілінде неше ай бар?

Балалар: 3 ай. Наурыз, сәуір, мамыр.

• Жарайсыңдар! Наурыз айында қандай мерекелерді атап өттіңдер?

Балалар: 8 наурыз аналар мерекесі және наурыз мерекелері.

• Қандай тамаша. Балалар, үлкейгенде сендер қандай мамандық иелері болғыларың келеді?

Балалардың жауаптары... (Мен тігінші боламын, мен дәрігер боламын.....Мен ғарышкер болғым келеді).

• Балалар қандай тамаша мамандықтар, жарайсыңдар балалар! Осы мамандықтардың қас шеберлері болуларыңды тілеймін. Балалар жаңа Руслан ғарышкер болғысы келетінін айтты. Ал, сендер білесіңдерме 12 сәуір ғарышкер күні белгіленеді, ең алғашқы ғарышқа ұшқан ғарышкердің атын білесіңдер ме?

Балалар: Юрий Гагарин.

• Жарайсыңдар!

• Балалар қараңдаршы мұнда кімдер бар?

(Слайд көрсетіледі).

Балалар: Талғат Мусабаев, Тоқтар Аубакиров және Айдын Айымбетов ағаларымыз.

• Қандай керемет балалар, сендер біздің отандық ғарышкерлерді барлығын жақсы таныйды екенсіңдер. Осы ағаларымыз біңдің отанымыздың мақтаныштары. Осы ағаларымыздай мықты, ақылды болғандарыңды тілеймін.

• Тамаша жарайсыңдар балалар!

• Балалар мүмкін біз бүгін ғарыш әлеміне саяхатқа барамыз, сендер ғарышкер болғыларың келеме?(Балалардың жауаптары). Біздің ғарыш тобымыз ең керемет топ болады деп сенемін.

• Балалар ғарышқа ұшу үшін бізге не қажет болады? Мен сендерге жұмбақ жасырайын:

Ұшады қанатсыз

Зырлайды аяқсыз.

Бұл не балалар?

Балалар: Зымыран.

• Жарайсыңдар! Өте дұрыс айтасыңдар. Ал, бізде дайын зымыран бар ма?

Балалар: Жоқ.

• Олай болса мүмкін біз өздеріміз геометриялық пішіндерден зымыран құрастырамыз. (Балалардың жұмысы: (балалар әртүрлі тәсілдерден (таяқшалардан, Кьюзин таяқшалары, әртүрлі пішіндерден, Никитин текшелерінен, компьютермен) зымыранды құрастырады).

• Өте жақсы балалар. Сендер берілген тапсырмаларын жақсы орындадыңдар. Балалар білгеніміздей компьютердің алдында ұзақ отырған көзге зиян келтіреді, сондықтан көздеріміз шаршап қалмас үшін, көз жаттығуын орындайық.

(Интерактивті тақтада көз жаттығуы көрсетіледі).

• Балалар көздеріміз демалып қалды, енді зымыранға мінбес бұрын скафанфорларымызды киіп алайық.

• Енді біз ұшуға дайынбыз. Орнымызға отырайық, оннан кері санап бастайық.

(Зымыранның ұшып баратқан дыбысы шығады).

• Міне, балалар біз айға ұшып келдік. Алдымызда ұзақ саяхат күтіп тұр.

(Жай ауеннің дыбысы шығады, балалар жоғарыда орналасқан әртүрлі жұлдыздарды тамашалайды).

Ғажайып сәт: Жатпланеталықтың келуі.

• Балалар, бұл айда тіршілік ететін жатпланеталық қой.

Жатпланеталақ: Салеметсіздер ме! Айға қош келдіңдер! Менің атым Сент. Ал, сендердің аттарың кім?

(Балалар аттарын айтады).

Сент: Танысқаныма өте қуаныштымын, балалар сендер қайсы планетадан ұшып келдіңдер?

Балалар: Жер планетасынан.

Сент: Білебілсеңдер біздің ғалам күннен және 9 планеталардан тұрады, осы планеталардың атауларын қалай аталатындығын білгілерің келеме?

Балалар: Ия

Сент: Планеталардың атаулары тапсырмаларға жасырынған, оларды білу үшін сендер тапсырмаларды орындауларың керек. Балалар сендер дайынсыңдарма?

Балалар: Ия.

Сент: Олай болса бастайық, әр дұрыс жауаптарға тиісті планеталар ашылады.

(Балалардың жұмыстары: 4 бала компьютермен тапсырмаларды орындайды, 4 бала Сент мырзаның сұрақтарына жауап береді).

Сенттің тапсырмалары: (Компьютерде) – 1). Нүктелер арқылы сандарды жазады. 2). Салынған пішіндерді қайтала. 3). Артық пішінді боя. 4). Ең кіші және ең үлкен пішінді боя.

Сұрақтары: 1). Үш қоянда неше құлақ бар? 2). Қонжық екеу, табаны нешеу? 3). Аспанда неше ай, неше жұлдыз бар? 4). Бағдаршамның неше көзі бар, олар қай түстерден тұрады? (Түстерді үш тілде атайды).

Әр дұрыс жауаптарға планеталар ашылады. (Слайд планеталар)

• Балалар, сұрақтарға дұрыс жауап бердік. Тоғыз планетаның құпия атауларын аштық. Ал, Сент мырза балалар ғаламшар тапсырмаларын мүлтіксіз орындады. Сізде шаршап қалған боларсыз балаларымыз бен бірге сергіту сәтін орындайық.

(Интерактивті тақтада көрсетілген сергіту сәтін орындайды).

Сент: Мен өте риза болып отырмын. Балаларымыз өте білімді, ақылды балалар екен.

• Сент мырза сізге көп рахмет, біз сіздің кызықты тапсырмаларыңызды орындадық, аспандағы планеталарының атауларын білдік, енді біздің жерге оралатын уақытымыз болып қалды. Қош сауболыңыз!

• Балалар, енді біз орнымызға отырып қайта жерге ұшуға

дайындалайық. Ендіше кері санап ұшуға дайындалайық. 10,9,8,7,6,5,4,3,2,1.

Қорытынды:

• Балалар, қандай керемет саяхат болды. Біз ғарышқа ұшу үшін нені

құрастырдық?

Балалар: Зымыран.

• Зымыранды қандай пішіндерден құрастыңдар?

Балалар: Тіктөртбұрыш, үшбұрыш, дөңгелек пішіндерден.

• Балалар біз бүгін қай жерге саяхатқа ұшып бардық.

Балалар: Айға.

• Ал, айда біз кімді кездестірдік?

Балалар: Жатпланеталықты.

• Оның аты кім?

Балалар: Сент.

• Оның берген тапсырмаларын орындау сендерге қызықты болдыма?

Балалар: Ия.

• Бададар бүгін сендер кім болдыңдар?

Балалар: Ғарышкерлер.

• Дұрыс айтасыңдар! Балалар мына карточкаларды алып ғарышкер сөзін кұрастырыңшы.

• Өте жақсы балалар, осы мен ғарышқа саяхатымыз аяқталды, сау болыңыздар.