«Коммуникация» білім беру саласының ұйымдастырылған оқу қызметі:

Сөйлеуді дамыту, Көркем әдебиет

Тақырыбы: «Мамандықтардың бәрі жақсы, мамандықтардың бәрі керек»

Мақсаты:Балалардың әр түрлі мамандықтар туралы білімдерін толықтыру;ойлау қабілеттерін дамыта отырып, болашақ мамандыққа байланысты ұғымын тереңдетіп,қызығушылықтарын арттыру. Мақал- мәтел айтып, жұмбақ шешу арқылы толық сөйлеуге баулып , сөздік қорларын дамыту. Еңбекке деген қызығушылықтарын ояту,үлкендердің еңбегін бағалауға тәрбиелеу.

Педагогикалық технологиялар: АКТ.

Ресурстармен қамтамасыз ету: дидактикалық ойындар, үйлестірме материалдар, лэпбук кітабы.

Көптілділік: мамандық-профессия-profession, тәрбиеші-воспитатель-educator.

Ұйымдастырылған оқу қызметінің барысы:

1.Ұйымдастырушылық кезеңі:

Балаларды шенберге тұрғызамын.

Good morning, good morning

Good morning to your.

Good morning, good morning

I am glad too see your.

-Балалар сендер таңертең қайда келесіңдер?

-Біздің балабақша қалай аталады?

-Біздің топ қалай аталады?

-Ал, біздің балабақшада кім жұмыс істейді?

2. Негізгі бөлім

1-тапсырма: Д/о «Суретті құрастыр»

Барысы: қиылған суретті жинап, құрастыру.

2-тапсырма: Мамандықтар туралы жұмбақ жасыру:

1.Тәртіп,заңды сақтайды

Ел сенімін ақтайды.

2.Мектептің жүрегі,

Білімнің тірегі.

3.Зымыранды зерттеген,

Ай жұлдызды зерттеген.

4.Тікті әсем киімді,

Дүкенге әкеп ілінді.

-Кімдердің суреттері шықты?

-Полиция, өрт сөндіруші, сатушы, тігінші, тәрбиеші, мұғалім-оларды жалпы бір сөзбен қалай айтамыз?

Интерактивтік тақтадан Али мен Айяның бейнесі шығады («Ғажайыпстанға саяхат» мультихикаядан үзінді көрсетіледі). Али мен Айя балаларға әр түрлі тапсырмаларды орындауға ұсынады.

1-тапсырма: «Дұрыс па, бұрыс па?» ойыны.

1.Дәрігер балаларды оқытады.

2.Сатушы киім тігеді.

3.Құрылысшы

адамдарды емдейді.

4.Аспазшы үй салады.

5.Жүргізуші машина жүргізеді.

6. Өрт сөндіруші өрт сөндіреді.

7. Етікші азық түлік сатады.

2-ші тапсырма :«Мамандық иесінің құралын тап» (Лэпбукпен жұмыс)

Мақсаты:берілген құралдардан мамандық иесіне тек ғана керек құралын табу.

-Шаштаразға жұмыс істеу үшін қандай құралдар керек?

- Етікшіге жұмыс істеу үшін қандай құралдар керек?

-Өртсөндірушіге жұмыс істеу үшін қандай құралдар керек?

-Сатушыға жұмыс істеу үшін қандай құралдар керек?

3-ші тапсырма: «Мен өскенде...» тақырыбына ой қозғау.

Мақсаты: балалар болашақта кім болады әңгімеле отырып, ойлау қабілеттерін дамытып, сөздік қорларын байытады.

Сергіту сәті «Мен қазақпын» (Интерактивтік тақта)

4-ші тапсырма:«Кімге не керек?» д/о (Игровизормен жұмыс)

Мақсаты: әр мамандық иесін керекті көлікпен сәйкестендіру.

-Дәрігерге жұмысына қандай көлік керек?

-Өртсөндірушіге қандай көлік керек?

-Полицияға қандай көлік керек?

5 –ші тапсырма: «Дәріхана» сюжеттік -рөлдік ойыны.

Мақсаты: балалардың шығармашылық, ойлау қабілеттерін арттыру. Сөздік қорларын дамыту.

6-шы тапсырма: «Мақал- мәтелдер елінде» (мақал- мәтелдің бірінші жолы оқылады, ал жалғасын балалар табу тиіс)

Мақсаты:Еңбекке деген қызығушылықтарын ояту,үлкендердің еңбегін бағалауға тәрбиелеу.

7-ші тапсырма : «Не артық?» д/о (игровизормен жұмыс)

Мақсаты: әрбір мамандық иесінің артық құралын табу.

8-шы тапсырма : «Тақпақтар әлемі»

Барысы: балаларға әр түрлі мамандықтар туралы білетін тақпақтарын айтқызу.

Мақсаты: балалардың шығармашылық қабілеттерін дамыту.

3. Қорытынды:

-Балалар, бүгін оқу қызметінде не туралы әңгімелестік?

-Қандай мамандық иелерін білесіңдер?

-Қандай тапсырмаларды орындадыңдар?

Оқу қызметіне жақсы қатысқан балаларды мақтап, мадақтау.