Ашық сабақ: Менің отаным - Қазақстан 2 сынып

Тақырыбы: Менің Отаным-Қазақстан

Мақсаты: а)Оқушылардың санасына туған Республика туралы мағлұматтарды кеңейту, еліміздің қысқаша тарихымен, ұлттық белгілерімен, мемлекеттік рәміздермен таныстыру.

ә) Ана тілін сүюге, халқымыздың әдет – ғұрпын, тілімізді, салт – дәстүрлерін сақтап, әр қарай жалғастыруды дамыту

б)Туған өлкеге, өз Отанына деген оқушылардың зейінін аудара отырып, оларды отаншылдық рухта тәрбиелеу,

Көрнекілік: ҚР Елтаңбасы, Туы, Гимні жазылған плакат, Қазақстанның картасы, қанатты сөздер жазылған плакаттар.Интерактивті тақта. «Ауылым менің - Ақтөбе» кітабы

Сабақтың барысы:

1 Ұйымдастыру.

2 Негізгі бөлім.

Мұғалім:

- Бүгінгі сабағымыздың тақырыбы «Менің Отаным-Қазақстан» .

- Балалар Отан дегенді қалай түсінесіңдер?

Оқушы:

Отан – менің ата анам,

Отан досым, бауырым,

Отан - өлкем, Астанам,

Отан – туған ауылым.

Бақыт елі – бұл Отан,

Бәріңе мен иеміін.

Біздің Отан – Ұлы Отан,

Ұлы Отанды сүйемін!

Мұғалім: Қазақстан Республикасының Президенті кім?

Ия, Қазақстан Республикасының Президенті Н.Ә.Назарбаевты бәріміз білеміз.

ҚР астанасы қай қала?

Астана туралы не білеміз?

Слайд арқылы суреттер көру.

Әр Республикасының өз Гимні, өз Туы және Елтаңбасы бар. Осы мемлекетеміздің рәміздері жайлы біраз түсінік берейік. 1992-ші жылғы маусымның 4-і күні Республикамыздың Мемлекеттік Туы, Елтаңбасы және Әнұраны қабылданды

Ту

Көк түс біріншіден: хан – көк тәңірді, ұлы аспанды еске түсірсе, екіншіден: ол шексіз кеңістікті, мемлекетіміздің ұлан – байтағын бейнелейді. Үшіншіден: ол абажақ емес, бір ғана түсті, яғни мемлекет бөлінбейді деген ойды нұсқайды. Содан соң, көк аспанды, күн нұрын бейнелейді, өйткені күнсіз тіршілік жоқ, сондықтан қазақ оған үлкен мәртебе берген. Күн астында қыран ұшып барады. Ол да жас мемлекетіміздің, Егемен еліміздің қанатын жайып, биікке ұмтылғандығын көрсетеді. Қыран қазаққа етене жақын ұғым. Тудың сол жағындағы ою өрнек те, ұлтымыздың ерекшелігін байқатады. Сөйтіп, ошақтың үш табанындай осы үш тірек көркемдік ойды біріктіреді деген екен.

Елтаңба:

Қазақстан Республикасының Елтаңбасы қазақ ұлтының ежелгі тарихынан, дәстүрі мен мәдениетінен, елдігінен, халықтың өзіне тән мінез, сенім ерекшелітерінен мағлұмат береді. Елтаңбасының басты ерекшелігі – ортадағы шаңырақ – от, ошақ, Отан деген мағынаны білдіреді. Шаңырақтың жан – жағынан шаншылған уық, шашырай атқан таңның, алтын шапағатынан елес береді. Елтаңбаның жоғары жағында бес қырлы жұлдыз бедері бейнеленген. Қазақта: «Шаңырағың биік болсын, іргең сөгілмесін» деген мәтел бар. «Жұлдызың жоғары болсын» деп бата берген бабаларымыз. Қазақ дәстүрінде шаңырақты отқа жақпайды, жұртта қалдырмайды, тозған кезде тастамайды, жоғары жерге іліп қояды. Атадан – балаға мирас етіп қалдырады.

Қанатты ат ғасырлар бойы халқымыздың бостандыққа ұмтылған, бірлікке толы өмір жолын елестетеді. Алдағы заманда халқымыздың мәртебесі құс қанатындай шапшаң, әрі шырқау, биікке самғайды делінген арман, тілек жатыр. Қазақстан Республикасының Елтаңбасын, қазіргі күрделі заманда өз отбасымызды, Отанымызды бәле – жаладан қорғай білейік. Бір атаның баласындай тату – тәтті еңбек етіп, бақытты ғұмыр кешейік. Республикамызды мекендеген барлық адамның, әр ұлт пен ұлыстың еңбегі жансын, бақытқа бөленсін деген ізгі тілек білдіреді.

Гимн:

Авторлары, шығу тарихына тоқталу

Тәуелелсіз Қазақстанның даму жолдары (Слайд суреттер)

Оқушы:

Көгінде күн нұрын төккен,

Жерінде гүл жұпар сепкен.

Неткен сұлу, неткен көркем!

Осы – менің туған өлкем!

Түлігі өскен алуан –алуан,

Төл алқабы малға толған.

Неткен сұлу, неткен көркем!

Осы – менің туған өлкем!

Туған жеріміз Ақтөбе ауылы туралы әңгімелеу. Ауыл тұрғыны –Биқұт атаның «Ауылым менің-Ақтөбе» кітібынан үзінділер оқып беру.

3 Қорытынды

Мұғалім: Отанымыздың жер қойнауы пайдалы қазбаларға бай. Мұнда жер жүзіндегі белгілі қазба байлықтарының бәрі бар. Көмір, мұнай, металл – рудалары, әр түрлі тұздар басқа да сан – алуан байлық мол, сонымен қатар астықты алқап. Жеріміздің табиғат байлықтары халқымыздың игілігіне жұмсалуда.

Біздің республикамыз көп ұлтты. Біздің республикада түрлі ұлт өкілдері өмір сүреді, қызмет жасайды. Біз Республикамызды, Отанымызды әрдайым қорғауымыз керек, тек бірліктің, достықтың арқасында ғана біз күшті боламыз.

Оқушы:

Көк байрағым менің, қызық күнім менің.

Асқар тауым елім – ана – Отаным.

Көп күндерім – жарқын, жас өмірім – алтын,

Арналды саған, Отаным.

Орман көлім менің, арман жерім менің,

Сүйем сені мәңгі, ұлы Отаным.

Жаралғаным үшін, көп арманым үшін.

Мен сүйемін сені, Отаным!

Хор: «Атамекен» әні

Тақырыбы: Менің Отаным-Қазақстан

Мақсаты: а)Оқушылардың санасына туған Республика туралы мағлұматтарды кеңейту, еліміздің қысқаша тарихымен, ұлттық белгілерімен, мемлекеттік рәміздермен таныстыру.

ә) Ана тілін сүюге, халқымыздың әдет – ғұрпын, тілімізді, салт – дәстүрлерін сақтап, әр қарай жалғастыруды дамыту

б)Туған өлкеге, өз Отанына деген оқушылардың зейінін аудара отырып, оларды отаншылдық рухта тәрбиелеу,

Күтілетін нәтиже:ҚР туралы,туған жер туралы мағлұмат алып, туған жерге деген сүйіспеншілігі артады, өз елінің патриот азаматы болып қалыптасады.

Көрнекілік: ҚР Елтаңбасы, Туы, Гимні жазылған плакат, Қазақстанның картасы, қанатты сөздер жазылған плакаттар.Интерактивті тақта. «Ауылым менің - Ақтөбе» кітабы

Менің

Отаным-

Қазақстан