Ашық сабақ "Менің отбасым" 1 сынып

Пәні: Дүниетану

Ұзақ мерзімі жоспар бөлімі

Мен және қоғам

Бөлімше: Мен және менің отбасым

Ортақ тақырып: Менің отбасым және достарым

Мектеп: Бірік ОЖББМ

Мұғалімнің аты-жөні: Муфтуллина А.К

Қатысқандар саны: 13

Қатыспағандар саны:

Күні:

Сынып: 1 «Б»

Сабақтың тақырыбы:

Менің отбасым

Осы сабақта қол жеткізілетін оқу мақсаттары (оқу бағдарламасына сілтеме)

1.1.1.1 түрлі дереккөздерді зерттей отырып, «отбасы» ұғымын түсіну және мәнін түсіндіру

1.1.1.2 отбасындағы өзге мүшелерге қатысты өзінің туыстық байланыстар жүйесіндегі орнын анықтау

Сабақ мақсаттары

1. түрлі дереккөздер арқылы отбасы ұғымын түсінеді. Отбасы мүшелерін атайды.

2. туыстық жүйеден отбасындағы өзінің орнын анықтайды. «Отбасылық шежіре», «отбасылық дәстүр» сөздерінің мағынасын түсінеді.

3. отбасындағы туыстық атауларды ажыратады және өзінің туыстық жүйесіндегі орнын анықтайды, әңгімелейді.

Бағалау критерийлері

• «Отбасы» ұғымының мағынасын түсіндіреді.

• Отбасы мүшелеріне қатысты туыстық атауларды ажыратады.

• Туыстық қатынастарда өз орнын анықтайды.

Тілдік мақсаттар

Тірек сөздер:

Отбасы- семья-family

Шежіре- родословная- geneology;

Отбасылық дәстүрлер – семейные традиции – family traditions.

Пәнге тән лексикалық және терминологиялық сөздер:

Отбасы, шежіре, отбасы мүшелері

Талқылауға арналған сұрақтар:

- Қандай туыстық атауларды білесің?

- Отбасы мүшелерін ата.

- Сен отбасыңда нешіншісің?

Құндылықтарды дарыту

Ынтымақтастық. Құрмет.

Оқу мақсаты барысында ұжымдық ширату жаттығуын орындата отырып, оқушыларды ынтымақтастықта болуға, бірлесе жұмыс жасауға, отбасы мүшелерін құрметтеуге, қамқор болуға баулимын

Пәнаралық байланыстар

Сауат ашу – отбасы мүшелеріне байланысты сөздер айтады, әңгімелейді, сөйлем құрайды.

Математика – отбасындағы өзге мүшелерге қатысты өзінің туыстарының санын анықтайды.

Музыка – сергіту сәті кезінде әуенмен бейнеқимылдарды орындайды.

АКТ қолдану дағдысы (сабақта қолданылатын болса көрсетіңіз)

Презентация, «Бармақтар отбасы» сергіту сәті бейнеролик https://www.youtube.com/watch?v=BsyfFlArDBg

Бастапқы білім

Оқушылар өз мектебі туралы және мектеп ережесін қалай сақтау керек екені туралы, сыныптас құрбылары мен олардың қарым-қатынасы жайлы білді.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

5 мин

(Ұ) Ширату. «Ашық микрофон» әдісі

Отбасы мүшесі нешеу екенін және отбасында өзінің орнын анықтайды.

Анаң – күнің, жүрегің, 
Әкең – өмір тірегің. 
Әжең – асыл ардағың, 
Атаң – дана қорғаның. 

МҚ.

• Өлең шумағынан нені аңғардық?

• Отбасыңда неше адам бар?

• Сен отбасыңда нешіншісің?

• Бүгінгі мақсатымыз не туралы деп ойлайсыздар?

Отбасы мүшелерін атай отырып топқа бөлінейік.

1 топ: Ата

2 топ: Әже

3 топ: Әке

4 топ: Ана

Топ аттарымызды буынға бөлейік.( А-та, ә-же, ә-ке, а-на)

ҚБ: Мұғалімнің қолпаштауы

Жарайсыңдар! Тамаша! Керемет!

О тбасы мүшелерінің (ата, әже, әке, ана) суреттері

Сабақтың ортасы

25 мин

5 мин

7 мин

2 мин

5 мин

6 мин

5 мин

Сабақтың мақсатын хабарлау.

Бүгінгі мақсатымыз – отбасы туралы білу және туыстық байланыстар жүйесіндегі отбасы мүшелерінің орнын анықтау.

(Ж) «Сұхбат» әдісі.  Әр бала өз отбасы жайлы фотосурет бойынша әңгімелеп береді. (алдын ала берілген отбасы жайлы жинақ жасап келу) Екі бала бір-бірімен сұхбаттасады.

Дескриптор: 

• Өз отбасы туралы әңгімелейді.

ҚБ: Өзара бағалау. «Басбармақ» әдісі

(Т) «Үштік» әдісі (Ойлан.Топтас.Талқыла) Оқулықпен жұмыс

Бағалау критерийі: Білім алушы

• Отбасы ұғымының мәнін түсіндіреді.

1 топ: Отбасы туралы шағын әңгіме құрастыр.

2 топ: Сурет бойынша өз ойларыңды айт.

• Бұл дәстүрлердің қайсысы саған таныс?

• Олар қалай аталады?

3 топ: Мозаика ойыны. Құрастырылған суретті анықтап ат қою., туыстық атауларын атау

4 топ: «Тату – тәтті отбасы» ойыны. Өзінің туыстық байланысын анықтайды.

Сенің анаңның анасы саған кім? нағашы әже

Менің анамның қызы, бірақ мен емес? Әпке, сіңілі

Сенің әкеңнің әкесі? Ата

Сенің әкеңнің ағасы саған кім болады? Көке

Сенің әкеңнің әпкесі саған кім болады? Әпке

Қосымша дереккөздер: Отбасы және отбасылық дәстүрлер туралы аудиожазба тыңдау

Дескриптор: 

• Отбасы туралы біледі.

• Сурет бойынша әңгімелейді.

• Туыстық байланыстарының мәнін түсінеді және қосымша дереккөздермен танысады.

ҚБ: Топтық бағалау «Үш шапалақ» әдісі

( өте жақсы жауап берсе – қолды жоғары; толық жауап берсе – орта, жауап толық болмаса - төмен қарай шапалақтау)

(Ұ) Сергіту сәті: «Бармақтар отбасы»

(Д) Дәптермен жұмыс

- Отбасыларыңызда қанша туыс болса, сонша алма алайық.

- Алған алмаларды дәптердегі ағаштарыңа жапсырып, туыстарыңды атаңдар.

- Кімнің ағашында алма саны көп?

- Кімнің ағашында алма саны аз?

Дескриптор: 

Отбасындағы өзге мүшелерге қатысты туыстық байланыстар санын анықтайды.

ҚБ: Мұғалімнің қолпаштауы

Өте жақсы! Керемет! Тамаша!

«Ойла, әңгімеле» әдісі Саралау тапсырмасы

Бағалау критерийі: Білім алушы

• Оқу мақсатындағы негізгі ойды анықтайды.

«А» деңгейі

Отбасы мүшелерін толықтыр

«В» деңгейі

Отбасының ең үлкен байлығын тауып, белгіле

Бала, ақша, үй, машина

«С» деңгейі

Сөйлемді аяқта. «Сен отбасында кімсің?»

Мен отбасының ...... (мүшесімін)

Мен әкем мен анамның ....... (баласымын,қызымын)

Мен атам мен әжемнің ............. (немересімін)

Мен нағашы атам мен нағашы әжемнің ........ (жиенімін)

Дескриптор: 

• Отбасы мүшелерін анықтайды.

• Отбасының құндылығын ажырата біледі.

• Отбасындағы өз орнын таба біледі.

ҚБ: Өзін – өзі бағалау «Бес саусақ» әдісі

Тек «А» деңгей тапсырмасын орындаса– қызыл саусақ

«А», «В» деңгей тапсырмаларын орындаса – сары саусақ

«А», «В», «С» деңгей тапсырмаларын орындаса – жасыл саусақ көрсетеді.

Сабақты бекіту

(Ө) ҚБ тапсырмасы

Бағалау критерийі: Білім алушы

• Отбасы мүшелеріне қатысты туыстық атауларды ажыратады.

• Туыстық қатынастарда өз орнын анықтайды.

Ойлау дағдыларының деңгейі:

Білу және түсіну. Қолдану

Сызбаға мұқият қара. Сұрақтардың көмегімен өзіңе қатысты туыстық атауларды анықтап, жаз.

• Әкеңнің әкесі саған кім болады?

• Анаңның анасы саған кім болады?

• Оларға сен кім боласың?

Дескриптор:

• туыстық атауларды дұрыс анықтайды.

ҚБ: Мұғалімнің қолпаштауы «Ынтыландыру» әдісі

Тапсырманы өте жақсы орындағандар – ұшақ; тапсырманы жақсы орындағандар - машина; тапсырманы орташа орындағандар – велосипедпен жүреді.

Оқулық, 30-31 бет

Қима қағаздар

https://www.youtube.com/watch?v=BsyfFlArDBg

Дәптер, 20бет

Сабақтың соңы

5 мин

Рефлексия «Отбасы»

Білім алушы оқу мақсатын қалай меңгергендігін, түсінгендігін отбасы мүшелерінің суретін таңдау арқылы айқындайды.

«Бала мен қыз» - өте жақсы түсіндім, мен үшін өте қызықты.

«Әке мен ана» - мен оқу мақсатын түсіндім.

«Ата мен әже» - бүгінгі мақсат бойынша әлі де ізденуім керек.

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Саралау әдісінде оқу мақсатына негізделген «А» Отбасы мүшелерін толықтыр. «В» Отбасының ең үлкен байлығын тауып, белгіле. Бала, ақша, үй, машина. «С» Сөйлемді аяқта. Сен отбасында кімсің? деңгейлік тапсырмаларды толық орындап игерулеріне мүмкіндік жасалады.

Қарқын

Топтық жұмыста кейбір оқушылар мақсатқа сай берілген тапсырманы басқаларына қарағанда жылдам орындап қарқыны жай оқушыларға көмек көрсетеді.

Диалог және қолдау көрсету

Жұптық жұмыспен ширату жаттығуындағы талқылау сұрақтары барысында диалогтар жүргізіліп, туыстық байланыстарының мәнін түсінуде нағашы ата, нағашы әже, жиен сөздерінің мағынасын ашуда қолдау көрсетіледі.

Бағалау

Оқу мақсаты барысында берілген әр тапсырманың нәтижесін мұғалімнің қолпаштауы, қалыптастырушы бағалау арқылы бағаланады.

Жіктеу

Оқушылар ширату жаттығуында, оқулықпен жұмыс «Сұхбат» әдісі кезінде топқа, жұпқа бөлініп жұмыстанады.

Дереккөздер

Оқу мақсаты негізінде топтық және жұптық жұмыстарында көрсетілді.

Қорытынды

Білім алушы оқу мақсатына жету үшін белсенді оқыту әдістері арқылы анықталады.

1. (Ұ) Ширату. «Ашық микрофон» әдісі

ҚБ: Мұғалімнің қолпаштауы

Жарайсыңдар! Тамаша! Керемет!

2. (Ж) «Сұхбат» әдісі.  

ҚБ: Өзара бағалау. «Басбармақ» әдісі

3. (Т) Оқулықпен жұмыс

«Үштік» әдісі (Ойлан.Топтас.Талқыла)

ҚБ: Топтық бағалау

«Үш шапалақ» әдісі

( өте жақсы жауап берсе – қолды жоғары; толық жауап берсе – орта, жауап толық болмаса - төмен

4. (Д) Дәптермен жұмыс

ҚБ: Мұғалімнің қолпаштауы

Өте жақсы! Керемет! Тамаша!

5. «Ойла, әңгімеле» әдісі

С аралау тапсырмасы

ҚБ: Өзін – өзі бағалау

«Бес саусақ» әдісі

Тек «А» деңгей тапсырмасын орындаса– қызыл саусақ

«А», «В» деңгей тапсырмаларын орындаса – сары саусақ

«А», «В», «С» деңгей тапсырмаларын орындаса – жасыл саусақ көрсетеді.

6. (Ө) ҚБ тапсырмасы

ҚБ: Мұғалімнің қолпаштауы «Ынтыландыру» әдісі

Тапсырманы өте жақсы орындағандар – ұшақ; тапсырманы жақсы орындағандар - машина; тапсырманы орташа орындағандар – велосипедпен жүреді.

7. Рефлексия «Отбасы»

«Бала мен қыз» - өте жақсы түсіндім, мен үшін өте қызықты.

«Әке мен ана» - мен оқу мақсатын түсіндім.

«Ата мен әже» - бүгінгі мақсат бойынша әлі де ізденуім керек.

Оқушылар тапсырманы орындау кезінде партада түзу отыру, бойларын тік ұстау. Сергіту сәтін орындағанда бір – біріне кедергі келтірмеу.