Ашық сабақ. "Менің сүйікті жануарым" шағын орталық

«Жаңа мектепке – жаңашыл ұстаз»

(Эссе)

Джакиева Гүлім Абылайқызы

Сегізсай негізгі орта білім беретін мектебінің

қазақ тілі мен әдебиеті пәнінің мұғалімі

«Ұлылықтың басында ұстаз тұрады» демекші барлық адам ұстаз алдын көріп, алғаш қалам ұстатқан адамын естен шығармайды. Ұстаз – әр уақытта киелі ұғым. Данышпан да, дана да, ғалым мен дәрігер де, кенші мен жыршы да ұстаздан тәлім тәрбие алған. Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады деп, – Мұхтар Әуезов атамыз айтқандай үнемі ізденісте, шығармашылық шабытпен жұмыс жасағанда ғана жаңашыл ұстаз дәрежесіне жетпек. Мұғалімдік мамандық – бұл адамтану, адамның күрделі және қызықты, шым – шытырығы мол рухани жан дүниесіне үңіле білу.

Жай мұғалім хабарлайды,

Жақсы мұғалім түсіндіреді.

Керемет мұғалім көрсетеді,

Ұлы мұғалім шабыттандырады – дегендей жай мұғалім боп қалуыңызда, жақсы немесе керемет мұғалім болуыңызда, ұлы мұғалім болып шәкірт жүрегінде мәңгілікке қалуыңызда өз қолыңызда. Педагогикалық шеберлік пен педагогикалық өнер – ол даналықты жүректен ұға білу болып табылады. Заманның ағымымен ілескен ұстаздар қауымы шәкірт жүрегінен жол тауып, бала жанын етене түсінген. Жаңа заманда жаңа мектепке, жаңашыл ұстаз қажет екендігі айтпасада түсінікті жайт. Қазіргі заман инновациялық технологияның дамыған заманы. Компьютерді еркін меңгерген, үш тұғырлы саясатты ұстанған, жан – жақты, шеберлігі мен дарындылығы ұштасқан ұстаз жаңа заманның ұстазы деп айтуға болады. Жаңашыл ұстаз елбасының саясаты «Жаңартылған бағдарлама» жүйесіне еніп, балаларды өзіне баулып, оларға әсер етіп, әр сабағын қызықтыра білсе оқушылардың ұстазға деген сенімі мен мәртебесі жоғарылайды деп ойлаймын. Жаңа мектепте заманға сай барлық жағдай жасалса мұғалімде еш кедергісіз білім берер еді.«Көш жүре бара түзеледі» дегендей дәстүрлі ұстаз жаңарып, жаңашыл ұстаз биік шыңға өрлей берсін.