| Сабақтың мазмұны | Ресурстар
|
| Сабақтың мақсаты: Дұрыс әрекет құндылығының маңызын ұғындыру. Міндеттері: - жауапкершіліктің және шынайылылықтың адам өміріндегі мәнін ашу; - қоғамға риясыз қызмет ету іскерліктерін дамыту; - жауапкершілікке,әділеттілікке тәрбиелеу. |
Сәлемдесу,түгелдеу,сабақтың мақсаты мен міндеті таныстырылады. |
Сабақтың барысы:5-талап 1.Ұйымдастыру кезеңі: «Нұрға бөлену».Ыңғайланып отырыңыздар, денелеріңізді түзу ұстаңыздар. Аяқ -қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.Осы нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын»Осындай Нұр, Махаббат және Тыныштық күйінде отыра тұрыңыз...Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.Жаймен көзіңізді ашуға болады.Рахмет! 2.Үй тапсырмасын тексеру. Дәптердегі 2-тапсырма сұрақтарға қалай жауап жазғандарын тексеру.
|
Баяу музыка қойылады
Үй тапсырмасын тексеру |
3.Дәйексөз
Кісіге екі дүниеде пайдалы нәрсеІзгі іс немесе мінезі түзулік.Екіншісі ұят,үшіншісі әділдік.Бұл үшеуі арқылы адам шын бақыт табады. Ж. БаласұғниКісіге екі дүниеде пайдалы нәрсе қандай қасиеттер екен?Шын бақыт не арқылы келеді? | Дәйексөздің мағынасын талқылау.Сұрақ –жауап |
| ӘңгімелеуОқулықтағы М.Тиесовтың «Дән мен тас» ертегісін оқып,талқылау.Мәтіннен қандай ой түюге болады?Өмірде мінезі ауыр адамдармен қалай қарым қатынас жасауға болады?Ауыр мінездің оң және кері қырлары туралы не айтар едіңіз? |
Сұрақ –жауап
|
Шығармашылық жұмыс «Мінез түрлері» атты видео көріп,пікірталас ұйымдастыру.
|
Оқушылар мінез түрлі мінездер туралы пікірталасады. |
Топпен ән айтуАсыл анаәні. Кеңес Дүйсекеевсөзі. Шөмішбай СариевСаған деген сағынышым жетер ме,Жеткізе алмай мен өмірден өтем бе?Жан анашым, жаутаңдадың баладай,Қош айтысып мен ауылдан кетерде.Қайырмасы:Есен-аман жүрмісің, асыл ана,Уақыт өрнек салған ба шашыңа да?Қуандың ба, сағынып, атқан таңға,Мұнайдың ба, қамығып, батқан күнге, асыл ана.Саған деген сезімдерім жетер ме,Жеткізе алмай мен өмірден өтем бе?Өмір болып басталады өзіңненТуған жерім, ата қоныс мекен де.
| (бейнеклип)Мұғалім әнді оқушылармен бірге тыңдайды |
| 7. Үй тапсырмасы 1. Ш.Мұхамеджановтың «Сыйластық» атты өлеңін жаттап келу.2.Келесі сабақ: Оқулықтағы Зейн Шашкиннің «Темірқазық » әңгімесін оқып келу. | Оқушылар үй тапсырмаларын күнделіктеріне белгілеп алады. |
| 8.Соңғы тыныштық сәті: Бүгінгі сабақтан игерген жақсы қасиеттерді бойларыңызға сіңіріп, жүректеріңізге түйіп алыңыздар.Дұрыс әрекет,дұрыс әрекет,дұрыс әрекет,дұрыс әрекет бар жерде, дұрыс әрекет,дұрыс әрекет,дұрыс әрекет бүкіл әлемде. | Мұғалім бүгінгі сабаққа белсене қатысып, сырларымен бөліскендері үшін алғысын айтып, ақ тілек лебізін білдіріп келесі сабаққа дейін қоштасады.
|
ҚР Білім және Ғылым министірлігінің стандартымен жасалған
22 Желтоқсан 2017
410
0 рет жүктелген
