Ашық сабақ "Модель және модельдеу" 6 сынып

Мектеп

Ш. Т. Еркінов атындағы орта мектебі

Күні: 4.12.17

Мұғалімнің есімі: Сапашева Е. М.

Сабақтың тақырыбы

Модель және модельдеу.

Сынып

6ә

Сабақ негізделген оқу мақсаты

«Модель», «модельдеу» ұғымдары туралы түсінік беру

Сабақ мақсаттары

Барлық оқушылар: «модель», «моделдеу» туралы ойларын айта отырып, түсіндіре алады

Оқушылардың басым бөлігі: модель және модельдеуге мысалдар келтіре алады

Кейбір оқушылар: өз ойларындағы нысандар мен құбылыстарға әр түрлі модельдеуді қолдана алады

Тілдік мақсат

Пәндік лексика мен теринология:

Нысандар – объекты

Құбылыстар – явления

Модельдеу – моделирование

Модель құру - создание модели

Модельдеу кезеңдері - этапы моделирования

Сыныптағы диалог/жазылым үшін пайдалы тілдік бірліктер:

Талқылауға арналған сұрақтар:

– Модель дегенді қалай түсінесің ?

– Өмірден моделге қандай мысалдар келтіре аласың?

– Модельдеудің қандай кезеңдері бар?

Құндылықтарға баулу

• қарым-қатынас жасау қабілеті, өзгелердің мәдениетіне және көзқарастарына құрметпен қарау

• жауапкершілікте болу

Пәнаралық байланыс

Алдыңғы оқу

Алгоритм және олардың түрлерін, жазылу формаларын біледі, есептер шығара алады

Жоспар

Сабақтың кезеңдері

Жоспарланған іс-әрекет

Ресурстар

Сабақтың басталуы

І. Ынтымақтастық атмосфера қалыптастыру. Топқа бөлу

Әннің жолдары арқылы топқа бөлемін.

• Оқушылар, желтоқсан айының басында Елбасымыздың мерекесін, одан кейін тәуелсіздік күнін тойлаймыз иә. Сондықтан, үстел үстіндегі бөлінген патриоттық әннің шумақтарын тауып, құрастыра отырып топ құрайық және сол әннің шумағын бәріміз қосылып айтып, патриоттық сезіммен бүгінгі сабағымызды бастайық.

«Атамекен», «Көк тудың желбірегені»

ІІ. Үй тапсырмасын тексеру

«Ашық микрофон» әдісі

Оқушылар бір-біріне микрофон арқылы «Алгоритм және оның түрлері мен жазылу формалары» туралы сұрақтарын қояды немесе есеп шығару тапсырмаларын айтуы да мүмкін. Бұл жерде сұрақ қоюшы сұрағын бағыттаған сыныптасының атын қосып айтып өтеді.

Мысалы:

1. Бақытбек, алгоритмнің қандай түрлері бар?

2. Ж аннұр, мына шартты есепті шығарып бер

(Оқушылар бірін-бірі смайликтер арқылы бағалайды)

• Өте жақсы, оқушылар. Өткен тақырыптар бойынша жақсы дайындықта екендеріңізді көрдік. Енді мына макетке назар аударайықшы.

• Бұл ненің макеті? (Оқушылар жауабын айтқаннан кейін әрі қарай жетелеуші сұрақтар қойылады)

• Бәйтерек қайда орналасқан?

• Оны сипаттап беріңдер?

• Оны қандай идея арқылы немесе қандай аңызға сүйеніп жасаған?

• Міне, балалар бұл Бәйтеректің макетін Астана төріндегі Бәйтерек монументінің моделі деп айта аламыз.

(Оқушылар бірін-бірі бас бармақ арқылы бағалайды)

Ортасы

(Осылай жаңа сабақтың тақырыбын ашып аламыз және Бәйтерек туралы білетіндерін естеріне түсіре отырып, кішкене болса да «Рухани жаңғырудың» бір тармағын орындадық деп есептейміз).

Жаңа сабақ

(Жаңа сабақ бойынша қысқаша түсінік беріп өтемін)

Модель-бұл глобус және әлем картасы, жердің жартылыс күшінің формуласы, көрме стендіндегі зымыранның макеті, мектептегі биология кабинетіндегі көрнекі құралдары, әйгілі суреттердің көшірмесі. Оларды не байланыстырады?

Нақты нысандарды ( түпнұсқа) зерттеу мақсатындағы адамның қолымен жасалған нысанды-модель деп атаймыз.

Модель-нақты нысанды, құбылысты немесе үдерісті қарапайым етіп түсіндіреді.

Модельдеу-нысандарды, үдерістерді және құбылыстарды зерттеу үшін модель құру.

Зерттеу нысанның сызбасы

Нысанның түснұсқасы

Модельдеу

Шешім қабылдау

«Модель ұғымы» және «Модель түрлері» тақырыбында бейнероликтер

Компьютердегі тәжірибелік жұмыс

А деңгейі

Графикалық редактор құралдарының көмегімен сынып бөлмесінің моделін ұсыныңдар. Геометриялық модельді қолдануға мысал келтіріңдер

В деңгей

Сабаққа кешігу барысындағы жазылатын түсініктеменің сөздік моделін құрыңдар. Оны мәтіндік редакторда рәсімдеңдер.қалай ойласыңдар, сөздік модель құру барысында қандай мақсаттар қойылады?

Слайд

Bilimland.kz сайтынан алынған бейнероликтер

Сергіту сәті

«Бастағы қалпақ» әдісі.

Оқушылар дөңгелене тұрады. Музыка қосылған кезде оқушы басындағы қалпағын келесі оқушының басына т.с.с. кигізеді. Музыка тоқтағанда қалпақ кімнің басында қалса сол оқушы бүгінгі тақырыпқа қатысты 2 сөзден тұратын сөз тіркестерін айтады

Колонка

Музыка

Аяқталуы

Рефлексия

«Мен елімнің татриоты»

Ақпараттық модель жасаңыздар

(Жалпы сыныпқа ортақ тапсырма. Қазақтың ұлттық дәстүрі, аспаптары мен ойындары туралы ақпараттық модель жасайды. Ойларын білдіреді. Бірін-бірі толықтырады)

«Бес саусақ» әдісі

Оқушылар параққа алақандарын қойып, оны жиегімен қаламмен айналдырып өтеді. Салынған саусақтарына мыналарды жазады.

1. «Бас бармақ» - басты мәселе. Бүгінгі сабақта ең құнды мәселе не болды?

2. «Балаң үйрек» - бірлесу. Қалай жұиыс жасадым, кімге көмек бердім, кімді риза жасадым.

3. «Ортан терек» - ойлану. Мен бүгін қандай білім мен тәжірибе алдым?

4. «Шылдыр шүмек» - шынайылық. Сабақ маған ұнады ма? Неліктен?

5. «Кішкентай бөбек» - көңіл-күй ахуалы. Мен сабақта өзімді қалай сезіндім?

Үйге тапсырма беру.

Модель және модельдеу

С деңгейінің тапсырмасы

Интективті тақта

Слайд

Қосымша ақпарат

Ғаламтор желісі, «Информатика негіздері» журналы, Bilimland сайты